Урок по татарской литературе для 3 класса «Без бүген диктант яздык»

3 нче сыйныф (рус төркеме).

Без бүген диктант яздык.

Без бүген дәрестә кечкенә диктант яздык. Диктант җиңел булды. Без диктантны дәрестә тикшердек. 4 укучы – “биш”ле, 6 укучы – “дүрт”ле, 3 укучы – “өч”ле алды. Минем дустым Олег чиста, хатасыз язды. Ул “биш”ле алды. Ә минем 2 хатам бар иде. Мин “дүрт”ле алдым.

Тема: “Без бүген диктант яздык” текстындагы яңа лексика.

Дәрес тибы: ЛКФ

Дәрес максатлары:

1)“Без бүген диктант яздык” текстындагы яңа сүзләр белән таныштыру;

2) Нәтиҗә ясый белү кебек фикерләү сәләтләрен үстерү;

3) Матур язуга карата уңай мөнәсәбәт тудыруга йогынты ясау.

Җиһазлау: Р.З. Хәйдәрова” Татар теле”, (19 нчы бит); методик ярдәмлек (22 нче бит), дәрескә әзерләнгән презентацион материаллар; Р.З. Хәйдәрова, “Татарский язык в таблицах”, сүзлекләр китабы.

Дәрес барышы.

I. Оештыру.

1) уңай психологик халәт тудыру;

2) дежур укучы рапорты;

3) укучыларның бер-берсенә комплиментлар әйтүе.

II. Өй эше тикшерү.

Слайдлар аша үзеңнең ничәле алганыңны,дәрестә ниләр эшләгәнеңне сөйли белү (1,2,3 нче слайдлар).

III. Яңа сүзләр белән таныштыру.

Тактада транскрипция билгеләре белән язылган яңа сүзләр:

Хата [хата] – ошибка

Хатасыз [хатасыз] – без ошибок

Хата белән [хата белән] – с ошибками

Җиңел [җиңел] – легко; лёгкий

1. Тактада язылган яңа сүзләрнең мәгънәсен ачыклау (семантизацияләү).

2. Яңа сүзләрнең әйтелеше өстендә эш (укытучы артыннан хор белән һәм аерым-аерым кабатланыла):

- яңа сүздәге үзенчәлекле авазларны әйтү;

- сүзне кабатлау;

- сүзтезмә әйтү: зур хата, хатасыз язу, диктант хата белән, һ.б.;

- 2-3 сүздән торган, ләкин яңа сүз кергән җөмләләр әйтү: 1). Мин хатасыз укыйм. 2). Дима диктантны хатасыз яза. 3). Олег текстны хата белән укый.

3.Яңа сүзләр кулланып, ситуатив күнегүләр белән эшләү:

Как скажешь о том что:

- ты читаешь без ошибок;

- я делаю упражнение без ошибок;

- он делает упражнение с ошибками;

- я читаю с ошибками;

4. Метапредмет нәтиҗәләрен үстерү йөзеннән, берничә сүзне татарча-русча сүзлектән карау; яңа сүзләрне тәрҗемәсе белән дәфтәргә язу.

IV. Ял минуты.

V. Укытучының текстны укуы.

1.Группа белән эш.

-Ребята, я вам даю групповое задание.Надо придумать название текста.

(Без бүген диктант яздык).

VI. Яңа сүзләрне сөйләмдә куллануны ныгыту.

1. “Тәрҗемәче” уены. Балалар парларда бер-берсеннән сүзләрнең тәрҗемәсен сорыйлар.

2. Сүзләрнең антоним парларын табу.

кечкенә-...

җиңел-...

чиста-...

матур-...

3. Ишетеп аңлау күнегүләре белән эш.

а).Прослушайте и укажите слова со звуком [ө] : кечкенә, җиңел, өч, нокта, өтер, сорау, хата, чөнки, чиста.

б). Назовите слово, лишнее в логическом ряду.

Бишле, икеле, берле, өчле,сорау,дүртле.

4. “Иң матур сөйләүче” конкурсы. Дәреслекнең 19 нчы битендә язылган текстны уку.

Укучылар укыйлар.

Парларда бер-берсенә сөйлиләр.

Аннан соң такта алдына чыгып сөйләү оештырыла.

6. Дәреслекнең 20 нче битендәге 8 нче күнегүне эшләү.

7. Ситуатив күнегүләр белән эш.

а). Прослушайте и укажите, что добавлено во втором предложении каждой пары.

1). Без диктант яздык.-Без кечкенә диктант яздык.

2). Балалар укыйлар.-Балалар яхшы укыйлар.

3). Без контроль эш эшләдек.-Икенче дәрестә без контроль эш эшләдек.

б). Дәвам ит.

Без дәрестә диктант ... .

Олег чиста,хатасыз ... .

Минем ике хатам ... .

VII. Өй эше.

Дәреслек, 20 нче бит,11 нче күнегү (Расскажите друг другу содержания упражнения №7).

Билге кую.