Математика пәнінен сабақ "3 санын қосу және азайту" (1 сынып)

Сабақтың  тақырыбы: 3  санын  қосу  және  азайту ( 3 + 3, 6 – 3).

Сабақтың   мақсаты:

1. Білімділік: 10  көлеміндегі  санға  3–ті  қосу  және  саннан  3–ті  азайту  кестесін

                        оқып–үйренуді  қорытындылау.  Қосылғыштардың  біреуі  3  болған

                         жағдайдағы  санның  құрамы.

2. Дамытушылық:  Оқушылардың  математика  пәніне  қызығушылығын  арттыра

                                 отырып,  есептеу,  логикалық  ойлау  әрекеттерін  дамыту.

3. Тәрбиелік:  Білімділікке,  адамгершілікке   тәрбиелеу.

Сабақтың   түрі:  Аралас сабақ.

Әдіс-тәсілдері: Түсіндіру,  сұрақ-жауап,  көрнекілік  көрсету  арқылы  түсіндіру.

Көрнекіліктер:  Тақырыпқа  байланысты  суреттер, қима қағаздар.

Сабақтың   барысы:

І. Ұйымдастыру  кезеңі:

Сабаққа  әзірлігін  тексеру,  оқу  құралдарын дайындау.

Психологиялық кезең:

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

ІІ. Оқушылардың игерген  білімдерін  пысықтау  кезеңі:

Оқушыларға  қима  үлестірмелі  материалдардан  цифрларды  алып,  оларды  өсу  ретімен  тізбекке  құру.

ІІІ. Жаңа  сабақ:

Сабақ  мақсатымен  таныстыру.

Мұғалімнің  түсіндірмесі.

Оқулықпен  жұмыс. Түсіндірме  жұмыс.

1 – тапсырма.

Сурет  бойынша  қосынды  және  айырма  құр.

3 + 3 =...                 ...+ 3 = ...

4 + 3 =...                  ...– 3 = ...

2 - тапсырма. 

Сан  қатары.  Санды  3–ке  арттыру  және  санды  3–ке  кеміту.

Қосу  және  азайту  амалының  байланысына  назар  аудару.

Сан  қатарының  бойымен  1  сан  аттай  отырып,  тура  және  кері  бағытта  санау  үлгісін  пысықтау.

 

3 + 3 = 6             6 – 3 = 3

..+ 3 =...             ... – 3 =...

ІҮ. Сергіту сәті:

«Ойлан, тап» ойыны.

Математикалық  жұмбақ.

1. Көлден ұшты 7 қаз,

Қайтып қонды 3 қаз.

Қонбады оның нешеуі,

Кәне кім тез шешеді?

2. Шығармақ боп неше есеп,

Жиналғанды 5 есек

3 - еуі ұйықтап отырды

Ынталысы неше есек?

3. 10 Кітаптың 3 - еуін

Досың сұрап алады

Айтшы сонда нешеуі

Өз қолыңда қалады?

Ү. Сабақты бекіту:

3 - тапсырма.  Есепті  шығар:

Самира  – 3 кітап

Аружан – 4 кітап

Барлығы – ? кітап

3+4=7 (к.)

Жауабы:  барлығы  7  кітап  оқыды

4-тапсырма.  Сан  қатарымен  жұмыс. Ауызша орындау.

1,    4,  7,  10

10,  7,  4,  1

ҮІ. Сабақты  қорыту:

 - Біз  не  білдік? 

Шығармашылық тапсырма.

Оқушыда 3 сызғыш бар: ақғ, жасыл және қызыл. Ақ сызғыш жасылдан ұзын, ал жасыл сызғыш қызылдан ұзын. Ең ұзын және ең қысқа сызғыштың түстері қандай?

ҮІІ. Үйге тапсырма:

ҮІІІ. Оқушы  білімі  мен  белсенділігін  бағалау.