Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Математикадан "Квадрат дециметр" темасына дәрес эшкәртмәсе (3 класс)

Математикадан "Квадрат дециметр" темасына дәрес эшкәртмәсе (3 класс)



Осталось всего 4 дня приёма заявок на
Международный конкурс "Мириады открытий"
(конкурс сразу по 24 предметам за один оргвзнос)


  • Начальные классы

Поделитесь материалом с коллегами:

Математикадан 3 класста үткән дәрес конспекты.

Тема «Квадрат дециметр»

ТР «Лениногорск муниципаль районы» муниципаль берәмлеге «Куакбаш төп гомуми белем бирү мәктәбе» муниципаль бюджет гомуми белем бирү учреждениесе

Укытучы: Галимова Илгизә Камиловна

Дәреснең темасы “Квадрат дециметр”

Максатлар:

  • Укучыларны алар өчен яңа булган мәйдан үлчәү берәмлеге - квадрат дециметр белән таныштыру;

  • Турыпочмаклык һәм квадратның мәйданын таба белү күнекмәләрен ныгыту;

  • Укучыларда бер-берсенә карата ихтирамлылык, ярдәмчеллек сыйфатларын булдыру өстендә эшне дәвам итү.

Дәрес тибы: яңа белемнәр бирү.

Дәрес структурасы: оештыру (1мин), дәреснең темасын һәм максатын билгеләү(1мин), өй эшен тикшерү(карточка белән эш) (5 мин), үткән дәресләрдә алган материалны ныгыту аша яңа материалны үзләштерүгә әзерлек(), яңа материал белән танышу(), уку материалын ныгыту(), өй эше бирү(), дәрескә нәтиҗә ясау().

Җиһазлау: такта, акбур,чүпрәк, таблица «Мәйдан табу», индивидуаль биремнәр белән карточкалар, кисмә геометрик фигуралар.

Төп методлар һәм алымнар: укытучы сүзе, әңгәмә, күзәтү һәм анализ ясау, практик эш, мөстәкыйльэш, чагыштыру.

Дәрес барышы.

I

-Исәнмесез, балалар!

Хәерле көннәр, сезгә!

Зиһен һәм тел ачкычлары

Телим һәммәгезгә дә.

Һәр дәрестә без куллана торган бүген дә без онытмаска тиешле нинди өч кагыйдә бар әле?

а) Тулы җөмләләр белән сөйлә.

б) Игътибар белән тыңла, бүлдермә.

в) Кеше фикерен кабатлама, үз фикереңне әйт.

Җавап биргәндә бу кагыйдәне онытмагыз. Тагын сез бер-бреегезгә тели торган 2 теләк бар әле. “Күзләрегез карап кына тормасын – күрсеннәр, колакларыгыз тыңлап кына тормасын – ишетсеннәр. Икенче төрле әйткәндә игътибарлы булыгыз. Бүген без сезнең белән мәйдан үлчәү берәмлекләрен өйрәнүне дәвам итәрбез.

Ә хәзер, әйдәгез, эшне башлыйбыз. Мин сезгә карточкалар таратам. Шул карточкаларны эшләп бетергәч, иптәшләрегез белән алышып , бер-берегезнең эшен тикшерерсез.



1нче карточка.

5∙6= 3∙8= 9∙2= 3∙3=


45:5= 72:8= 7∙7= 54:6=


2нче карточка.

8∙4= 6 ∙3= 9∙4= 5 ∙5=


56:7= 64:8= 7∙6= 36:4=

Тикшердегезме? Үз эшләрегезгә билгеләр куегыз. Ни өчен шундый билге куйганыгызны аңлатыгыз.

II

Ә хәзер компьютер экранына карагыз. Экранда нинди зурлыклар бирелгән(Озынлык үлчәү берәмлекләре). Дөрес, укучылар. Әйдәгез, таблицаны тутырыйк инде.

1см = …мм 65см = ...дм...см

1дм = …см 27мм = ...см...мм

1м = …дм 8м9дм = ...дм.

Дөреслеген экраннан карап тикшерегез.

-Укучылар, минем кулымда нинди геометрик фигуралар? (Турыпочмаклыклар). Сез хәзер аларның мөстәкыйль рәвештә периметрын һәм мәйданын табарсыз. Аның өчен сезгә нәрсә белергә кирәк? (Периметр һәм мәйдан табу кагыйдәләрен). Эшлибез. Әхәзер экраннан карап дөреслеген тикшерәбез. Үзегезнең эшегезгә бәя бирегез.

-Белмеш һәм Белмәмеш кулындагы фигуралар турында нәрсә әйтә аласыз? (Аларның формалары бертөрле, ә размерлары төрлечә).

Без бу фигураларның кайсысын беләбез?(Кечкенәсен, ул кв.см)

Нәрсә соң ул квадрат сантиметр(Ягы 1 см булган квадрат- мәйдан үлчәү берәмлеге).

III

1.Практик эш.

Сезнең парталарда квадратлар ята. Аларның озынлыкларын үлчәгез(10см).

10см ны нинди зуррак үлчәү берәмлеге белән алыштырып була?(10см=1дм).

Димәк, сезнең парталарда ягы нинди озынлыктагы квадрат ята?(1дм)

Бу-мәйдән үлчәү берәмлеге. Кем әйтә, ул ничек атала?(квадрат дециметр).

Ә хәзер 2 квадратны бергә кушыгыз. Мәйданы ничә квадрат дециметр була(2кв.дм)

Шундый 4 квадратны куегыз. Аның мәйданы күпме?(4 кв.дм)

Язылышын тактадан карагыз: 1дм², 2дм², 4дм²

Квадратның мәйданын ничек табабыз?(2 ягын тапкырлыйбыз).

Үзегезнең квадратларның мәйданын табыгыз.

=1∙1=1дм²

Ә хәзер шул ук квадратларның мәйданын сантиметрлар белән исәпләгез.

=10∙10=100см²

Чыгышларын чагыштырыгыз? Нәрсә әйтә аласыз?( 1дм²=100см²).

Дәреслекнең 60 нчы битен ачыгыз.

Бер квадрат дециметрда ничә квадрат сантиметр икәнен ничек саныйбыз?(Башта вертикаль буенча, аннары горизонталь буенча).

Нинди нәтиҗә ясыйбыз?( 1дм²=100см²).

Сезнең алда геометрик фигуралар? Алар турында нәрсә әйтә аласыз? (Бу фигуралар турыпочмаклыклар).

Аларның мәйданнарын табыгыз.(мөстәкыйль эш).

Мөстәкыйль эшне тикшерү.

Мәйданны нинди үлчәү берәмлеге белән таптыгыз?(кв.дм)

Ни өчен?(чөнки кв.см белән без исәпли белмибез, зур саннар чыга).

Тагын без кв дм белән нәрсәләрнең мәйданын үлчи алабыз?(китап, дәфтәр, өстәл, такта).

Әйдәгез барыбыз бергә өстәл өслегенең периметрын һәм мәйданын исәплик.

Физкультминутка.

IV

Дәреслек белән эш.

Дәреслекнең 60нчы битендәге №3не табыгыз. Бу биремне эшләр өчен безгә нинди кагыйдәләрне белергә?(Мәйдан табу формуласын). Кем формуланы әйтә?(көзгенең буен иңенә тапкырларга кирәк). Дәфтәрләргә эшегезне язып куегыз. Эшлибез, җавабын экраннан карап тикшерәбез.

Дәреслектәге №4не дә шул рәвешле эшлибез.

Дәреслектән №6ны табыгыз. Укыгыз. Нәрсә бирелгән? (Мәсьәлә). Мәсьәләнең шартын укыгыз. Соравын укыгыз. Сорауга җавап бирә алабызмы?(Әйе, 3не 4кә тапкырлыйбыз). Дәфтәргә эшләү.

Ә хәзер шушы мәсьәләгә 2 кире мәсьәлә төзибез. Кем төзеде? (Җаваплар). Кире мәсьәләләрнең чишелешләрен дәфтәргә язып куябыз.

V

Укучылар , безнең дәреснең темасы нинди иде. Дәреснең максатын кем әйтә? Сез ничек уйлыйсыз, без бу дәрестә максатыбызга ирештекме? Без максатыбызга ирешү өчен нинди эшләр башкардык?

Ә хәзер көндәлекләрегезне ачыгыз, өй эше алабыз. Дәреслек, 61 нче бит, №7. Мисалларны чишәргә. Бу мисалларны чишәр өчен нәрсә белергә? (Гамәл тәртибен, тапкырлау таблицасын).

Дәрестә бик актив катнашкан укучылар булды. Аларга “5”ле билгесен куям, эшләрендә 1-2 хата җибәрүчеләр булды, аларга “4”ле билгесен куям.

Шуның белән дәрес тәмам. Афәрин, укучылар.




57 вебинаров для учителей на разные темы
ПЕРЕЙТИ к бесплатному просмотру
(заказ свидетельства о просмотре - только до 11 декабря)


Автор
Дата добавления 29.09.2016
Раздел Начальные классы
Подраздел Конспекты
Просмотров11
Номер материала ДБ-222655
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх