Мұғалімнің өзі өткізген сабағын талдау

Мұғалімнің өзі өткізген  сабағын талдау.

Пәні: Қазақ тілі

Күні:14.04.2017 ж    

Сыныбы: 5 сынып           

Сабақты өткізуші  және талдаушы:Біліктілігі жоғары  деңгейдегі бірінші  санатты  қазақ тілі мен әдебиет  пәні мұғалімі Барамбаева Карлығаш Айтбаевна

Сабақтың тақырыбы: Тіл білу.

Осы сабаққа қол жеткізілетін оқу мақсаттары: Тіл меңгерудің маңызын түсінеді, таныс сөздерді қолдану арқылы сұрақ қояды және сұраққа жауап береді.

Сабақтың мақсаттары:

Барлығы: Тақырыпты зейін қойып тыңдайды, түсінеді.

Көбі: Тақырыпты зейін қойып, тыңдайды, түсінеді. Күнделікті өмірде қолданылатын сөздердің мағынасын түсінеді. Сұрақ қойып, сұраққа жауап бере алады.

Кейбірі: Тақырыпты зейін қойып, тыңдайды, түсінеді. Күнделікті өмірде қолданылатын сөздердің мағынасын түсінеді. Сұрақ қойып, сұраққа жауап бере алады. Мәтінді оқып, басқаларға өз сөзімен айта алады.

Құндылықты дарыту: Оқушыларды өзара сыйластық, достық, қарым – қатынастарын дамыту. Өз тілін, елін, тарихын құрметтеу.

Бүгінгі өткізген сабағымның түрі - жаңа сабақты меңгерту

Қолданған әдіс – тәсілдерім: түсіндіру, мәтінмен жұмыс, өзін – өзі бағалау, сұрақ – жауап, әңгімелеу,  тізбе тілші, көрнекілік, электрондық тест

Көрнекілігі: интерактивті тақта,презентация,бейнежазба, аудиожазба, үлестірмелі қағаздар,бағалау парағы,суреттер.

Пәнаралық байланыс: ағылшын тілі, орыс тілі, Қазақстан тарихы.

Сабақ жоспарында сабақтың барлық кезеңдері қамтылған. Сабақтың мақсатына жету үшін оқушыларды 3 топқа бөліп отырғыздым.

Бейнежазба және кіріспе сөз  арқылы балалар сабақтың тақырыбын ашты.

Жаңа тақырыпты проблемалық оқыту арқылы балалардың  білім және тәжірибелеріне сүйеніп,тілдер туралы ойларын  ашқыздым,оқушылардың тақырыпқа қызығушылығын  ояттым.Заманауи талабына сай оқушылармен сөздік жұмысын үш тілде өткіздім.

Жаңа лексиканы  мәтінді оқу,сұрақ қою,жауап қайтару   тәсілдері  арқылы  меңгерттім.Оқушылар сабаққа белсенді ат салысты.Тапсырмалар сабақ мақсатына сай таңдалынған, оқушылардың өз ойларын жүйелі қорытып айтуға ұйымдастыра білдім. 

Қазақ тілін жақсы меңгеру үшін оқушылардың тілдері  жаттықтырылды.
Электронды тест нәтижесі балалардың тақырыпты меңгергенін көрсетті.

Осы сабақта мен  жаңа оқыту тәсілдердін, АҚТ-ны, өзін-өзі  бағалауды қолдандым.Тапсырмалар оқушылардың жас ерекшеліктеріне сай  болды.

Топтық жұмыс тиімді болды деп  есептеймін.Оқушылар өз интеллектуалдық қабілеттерін көрсете білді.

Тәрбиелік мақсаты сабақтың мазмұны арқылы жүзеге асты.

 Сабақ өз мақсатына жетті.