Мақтанышым – Тәуелсіз Қазақстан
Мақсаты:
• Оқушылардың тілге, Отанды сүюге, туған жерге сүйіспеншілігін арттыруға,
сөйлеу мәнерін арттыру.
Түрі: Мәнерлеп оқу сайысы
Көрнекіліктер: Нақыл сөз, слайдтар.
Барысы:
/басталмас бұрын сахнадан Қазақстан туралы слайд көрсетіледі, слайд аяқталған
соң 2 жүргізуші ортаға шығады/
1 - жүргізуші:
Қазақ елі тәуелсіздігін алғанына биыл 24 жыл толды. Өз алдына егеменді ел
болып, тәуелсіз ел атанды, қазақ халқы үшін, әрине, үлкен қуаныш. Өз елін,
өзінің кіндік қаны тамған туған жерін, ана сүтімен дарыған туған тілін
түсінбейтін адам жоқ. Біздің туған еліміз – Қазақстан! Даласы қараса көз
жетпейтін кең, таулары айбат, халқы мерейлі ғажайып өлке.
2 - жүргізуші:
Еркіндік, азаттық біздің халқымыздың ежелгі арманы еді. Атажұрт үшін, азаттық
үшін жан беріп, жан алысқа небір сұрапыл шайқастар өтті. Сол шайқасата қаншама
арыстың қаны төгілді, жаны қиылды. Тамыры тереңге байланған алып бәйтеректей
қазақ халқы талай боздағынан айырылды, талай тозақты көрді, талай теңселді,
бірақ құламады. Құламау үшін қаншама қыршынды құрбандыққа шалды. Мінеки,
бүгінде біз – тәуелсіздіктің берік тұғырына мінген егеменді елміз.
1 - жүргізуші:
Бүгінгі «Мақтанышым – тәуелсіз Қазақстан» атты мәнерлеп оқу сайысына
Екеуі бірге: Қош келдіңіздер!!!
Сайысымызды бастамас бұрын әділқазылар алқасымен таныстырып кетейікү
11-сынып
оқушысы Бақытбек Шолпан, 10-сынып оқушысы Ғаппасова Талшын, 9-сынып оқушысы
Ерикова Айым, Болат Айдос.
2 -
жүргізуші:
Сонымен, Желтоқсан оқиғасы не себептен болды, оған кімдер қатысты, ол оқиғаға
сол кезде қандай баға берілді?
1 - жүргізуші:
Иә, ол күн тәуелсіздіктің туын ең алғаш көтерген – әйгілі 1986 жылдың 16
желтоқсаны еді. Таңертеңгі сағат 10 - да бар - жоғы 18 минутта 26 жыл республиканы
үздіксіз басқарып келген Дінмұхамет Қонаев орнынан түсіріліп, орнына Колбин
ешкімнің пікірінсіз - ақ ұсынылған еді.
2 - жүргізуші:
Келді осылай аңсаған күніміз де
Көптен күткен тәуелсіздік келді бізге.
Қайта оралды сан ғасырлық қиындықтан,
Қасиетті тіліміз бен дініміз де.
1 - жүргізуші:
Әр қазақтың есінде сақталады,
Желтоқсандық өрендер ақталады.
Ел намысын қорғаған сарбаздарым,
Ерліктерін мәңгілік сақталады.
- Құрметті қонақтар! «Желтоқсан құрбандарын» еске алайық.
(1 минут үнсіздік)
8- сынып оқушыларына кезек береміз.
1 - жүргізуші:
1986 жыл, 16 - желтоқсан. Бұл ерлік пен өрлік, қайғы мен қасірет мидай
араласқан әрі жақын, әрі қаралы да, қасіретті күн еді.
Мұз жастанып азаттықтың жолында,
Тәуелсіздік туы тұрды қолында.
Сойыл таяқ ойнаса да жанында.
Отан үшін жанын қиды ұлдарың,
Аз болған жоқ азап шеккен қыздарың,
6-
сынып оқушыларына кезек береміз.
2 - жүргізуші:
Күйініштен ауырады жүрегім,
Естігенде желтоқсанның ызғарын.
Желтоқсан - ау, ұмытылмайсың жүректе,
Ұрпақ өсер айналатын тірекке,
Егемендік тиді бүгін еншіме,
Желтоқсаным, жеткіздің ақ тілекке.
1 -
жүргізуші:
Тәуелсіздік бізге оңай келмеді,
Туымызды бізге ешкім бермеді.
Ел тізгінін қолына алу жолында
Қыршын кетті талай қазақ ерлері.
7- сынып оқушыларына кезек.
2 - жүргізуші:
16 желтоқсан – қазақ ұлты үшiн ерекше қастерлi күн. Қазақстан өзiнiң
мемлекеттiк егемендiгiн жариялаған күн ретiнде ғана емес, қазақ халқының
тоталитарлы режимге бас көтерiп, Желтоқсан көтерiлiсi болған күн ретiнде ел бұл
датаға айрықша мән - мазмұнмен қарайды. Себебi 1986 жылы Алматыдағы Республика
алаңында басталған Желтоқсан оқиғалары қазақ тарихында Кенесары Қасымұлы,
Исатай мен Махамбет, Сырым Датұлы тәрiздi ұлт тұлғаларының бiр кездегi бас
көтеруiнен бiрде - бiр кем болған жоқ.
1 - жүргізуші:
«Желтоқсан желі» әнін экраннан тамашалайық!
/экранда «Желтоқсан желі» әні/
1 - жүргізуші:
Сенен артық қасиет жоқ жер тегі,
Сен ұрпақтың күліп атар ертеңі.
Тағдырыңды тапсыр маған туған жер,
Көркейтуге міндеттімін мен сені!
2 -
жүргізуші: Отан... Атамекен... Атажұрт... Тарих... Бұл қай құлаққа да асқақ
естілер асыл ұғымдар. Адам өмірге келіп, ес жиып, етек жая бастаған сәттен ақ
Отанының тарихына ден қоя бастайды.
-------
1 - жүргізуші: Ендеше, еліміздің тәуелсіздік алғалы 24 жылдық тарихына
үңілейік, экранға назар аударайық!
/1991 - 2015 жылдар аралығындағы экрандық видеомонтаж көрсетіледі./
***
1 - жүргізуші:
Думан қызсын, көрсетсін ел өнерін,
Жатыр небір айтылып сөз де керім.
Ән бұлағы қайнарын қанып ішкен,
Көрсетсін оқушылар өз өнерін.
«Тәуелсіздік
туралы ой – толғау»
Оқушылар
өз шығармашылығынан өлеңдер оқиды.
Жеңсбек
Бірлік 8-сынып
2 - жүргізуші:
5-сынып
квартетінің орындауында
«Жасұлан» әні. Қошеметпен қарсы алайық!
1 - жүргізуші:
Тәуелсіздік бізге оңай келмеді,
Жұртым менің не қиындық көрмеді
Жылап тұрып аналарым бұл жолда
Сан перзентін қара жерге жерледі.
2 - жүргізуші:
Тәуелсізбін, тәуелсізбін мен бүгін,
Келді, міне азаттығым, теңдіғім,
Бостандықта байлығым мен ендігім
Шешіл енді, шемен болған шерлі үнім.
1 - жүргізуші:
«Сәлем саған, туған ел» әнімен қарсы алайық!
***
1 - жүргізуші:
Сарыарқа даласында, Есіл өзенінің жағасында әлемді өзіне қаратқан жаңа қала бой
көтерді. Ол біздің Елордамыз – Астана. Астана да тәуелсіздігіміздің белгісі
емес пе?
2 -
жүргізуші:
Достық пейіл – татулықтың тірегі.
Біздің халық бейбіт өмір сүреді.
Бар әлемді бір өзіне қаратқан
Елордамыз – Еуразия жүрегі!
1 - жүргізуші:
Біз бүгінде бүкіл еліміздің игілігі болып табылатын жаңа астанаға ие болдық.
***
1 - жүргізуші:
Арманға ақыр жеттік, ел болдық та егемен
Ойда жоқта түскен жоқ қой бұл төбеден
Тарихи сол күрестің тартуы ол,
Аруақ қолдап, әділ шындық жебеген.
2 - жүргізуші:
О, дариға, алтын бесік туған жер,
Қадірімді келсем білмей кеше көр
Сүйем сенің туған ел – атамекен
Абзал анам сенсің ғой құшағың кең.
1 -
жүргізуші:
6 - сынып оқушыларының орындауында хор «Атамекен»
***
1 - жүргізуші:
Осындай еркіндікті ел тілесін,
Бақыт құсы басымызға еркін келсін.
Ал енді тәуелсіздік құтты болып,
Көк байрақ мәңгі бақи желбіресін!
2 - жүргізуші:
Намысты от - жалынға шындайық біз,
Қайраттың ерлігіне лайықпыз.
24 жыл толған екен Желтоқсанға,
Әумин, қабыл болсын, жыр - әніміз!
1 - жүргізуші:
Осымен, бүгінгі мәнерлеп оқу сайысы өз мәресіне жетті. Назар қойып
тыңдағандарыңызға рахмет!
Оставьте свой комментарий
Авторизуйтесь, чтобы задавать вопросы.