Математика. 2 сынып Сабақтың тақырыбы: Қосу және азайту (26+30, 56 – 30 )

Атырау қаласы №35 мектеп-гимназиясының

бастауыш сынып мұғалімі

Айтжанова Айгерім Махамбетқызы

Математика 2 сынып

Сабақтың тақырыбы: Қосу және азайту (26+30, 56 – 30 )

Сабақтың мақсаты: Ондықтарды ондықтарға қосуға және ондықтардан ондықтарды азайтуға негізделген есептеу тәсілдерімен таныстыру; екі амалмен шығарылатын есепті және ондықтан аттап қосу мен азайту тәсілдерін енгізуге дайындық жүргізу; амалдардың орындалу ретін анықтауға машықтандыру, теңдеуді шешудің «сынап көру» тәсілін пысықтау.

I.Ұйымдастыру сәті

Математика сабағын,

Жақсылап ұғып аламыз.

Сәулесі деп сананың

Мәнінен ой табамыз.

II. Тірек білімді еске түсіру

а)-1-ден 30-ға дейін санау(тура және кері) Саннан (28, 43, 54) кейін келетін санды ата.

-Санның (30, 55, 79) алдындағы санды ата. Санның (50, 76, 94) көршілерін ата.

-Сандар қатары (21, 22, 23, 24, 25, 26, 27, 28, 29, 30) берілген.

-Сандардың жаңа қатарын құрыңдар, сонда сандардың ондықтары 3, ал бірліктері алдыңғыдағыдай болсын.

-Не шықты? Сандардың жаңа қатарын атаңдар(31, 32, ..., 40). Екінші қатардың сандарын неше бірлікке арттырдық?

III.Сабақтың тақырыбын және мақсатын хабарлау. -Бүгінгі біздің сабағымызда ертегілер еліне саяхатқа шығамыз. Біз «Шалқан» ертегісін білеміз бе?

- Әрине, білеміз

- Олай болса, ертегіні еске түсіріп алайық.

- Ертегі кейіпкерлері бізге қонаққа келіп қалыпты. Өздерімен бірге тапсырмалар алып келіпті.

Оқулықпен жұмыс

№1 Оқулықтағы суреттер бойынша түсіндіру жұмысы ұйымдастырылады.Оқушылардың өздігінен екі таңбалы санға ондықтарды қосудың және азайтудың ерекшеліктері туралы қорытынды жасауы қажет.

Ондықтарға ондықтарды қосады.

Ондықтарды ондықтардан азайтады.

1. Атайдың тапсырмасы.

«Кім зерек?» №2 есеп

Мысалы:

-53 және 30 сандарының қосындысы; Бірліктерге бірліктерді қосу;

-Нәтижені сол жақтан екінші орынға жазу;Ондықтарды ондықтарға қосу;

-Нәтижені сол жақтан бірінші орынға жазу ;Қосындының мәні 83.

53 + 30 83 – 30 35 + 40 75 – 40 46 + 50 96 – 50

2. Әжейдің тапсырмасы.

«Тез есепте!»

№3. Амал компоненттерін еске түсіріп, шешуін дәптерге орындап,тексергенде кеткен қателерді талдайды.

(20 + 5) + 60 (60 + 4) – 40

(70 + 9) – 40 (20 + 2) + 50

3. Қыздың тапсырмасы: «Теңдеуді шеш»

6 + а = 10 10 – a = 6 a – 6 = 4

4. Күшіктің тапсырмасы: «Есепте»

I топ II топ III топ

Шарты: Шарты: Шарты:

Болғаны – ? Болғаны – 12қ. Болғаны – 12қ.

Бергені – 2 қ. Бергені – 2 қ. Бергені – ?

Қалғаны - 10 қ. Қалғаны - ? Қалғаны - 10 қ. 10+2=12(қ) 12-2=10 (қ) 12-10=2(қ)

Жауабы: 12 қ болды. Жауабы: 10қ қалды. Жауабы: 2қ берді.

4. Мысықтың тапсырмасы: Сағаттардың тілдері қалай орналасуы тиіс?

6. Тышқанның тапсырмасы: № 6 есеп

59 бен 63- тің арасындағы сандарды өсу ретімен жаз.

- Балалар, біз шалқанды алуға көмектестік. Шалқанды алуға көмектесеміз деп шаршап қалыппыз. Демалып алайық.

Сергіту сәті

Рефлексия. Шығармашылық жұмыс

Үй тапсырмасы. 49 -бет. №7

Краткое описание материала