«Мамандық таңдау – ертеңді ойлау».

№ 3 Красный Яр орта мектебі

Тақырыбы: «Мамандық таңдау – ертеңді ойлау».

                                     2015-2016 оқу жылы

Күні: 18.12.2015ж.

Тақырыбы: «Мамандық таңдау – ертеңді ойлау».

Мақсаты:

Білімділік:  Оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау;

Коррекциялық: Кәсіби бағдар беру; түрлі жаттығулар арқылы интелектуалдық таным процестерін, логикалық ойлау , есте сақтау қабілетін дамыту және оқушының, зейінді аудару қабілетін дамыту.

Тәрбиелік: Өз пікірін еркін айтып,өзгенің пікірін сыйлай білуге, жүйелі ойлауға баулу, болашақта өз мамандығын дұрыс таба білуге және өзге мамандықты сый      лауға баулу.

Көрнекілігі: интерактивті тақта, слайдтар, дидактикалық материалдар, тест тапсырмалары.

Әдісі: тренингтер, әңгімелесу, сұрақ-жауап, топтық жұмыс.

Сабақтың барысы:

1. Ұйымдастыру кезеңі: Психологиялық дайындық.

А) « Дем алу» жаттығуы

Б) «Ойлануға бас киім»  жаттығуы.

В) Көзге арналған гимнастика «Мұрнымен жазу».

Г) «Алақанындағы шар» жаттығуы.

2. Үй тапсырмасын тексеру

Оқушылардың алдында жатқан парақтардағы тапсырмаларды орындау.

1 Тапсырма.  Төменде берілген сөздерде көп нүктенің орнына қажетті әріптерді қойып жазыңдар.

1  ...ұхтар Шаханов                                       

2. Бибігүл Төлегенов...

3. Бауыржан  ...омышұлы

4. ...бай Құнанбайұлы

5. Қа...ыш Сатпаев

6. Мәлік Ғаб...уллин

7. Қайрат Р...сқұлбеков

8. То...тар Әубәкіров

Слайдта сабақтың тақырыбы «Мамандық таңдау – ертеңді ойлау»   шығады

Жауабы:Мұхтар Шаханов,  Бибігүл Төлегенова,  Бауыржан  Момышұлы,

 Абай Құнанбайұлы,  Қаныш Сатпаев, Мәлік Ғабдуллин, Қайрат Рысқұлбеков, Тоқтар Әубәкіров

Оқушылар жоғарыда аталған атақты адамдар өз өмірінде дұрыс мамандық таңдап, еліміздің мақтанышына айналып, елімізге, халқымызға көп пайдасын тигізді.

3. Жаңа сабақ

1)Слайдпен Абайдың бір шумақ өлеңі көрсетіледі, дыбыспен оқылады.

Әсемпаз болма әрнеге,

Өнерпаз болсаң, арқалан.

Сен де бір кірпіш дүниеге,

Кетігін тап та, бар қалан.

(Абай Құнанбаев)

а)Ұлы ақын Абай Құнанбаев осы өлеңі арқылы бізге қандай ой тастап тұр?

б) Адамның өмірден өз орны таба білуі дегенді қалай түсінесіңдер?  

2) Слайдта әртүрлі мамандық иелерінің суреттері көрсетіледі.

4) Жағдаят шешу .

Қалай  ойлайсыңдар сыныптастардың ішінде кімге қандай мамандық лайықты?

Оқушылардың шығармашылықпен жұмыс түрлері:

5)Әр оқушыға карточкалар беріледі. Карточкада келесі тапсырмалар:

1. Аспазшы:  Керекті әріптерді қою:

Қ...ырдақ, бау...рса...,  қо...па, бес...армақ, со...па, қа...мақ, қ...мыз,

Жауабы: Қуырдақ, бауырсақ,  қоспа, бесбармақ, сорпа, қаймақ, қымыз

2.Мұғалім: мақал-мәтелдерді дұрыс құрастыружұмысы.

Еңбек ерлікке жеткізер,                                          Жасына қарай — ізет ,

Еңбегіне қарай — құрмет.                                     Егін екпесең жерге өкпелеме,
Еңбек етпесең, елге өкпелеме .                               Ерлік елдікке жеткізер

Еріншектің ертеңі бітпес,                                       Тояды қарның тіленбей.

Еңбек қылсаң ерінбей,                                           Жеңілтектің селтеңі бітпес.                                       

Жауабы:

1. Еңбек ерлікке жеткізер

    Ерлік елдікке жеткізер

2. Еңбегіне қарай — құрмет.                                                                          

    Жасына қарай — ізет

3. Еңбек етпесең елге өкпелеме 

   Егін екпесең жерге өкпелеме

 4. Еріншектің ертеңі бітпес                                                              

   Жеңілтектің селтеңі бітпес

5. Еңбек қылсаң ерінбей  

    Тояды қарның тіленбей.  

3. Журналист : Автор орындығы: « Менің мамандығым ең жақсы»  тақырыбына  4 шумақ өлең шығару.       

4.   Дәрігер: Антонимдік жұп құрау ( берілген сөздерге антоним құрастыру)     

       Дені сау адам - ауру  адам

       Емдеу -жарақаттау    

      Ауруханаға жатқызу – ауруханадан шығару

5. Программист:  Шығармашылық жұмыс  (өз мамандығы бойынша әңгіме құрастыру)

6. Радиотехник:  Терме жұмысы    (берілген сөйлемдерге  жақша ішіндегі керекті сөздерді тауып жазыңдар)

1. Көпарналы (телекоммуникация) жүйелерді іске қосу 

2.  Радиохабар және теледидар, компьютер– (осылар) қазіргі өмірді елестету мүмкін емес.

3. Дыбыс және теледидар (хабар) таратудың, мультимедиялық техниканың (жүйе) мен құрылғыларын құрдық.

Жауабы:

1. Көпарналы телекоммуникацилық жүйелерді іске қосу 

2.  Радиохабар және теледидар, компьютер– осыларсыз қазіргі өмірді елестету мүмкін емес.

3. Дыбыс және теледидар хабарларын таратудың, мультимедиялық техниканың жүйелері мен құрылғыларын құрдық.

4.  Музыкалық сергіту сәті  «Көңілді балалар»

5. Төменде берілген «Мамандықтың жаманы жоқ»  мәтінін түсініп оқып, мазмұнын айтыңдар.

6. «Ми шабуылы» - жаттығу жұмыстарын бастайық.

1. Мамандық дегеніміз не?

2. Мамандық меңгеру үшін не қажет?

3. Белгілі бір кәсіптің иесі болу үшін міндетті түрде жоғары білім алу қажет пе?

4. Ауыл экономикасын көтеру үшін, ауылға ең алдымен қандай мамандықтар қажет деп ойлайсыңдар?

5. Адам өз мамандығын таңдаған кезде, нені басшылыққа алу керек?

6. Жақсы маман болу үшін адам нені білуі және үйренуі керек?

7.Ситуацияны шешу:

      Егер мамандық иесі болсаң не істер едің ?:

Дәрігер. Ауырған адам сізге келіп, қойған диагнозбен келіспейтінін айтты . Сіздің шешіміңіз?

Мұғалім : Сабаққа оқушының  ата-анасы қатысып отыр. Үй тапсырмасын сұрадыңыз, ешбір оқушы дайын емес. Не істер едіңіз?

Журналист: Жазған мақалаңыз кейбір адамдарға ұнамай, сізге ескерту жасады, қорқытты. Не істер едіңіз?

Программист: Сіз жіберген ақпарат уақытында электрондық поштамен келмесе, не істейсіз?

 Радиотехник: Сіз теледидарды жөндедіңіз, 10 минуттан кейін сіз жөндеген теледидар істемей қалды деп сізге хабарлады. Сіз не істейсіз?

Аспазшы: Сіздің мейрамханаңызға келген қонақтар,  тамағыңыз дәмді емес деп айтса, не істер едіңіз?

8. Берілген дайын геометриялық фигуралардан өз мамандығына байланысты макет жасау.

9.Мына сұрақтарға сүйене отырып шағын мәтін құрау.

1. Өзіңіз жайлы шағын мәлімет.

2. «Арман – адам қанаты» дейді, арманыңыз жайлы не айтар едіңіз?

3. Алдыңызға қандай мақсат, жоспар қойып отырсыз?

4. Өзіңіздің алдағы жеңістеріңіз туралы не айтар едіңіз?

5. Жақсы адамға берер мінездемеңіз.

6. Өзіңізден осы қасиеттер табыла ма?

7. Сабаққа қатысушыларға тілегіңіз.

 Сабақты қорытындылау.

Бүгінгі мамандыққа арналған сабағымыздан не алдыңыз?

Өзіңіз үшін қандай қорытынды жасадыңыз, жақсы және кемшіліктері туралы ойландыратын жағдай болды ма?

Бағалау:

Слайдта ақ  түсі қылау  – оқушының белсенді қатысып, сұрақтарға дұрыс жауап бере алды.

Көгілдір түсті қылау – бүкіл күшімен қатысты, бірақ кейбір жауаптар дұрыс болмады..

Үйге тапсырма: Өз мамандықтары бойынша 4 шумақ өлең шығарып, жазып келу.

Қорытынды: «Отанның болашағы мемлекеттің келешегі жастардың қолында, яғни сендердің қолдарыңда.Сондықтан олардың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді» Елбасының осы сөзімен сабағымды аяқтаймын.