Математика пәнінен "Көбейту және бөлу(жазбаша)" тақырыбында ашық сабақ

Сабақтың тақырыбы. Көбейту және бөлу (жазбаша). 43 х 2 және 86 : 2.

Сабақтың мақсаты: Екі таңбалы сандарды бір таңбалы сандарға жазбаша көбейту және

бөлу тәсілдерімен оқушыларды таныстыру.

Ауызша есептеу мен жазбаша көбейту және бөлу біліктерін жетілдіру.

Бірлікке, адамгершілікке, бір-біріне көмектесе білуге баулу.

Сабақтың көрнекілігі:кесте, сызба, оқулық, т.б.

Сабақтың барысы:

І.Ұйымдастыру.

Оқушылардың сабаққа назарын аудару.

ІІ.Психологиялық ахуал.

Ынтымақтастық орта қалыптастыру.

ІІІ.Тірек білімді белсендіру.

Ауызша есептеу.

1. 29 бен 43 сандаының қосындысының мәнін табу.

2. 36-ны 4-ке арттыру.

3. 56-ны 8 есе кеміту.

4. 63-ті 7-ге кеміту.

5. 26-ны 60-қа дейін толықтыру.

6. 72 және 14 сандарының айырмасының мәнін табу.

7. 48 бен 8 сандарының бөліндісін 3-ке арттыру.

8. Екі сыныпта 70 оқушы бар.Бірінші сыныпта 34 оқушы бар. Екінші сыныпта неше оқушы бар?

9. Қандай бір таңбалы сандардың қосындысының мәні 16-ға тең?

10. Бір жәшікте 24 кг кәмпит бар, ал екіншісінде 2 есе кем. Екі жәшікте неше килограм кәмпит бар?

ІҮ.Оқулықпен жұмыс.

Сабақ екі таңбалы сандарды бір таңбалы сандарға көбейту және бөлу тәсілдерін қайталаудан басталады.

43 х 2 (40 + 3) х 2 40 х 2 + 3 х 2 86

86 : 2 80 : 2 + 6 : 2 40 + 3 43

Есептеу тәсілдерін жеңілдету мақсатында мұндай есептеулерді басқа тәсілмен де табуға болатыныоқушыларға түсіндіріледі.

Ү.Жаңа материалды түсіндіру

1-тапсырма бойынша түсіндірме жұмыстары жүргізіледі.

Мұнда санның бірліктерін,ондықтарды атау және жазу, сондай-ақ толымсыз көбейтінділер қатары қарастырылады. Тақтаға жазу екі нұсқада беріледі:

1. 43 2) 43

2 2

+6 86

80

86

Жазудың алғашқы нұсқасы көбейту алгоритміне толығымен сәйкес болады.

Мұнда оқушыларға бірінші нұсқада 80-нің, ал екіншісінде 8-дің қалай пайда болғаны түсініксіз болады. Сондықтан екінші нұсқадағы 8-дің орналасуы

8 ондықты білдіретініне назар аудару қажет. Егер бұл нұсқа түсініксіз болса,

онда позициялық санау жүйесінің ерекшеліктеріне тоқталу қажет.

Жазбаша бөлу нұсқасы оқулықтағы түсіндірмелерге сәйкес орындалады.

ҮІ.Өтілген материалды бекіту

2, 3-тапсырмалар.

Есептерді әр түрлі тәсілмен шығаруды оқушылар өздері орындайды.

Есептерді шығару барысында көбейту мен бөлу амалдарының орындалуына ерекше мән беру қажет.

4-тапсырма

Уақыт, ұзындық, масса бірліктерінің арасындағы қатынас негізінде орындалады.

1 сағ 40 мин 100 мин

5, 6-тапсырмалар

Алдыңғы сабақтардағыға ұқсас орындалады.

ҮІІ.Рефлексия.

Жасыл қоршаудағы тапсырмада ұсынылған есептеулерді оқушылар орындап, өз жауаптарының нұсқаларын көрсетеді.

ҮІІІ.Үйге тапсырмасы

№ 4 -86 бет