Математика Көп таңбалы сандарды қосу және азайту.

Сабақтың тақырыбы: Көп таңбалы сандарды қосу және азайту.

Сабақтың мақсаты:

Білімділігі:  көп таңбалы сандардың қосу және азайтудың ауызша есептеу

                      тәсілдерін орындауға үйрету; есептеу тәсілдерін жетілдіру.

Дамытушылығы:  Оқушылардың логикалық ойлау, есептеу қабілеттерін

                     дамыту. Тиянақты жауап беруді талап ету.

Тәрбиелігі: Оқушыларды тапқырлыққа,жылдам ойлауға, ойын қорыта

                     білуге тәрбиелеу.

Сабақтың көрнекілігі: мультимедия, суреттер, үнтаспа, деңгейлік парақшалар, 

                    схемалар.

Сабақтың әдісі: проблемалық баяндау, бірлескен ұжымдық практикалық іс-әрекет, 

                    өзін-өзі бақылау, өзін-өзі бағалау.

Сабақтың түрі: сахналау  сабағы

Сабақтың барысы:

І Ұйымдастыру: а) Жылы шырай білдіру;

                             ә) Зейіндерін аудару

                             б) Оқушылармен амандасып, сабаққа бейімдеу.

Қызығушылығын ояту.

-      Балалар, бүгінгі сабағымыз күндегі сабағымыздан өзгеше. Өйткені, бүгін біздер ертегілер еліне саяхатқа шығамыз. Ертегі тыңдауға қалай қарайсыңдар?

-      Иә, тыңдаймыз.

-      Бүгінгі сабағымыз бастан-аяғына дейін «Бауырсақ» ертегісіне арналады.

Ерте, ерте ертеде. Ешкі жүні бөртеде, бір шал мен кемпір өмір сүріпті. Олардың балалары болмапты. Бір күні шал кемпіріне:

-      Кемпір, бауырсақ пісірсең қайтеді? Бауырсақ жейік.  - дейді.

-      Үйде ұн жоқ қой – десе,

-      Қазанның түбін қаспағын қырып алсаңшы – деп, ақыл қосыпты. Қалай ойлайсыңдар, әжей  қазан түбі қаспағын қырып, бауырсақ илеп, пісіреді ме?

-      Пісіреді.

ІІ. Үй тапсырмасын тексеру.

-      Ендеше әжейге бауырсақ илеуге көмектесейік. Ол үшін үй тапсырмасын  түгелдей орындап келуіміз керек екен.

№6, 7 есептер ауызша тексеріледі.

ІІІ. Жаңа сабақ.

 - Жарайсыңдар, балалар. Сөйтіп әжей  бауырсақ илеп, суыту үшін терезе алдына қояды. Бауырсақ әрі жатып, бері жатып бір кезде домалап түсіп, орманға кіріп кетеді. Орманға кіруге № 1 есеп шығарылады.

  

-      Орманда оған қоян кездеседі.

-      Мен сені жеймін – дейді қоян.

-      Сен мені жеме мен саған қызықты есеп шығаруға көмектесейін – дейді.

Қоянның тапсырмасы

№ 2 есеп екі  бой  жарысып шығарады

29 000 + 40 000

50 000 + 58 000

77 000 + 46 000

65 000 + 90 000

59 000 - 23 000

60 000 – 17 000

76 000 – 29 000

100 000 – 39 000

39 000 + 400

500 + 58 600

700 + 46 800

65 300 + 900

76 100 – 400

60 700 – 900

71 400 – 500

100 000 – 900

Аюдың тапсырмасы

№ 3 есеп. Есепте

90 105 + 20 + 2 000

4 000 + 10 000 + 200

789 143 – 700 000 – 100

47 001 + 500 + 1 000

563 784 – 60 000 – 80

20 + 4 + 70 000 + 2 000

5 000 + 50 + 9

230 + 8 000 + 9

80 000 + 500 + 9

Қасқырдың тапсырмасы

№ 4 есеп. Бос орынға төменде берілген сандарды кезегімен жаза отырып, өрнектер құрастыр. Олардың мәнін тап.

 

Түлкінің тапсырмасы

№ 5 есеп.

а) Есепті шығар.

Тіктөртбұрышты жер телімінің ауданы 144 м². егер осы жер телімінің ені 9 м екені белгілі болса, онда ұзындығы қанша екенін тап.

ә) Берілген есепке кері есептер құрастыр және оны шығар.

б) Берілген жер телімінің периметрін тап.

Қосымша тапсырма

№ 6 есеп.

а) Есепті шығар

Фермер 252 кг пиязды 9 қапқа және 448 кг картопты 8 қапқа тең бөліп салды. Пияз салынған қап картоп салынған қаптан неше есе жеңіл?

ә) Сұрағын өзгертіп, есепті шығар.

б) Шешуі дәл осындай болатын есеп құрастыр.

Шығармашылық тапсырма

8.

 

ІV. Бекіту.

-      Сөйтіп бауырсақ атасы мен әжесінен кетіп қалып, ақыр соңында түлкіге жем болды. Міне балалар үлкеннің рұқсатынсыз өз беттерінмен қыдыратын болсаңдар, қиындыққа ұшырауларың әбден мүмкін.

V. Бағалау.

VІ. Үйге тапсырма.

№ 7 есеп.