« Математика – сырлы әлем» ( эстафеталық сайыс сабақ)

Сайдалиева Рая  Жомартқызы

Сақтапберген Әлжіков атындағы №144 орта  мектептің бастауыш сынып мұғалімі

                                                               Математика

Сабақтың тақырыбы: « Математика – сырлы әлем» ( эстафеталық  сайыс сабақ)
Сабақтың мақсаты:
Білімділік: Оқушыларға логикалық, викториналық т. б есеп түрлерін шығарудың шапшаң түрлерін ойын арқылы үйрету
Дамытушылық: Оқушылардың математикалық ойлау қабілетін дамыту, алған білімін тереңдету, есептеу дағдыларын жетілдіру, пәнге деген қызығушылығын арттыру
Тәрбиелік: Оқушыларды  адамгершілікке, ұқыптылыққа, зейінділікке, шапшаңдыққа тәрбиелеу
Сабақ түрі: сайыс сабақ
Сабақтың әдісі: көрнекілік ,топтық ,сұрақ –жауап , сұрақтары бар қорап .бағалау терезесі

Сабақтың көрнекіліктері: доп, маркер, тақта,стикер , плакатқа жазылған есептер жиыны

                                             Сабақтың барысы:
Мұғалім

Балалар ,2017 жылы елімізде қандай  оқиға болады деп ойлайсыңдар ?  (өз ойларын айтқызу )  Әрине  ЕХРО- 2017. көрмесі .  Балалар сол көрмеге сендердің де өз үлестеріңді қосқыларың келе ме ? Олай болса біз бүгінгі сабағымызда  сол көрмеге өз үлесімізді қосу үшін   математикалық  эстафета ұйымдастырамыз. Осы сапардан сүрінбей өтулеріңе тілектеспін!

Есептеуге жүйрік болсаң жасыңнан,

Математикаға орын берсең басыңнан,

Барлық ғылым саған үйір болады,

Досың солар табылатын қасыңнан! демекші бүгінгі сабағымыз сырға толы математикаға арналмақ .
 Олай  болса  балалар, біздің   «ЕХРО - 2017  жылға сапар»  математикалық эстафеталық ойын сабағымыз 7  кезеңнен тұрады.

 1. Екі топтың танысуы:    Әр топтың аты, ұраны болуы керек   . (5 ұпай)

2. «Жекпе – жекке» шақыру. Топ басшыларын жарыстыру ( әр сұраққа 1 ұпай  )

3.. «Бәйге» сайысы.  ( әр топқа 10 сұрақ қойылады .Әр сұрақ 1 ұпай )

4. « Сиқырлы шаршы» сайысы ( әр оқушы дәптерлеріндегі шаршыларды толтырады )

5. « Сөзжұмбақ» сайысы  ( әр топқа сөзжұмбақ беріледі )

6. Тест сайысы   ( әр оқушыға беріледі )

7. « Баспалдақ» ( есеп шығару )

   Мұғалім : Балалар сендердің білімдеріңді бағалау үшін біз әділ қазылар алқасын сайлап алуымыз керек .  

Мұғалім: Ал балалар, жарысымызды   екі топтың бір – бірімен танысуы мен топ басшыларын сынаудан бастайық:
Командалардың амандасу рәсімі. Екі топпен танысу (топ басшыларымен де). Әр топ  ұрандарыңызды таныстырып өтесіздер.

 І  -   Топтардың сәлемдесуі:
                                     1 - топ: «Үшбұрыш» тобы. 
 Біздің топ : « Үшбұрыш»

 Біздің ұран: Білікті бірді жығар. 
                       Білімді мыңды жығар. 
Барлығы: Біз дайынбыз бұл сайысқа достарым, 
Көрсетеміз бізде қандай күш барын. 
Алға қойған мақсатымыз бір екен. 
Сәтті болсын сапарымыз әрдайым. 

ІІ топ. «Шаршы» тобы. 
Біздің топ : « Шаршы»

 Біздің ұран: Қандай сынақ болса дағы беріспе, 
Әрқашанда үміткерміз жеңіске. 
Барлығы: Армандарға қол созумен келеміз, 
Өмір теңіз жүзіп келеді кемеміз. 
Білімменен қаруланған тобымыз, 
Қарсыласты қалай да біз жеңеміз. 

ІІ . «Жекпе - жекке» шақыру. Топ басшыларын сынаққа шақырамыз: Мына есепке ойланып кім бірінші жауап берсе, сол басшы өз тобына 1 ұпай жеңіп береді.
а)  1 креслоның 4 аяғы бар, 7 креслоның неше аяғы бар ?  (28 )

ә)   Маратта 5 машина бар ,ал Мағжанда 4 есе артық. Мағжанда неше машина бар ? (20)

б)  8 кг алманы 4 ыдысқа теңдей бөліп салды. Әр ыдысқа неше кг алма салды ? (2кг )

в)   Қабырғасы 3 см шаршының периметрі қанша ? Ауданы ше ?  ( 9 см , 9 см ² )

г)   Бір қалам 8 теңге тұрады .  80 теңгеге неше қалам сатып алуға болады ?  (10)

ІІІ . « Бәйге» сайысы..  ( әр топқа 10 сұрақ қойылады .Әр сұрақ 1 ұпай )

                                             «Ұшбұрыш» тобына. 
1. Егер тырна бір аяғымен тұрса 3 кг болады, ал екі аяғымен тұрса оның салмағы қанша?

(3 кг) 
2. Үстел беті төртбұрышты, оның бір бұрышын арамен кесіп алсақ, неше бұрыш қалады? (5 бұрыш) 
3. Төрт қойдың неше аяғы бар? (16 аяқ)  
4. 1 жұмыртқа 3 минутта піссе, 4 жұмыртқа қанша минутта піседі? (3 минут) 
5. 1 т мақта ауыр ма, 10ц темір ауыр ма?  (тең) 
6.  2 жылқының неше аяғы бар?
7 Автобустан түсу үшін алдымен не істеу керек? (міну керек)
8 . Ит мысықты, мысық тышқанды қуалап келеді. Қайсысы бірінші келеді? (тышқан)
9 Сенің жасың 8 - де,  ағаң 3 жас үлкен. Ағаң нешеде?

10. Ағаштың басында 2 торғай отыр.    Оған 2 ұшақ келіп қонды. Олар нешеу болды?

                                      «Шаршы »  тобына. 
1. Бөлменің төрт бұрышында бір-бір мысықтан отыр.әр мысықтың алдында үш мысықтан отыр. Барлығы бөлмеде неше мысық бар? (4 мысық) 
2. Асханаға 100 кг пияз және одан 3 есе артық картоп әкелінді. Асханаға неше кг картоп әкелінді? (300 кг) 
3. Бір жанұяның бес ер баласы және олардың әрқайсысының қарындастары бар. Жанұяның қанша баласы бар? (6 бала)

  4. Егер 1 килограмм алманың бағасы 100 теңге болса, жарты килограмм       алманың бағасы қанша болады? (50теңге)

5. Ағашта 6   балық қонып отырды, оның 3 - еуі ұшып кетті. Ағашта неше балық қалды?

6. Шаршының қабырғасы 2см,   периметрі қанша?

7. Сенің жасың 8 - де, бауырың сенен 3 жас кіші. Бауырың нешеде?

8. 120 минутта неше сағат?

9. Үш түйеқұс  ұшып келе жатты .Аңшы олардың бірін атып алды .Олардың қаншасы қалды ?

10.  Бір креслоның 4 аяғы бар ,  ал 5 креслоның неше аяғы бар ?( 20 аяқ)

І V  « Сиқырлы шаршы» сайысы   (жеке жұмыс дәптерлеріне орындалады .)     (2 мин)

4	9	2
3	5	7
8	1	6

4	9
	5
		6

 Сергіту жаттығуы

Балалар сендердің әр күндеріңнің көңілді өтулеріне тілектеспін . Бүгінгі күндеріңнің де көңілді болғанын қалайсыңдар ма ? Ендеше барлығымыз орнымыздан тұрайық.(музыка )

Y – « Сөзжұмбақ» сайысы    ( топтарға сөзжұмбақ беріледі )

                                    

                                                                      

         ж                                                                қ

         а                                                                о

         қ                                                                с                      1. Ай аты

         ш                                                                у                    2. Шаруашылық құралы

          а                                                                                       3. Тіршілік көзі

                                                                                                   4. Балық аулайтын құрал

1. Ең кіші үш таңбалы сан

2. Қабырғалары тең төртбұрыш

3.Ондықтан құралған сан

4. Бір таңбалы сан

5. Кеміту амалы

VІ – cайыс   Әр топ мүшесіне тест тапсырма беріледі .    (жұмыс дәптеріне орындайды)   

   

                                                    Тест

1. Амалды орында:

    2  * 4  =                                                                   

а)  8          ә) 6             б) 10                                                           

2. 1 жылда қанша ай бар?                               

а) 12                        ә) 18                              б) 36                                                                         

3.  Бір кітап 25 теңге тұрса 3 кітап қанша тұрады ?

  а) 65                  ә) 75              б) 70                                              

4. Салыстыр:  8 жүздік *   6 жүзд                        

а) <          ә).>     б) =                                                                                                                                                                                                               

5  . Минутпен өрнекте:    1 сағ 20 мин                        

а) 120              ә) 80                   б) 160                                 

6. Қабырғалары 3 см  және 4 см тіктөртбұрыштың   ауданын   тап :

А)  9 см   ²        Ә)  14 см  ²        Б)  12 см ²

7.      40  адам   5   топқа   бөлінді . Әр топта неше адам болды ?

А)  6 адам                  Ә)   8 адам               Б) 10 адам

8.      Бір  кітап    90 теңге тұрса  , 5   кітап қанша теңге тұрады ?

А)   200 теңге                       Ә)   150 теңге                 Б)   450 теңге                          .

Жанкүйерлер сайысы  ( сұрақтар қойылады )

                                      Қызықты әзіл есептер

1.       Екі адам тоғызқұмалақты екі сағат ойнады. Әрқайсысы неше сағаттан ойнады?

2.       Қосарлап жегілген ат-арбамен Жантілеу 25 шақырым жол жүрді. Оның әр аты неше шақырым жүрді?

3.       4 жұмыртқа 4 минутта піседі. Бір жұмыртқа пісу үшін неше минут уақыт керек?

4.       Бір килограмм  темір мен  бір килограм мақтаның  қайсысы ауыр?

5.       Дорбадағы 10 асықты 10 бала бір-бірлеп алды.Сонда бір асық дорбада қалды. Бұл қалай?

6.       Түнгі сағат 10-да жауын жауып тұрса, 24 сағаттан кейін күннің жарқырап тұруы мүмкін бе?

7.       Батыржанның  төрт ұлы, олардың әрқайсысының туған қарындасы бар. Батыржанның неше баласы бар?

8.       8-наурызда екі шешей мен екі қызына, әжей мен немересіне үш орамал сыйға тартылды. Бұл қалай?

9.       Айдың, аптаның күндерін атамай 5 күнді ретімен кім атап шығады?

10.    Алдында 1, артында 2, артында 1, алдында 2, біреу екеуінің арасында және үшеуі бір қатарда қаз ұшып келе жатты. Барлығы  неше қаз бар?

VІІ сайыс    Эстафеталық ойындар!
Мұғалім: 1 - эстафеталық ойынның шарты: Тақтадағы «ЕХРО- 2017 » карточкаларын таңдап алып, сол карточкадағы есептерді шешулерің керек. Эстафеталық ойын шарты бойынша допты 1 - мәреден допты ала   отырып, екі топ жарыса 2 - мәреге жарыса жүгіреді, жетісімен тақтада жазылып тұрған есептерді шеше сала қайта өз тобына жүгіруі қажет. Қай топ 1 - болып аяқтаса, сол топ 1 - болып саналады.(Маркер қолдану).
Тақтадағы карточкаларда есеп (ЕХРО -2017  деп безендірілген).

                                                   Эстафеталық ойын « Баспалдақ»

                              9  * 10 =                               

  20  : 2 =                 30  * 2  =

   38 +20 =                         50 + 90 =

   72:  9  =                                    40 *  8 = 

     20  * 3 =                                           24 + 3 =

                                        40-20=                                                       80- 50 =

                                30 *2 =                                                                  20 * 3 =

                             64 : 8 =                                                                         56 : 8=                      
                        20 * 4 =                                                                                 30 *3 =

                     100 * 5 =                                                                                     200 * 3 =

                  36 : 6 =                                                                                                9 * 8 = 

             24 : 3 =                                                                                                        28 : 4 =

          60 * 2 =                                                                                                             80 * 3=

      9 *9 =                                                                                                                       8 * 8 =

                

Бағалау терезесі   (оқушылар стикрлер арқылы сабақтан алған әсерлерін жапсырады)

Маған ұнады                      сұрақтар пайда болды                  Мен есте сақтадым                                            

           

« Сұрақтары бар қорап»   (оқушылар өз сұрақтарын   қорапқа  салады.)

Қорытынды бөлім:

Сайыстың жеңімпаздарын марапаттау