Рабочие листы
к вашим урокам
Скачать
1 слайд
Къырым Мухтар Джумхуриети тасиль ве илим, яшлар ве спорт назирлиги талебелернинъ кучюк фенлер Академиясы Багъчасарай районынынъ филиалы «Искатель»
Мевзу: Сейтумер Эминнинъ фаалиети
Ишни беджерген
Албат умумтасиль мектебининъ
9-джы сыныф фааль талебеси
Юсифова Ветание
2014с.
2 слайд
Белли истидатлы шаир ве языджы,
миллетимизни, Ватанымызны
душманлардан къорчалагъан
къоркъубильмез дженкчи, сюргюнлик
вакътындан та омюрининъ сонъуна
къадар халкъымызнынъ такъдирини чезюв, акъ-укъукъларыны къорув, девлетчилигимизни тиклев ёлларында курешкен Сеитумер Эминнинъ бу йыл, 15 майыста, догъгъанына 90 йыл толды.
3 слайд
Сеитумер Эмин 1921 сенеси майыс 15-те
Багъчасарай районынынъ энъ дюльбер кошесинде, аджайип дагълар, къаялар арасында ерлешкен Албат коюнде догъды. Секиз яшында экенде бабасыз къала. Башлангъыч тасилини Албат кою мектебинде, бираз сонъра исе ,къомшу Диванкойге къатнап окъуй.
1937 сенеси кене шу Багъчасарай районынынъ Буюк-Озенбаш коюнинъ орта мектебине авуша ве оны мувафакъиетнен битире.
4 слайд
Мектептен сонъра Албатта, район меркезинде чыкъаяткъан «Ударник» адлы район газетасында чалышмагъа башлай. Йыллар кечтикче Сеитумер Эмин газетеда эдебий хадим, месуль кятип ве дженк башлангъанда месуль муаррир олып чалыша.
5 слайд
1941 сенеси апансыздан башлангъан Экинджи джиан дженки тынч омюрни бус-бутюн авдарып ташлай. Хасталыгъы себебинден онъу дженкке ёлламайлар. Амма онынъ дефаларджа комиссарлыкъкъа шахснен мураджаат этюви сеасинде ахыр-сонъу аскерликке алына. Сеитумер Эмин гонъюлли оларакъ джебеге кете. Партизанлыкъ япкъан вакъытында о, чокъ ватандашларнен бирликте немселерге къаршы дженклеше.
6 слайд
1944 сенеси майыс 18-де бутюн халкънен берабер сюргюн этиле. Озьбекистаннынъ Бекабад шеэринде яшай, Фархад ГЭСи къуруджылыгъында иштирак эте. 1967-1971 сенелери Ташкент шеэриндеки Гъафур Гъулам адына нешрияттаки къырымтатар эдебияты болюгининъ муаррири вазифесинде булуна.
7 слайд
Сеитумер Эмин бедий яратыджылыкънен та генчлик яшларында огърашып башлай. Онынъ макъалелери, очерк ве шиирлери район ве джумхуриет газеталарында сыкъ-сыкъ басыла. Онынъ аркъадашлары аскерликке кеткенде, оларгъа багъышлагъан «Аркъадаш ,ёлгъа!» адлы шиири онынъ ильки язгъан шиирлеринден бири эди.
Сеитумер Эмин сюргюнлик шараитинден, эр анги къыйынлыкъларгъа, тазыйыкъкъа бакъмагъан, сюргюнлик деври шиириетине озюндже бир тазелик, эминлик багъышлагъан акъикъатпервер, джесаретли шаирлеримизден биридир.
8 слайд
Шаирнинъ яратыджылыгъы халкъымызнынъ сюргюнлик аяты сеасинде шекилленди. Ватан огъурундаки умумий куреште буюк фааллик косьтерген федакяр несильнинъ сафларында пишкинлешти.
9 слайд
Къырымтатар халкъынынъ садыкъ огълу, адалет огърунда курешчи Джеппар Акимов бу арекетке ёлбашчылыкъ япты.
Сеитумер Эмин де миллий арекетке фааль къошула. Сонъра,Къырымгъа къайтып кельген сонъ о, Акимов Джеппар агъагъа, багъышлап «Адалет кунеши» серлевалы дестан язды. Шаир озюнинъ эсеринде атешин курешчининъ алидженаплыгъыны,джесюрлигини косьтере.
10 слайд
Сюргюнлик йыллары Сеитумер Эмин иджадыны девам эте. «Ленин байрыгъы» газетасында онынъ макъалелери ве шиирлери басыла.
О,эсерлерини къырымтатар ве рус тилинде сербест язгъан эдиплеримиздендир.
Шаирнинъ «Беяз чечеклер» адлы биринджи шиирлер джыйынтыгъы 1968 сенеси Ташкентте Гъулам адына эдебият ве санат нешлиятында нешир этильди. 1969 сенеси исе Сеитумер Эминнинъ шиирлери ве поэмаларындан тертип этильген «Атешли куньлер» адлы экинджи китабы дюнья юзю корьди.
11 слайд
Сеитумер Эмин несир эсерлер де язды.
Онынъ «Ираде дерьясы» (1971) ве «Сенинъ йылдызынъ» (1994) адлы романлары»;
«Яврум да Салгъырнынъ бою», «Къар тюбюнде къалгъан топракъ», «Сепет ичинде къалгъан чечеклер», «Бульбульнинъ эляк олувы» повестьлери;
«О,кузь чечеклери север эди», «Хатырлав», «Шефикъа», «Япалакъ-япалакъ къар ягъа» адлы икяелери халкъымызнынъ сюргюнликтеки такъдири ве яшайышыны ифаделей.
12 слайд
С.Эмин терджиманлыкънен да огърашты. О,озьбек языджысы Айбекнинъ «Мукъаддес къан», къаракъалпакъ языджысы Тулепберген Каипбергеновнынъ «Къракъалпакъ къызы» романларыны, Тургенев, Лермонтов ве даа бир сыра шаирлернинъ шиирлерини къырымтатар тилине терджиме этти.
13 слайд
Чокъ йыллар языджы Краснодар улькесинде яшай.
Шаирнинъ рус тилинде язгъан «Живые волны» (1977), «Дороги» (1980), «Голоса» (1983), «Горы» (1987) адлы шиирлер ве поэмалар джайынтыкълары Краснодар ульке нешриятында дюньяга юзю корьдилер.
Шаирнинъ 2000 сенеси къырымтатар ве рус тиллеринде нешир олунгъан «Сен олмасанъ…»(«Если б не было тебя») адлы шиирлер китабы Къырым Мухтар Джумхуриетининъ Девлет мукяфатына наиль олды. Сеитумер Эмин Украина ве Русие джумхуриетлери языджылар Бирлигининъ азасыдыр.
14 слайд
Сеитумер Эминнинъ бутюн яратыджылыгъы ватангъа севги, асретлие дуйгъусынен ве къавушув арзусынен ашлангъандыр. Шаир, эр бир къырымтатарынынъ гонълюни якъып тургъан ватанына севги, асретлик дуйгъуларыны ташкъын киби къайнакъ шиирлеринде, керекли ве тесир сёзлерни тапып, ифаде этти.
«О копюр къайда?» шииринде шаир копюр
сёзюнинъ манасыны фельсефий дереджеге
котере. Копюр инсанларны, девлетлерни,
халкъларны бири бирине багълай.
Шаир оны Ватангъа къавуштыраджакъ
копюрни тапмакъ дердинде
«…Кене бир копюр бар, лякин о, ольчюсиз,
Агъачсыз ве тахтасыз, ташсыз ве демирсиз
Тувгъан эвиме кечеджек копюр къайда?»
15 слайд
«Эр кеснен берабер» шииринде шаир эм о мюри, эм яратаджылыгъыны, яшын киби айдынлаткъан фикирни бойле сатырларнен ифаде эте:
«Сакъланма дёрт дивар арасында.
Халкънен ол. Кучьлюдир халкъ билеги.
Фуртунада денъизге чыкъа геми…
…Эр кеснен берабер сен де адым ат».
Белли къырымтатар языджысы ве шаири
Сеитумер Эмин 2004 сенеси 21 март куню вефат этти.
16 слайд
26 апрель куню 2014сенеси меним коюмде буюк бир тантаналы байрам кечирдилер. Языджы, шаир, театр санаатчысы Сейтумер Эминнинъ догъгъан коюнде эйкелини ачылышы олып кечти. Бу байрамда Къырымнынъ эр бир кошесинден белли инсанлар, языджылар ве шаирлар, Къырым джумхуриетининъ векеллери, Сеитумер Эминнинъ къызы ве сойлары олдылар.
17 слайд
18 слайд
Сеитумер Эминнинъ меслекдешлери, сафдашлары, достлары, миллий арекет иштиракчилери бу буюк истидатлы инсан акъкъында язып миллетимизге къалдырмагъа ниетлендилер.
Рабочие листы
к вашим урокам
Скачать
План работы: о его детстве, партизанском движении, об участнике крымскотатарского национального движения.
Проектная работа о жизни и творчестве Сейтумера Эмина.
Несомненно человек, поэт и прозаик, патриот Крыма и крымскотатарского народа, который остался в памяти своего народа.
Сейтумер Эмин родился в селе Албат (п. Куйбышево).
В его творчестве прослеживается четкая гражданская позиция.
Его творчество - яркий пример дружбы народов и литератур, поскольку поэт одинаково успешно писал на двух языках - крымскотатарском и русском.
6 663 403 материала в базе
Настоящий материал опубликован пользователем Мамедова Улькера Эрнесовна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс повышения квалификации
72/108 ч.
Курс профессиональной переподготовки
300/600 ч.
Курс повышения квалификации
36 ч. — 144 ч.
Мини-курс
5 ч.
Оставьте свой комментарий
Авторизуйтесь, чтобы задавать вопросы.