9-сынып
Сабақтың тақырыбы:
«Үй печеньесі» әзірлеу технологиясы
Сабақтың мақсаты:
Білімділік: үгілмелі қамыр илеуді, жаюды, печенье
үлгілерін жасауды және пісіруді үйрету.
Дамытушылық: үй печеньесі туралы танымдық қызығушылықтарын
дамыту, алған білімдерін іс жүзінде қолдана білуге үйрету.
Тәрбиелік: оқушыларды еңбек сүюге, берілген тапсырмаларды
өз уақытында тиянақты орындай білуге, жұмыс барысында техникалық қауіпсіздікті
сақтап жұмыс жасауға, шыдамдылыққа, төзімділікке тәрбиелеу.
Сабақтың типі: жаңа сабақ
Сабақтың түрі: аралас сабақ
Көрнекіліктер мен
құрал – жабдықтар: тостақ, ас
қасығы, ас тақтайшасы, металл қалыптар, тәрелкелер, пышақ.
Пәнаралық
байланыс: химия
Сабақтың жоспары.
1. Ұйымдастыру кезеңі.
2.Үй
тапсырмасын тексеру, пысықтау
3. Жаңа сабақты түсіндіру
4. Кіріспе инструктажы
5. Сарамандық жұмыс
6.
Бекіту инструктажы
7. Жұмыс орнын жинақтау
І. Ұйымдастыру
кезеңі
1. Оқушылармен
сәлемдесу, түгелдеу.
2. Сабаққа дайындығын
тексеру (құрал – жабдықтар, кабинет тазалығы т.б).
3. Оқушылардың
назарын сабаққа аудару
ІІ. Үй тапсырмасын
тексеру, пысықтау
1. Техникалық
қауіпсіздік ережесін еске түсіру.
2. Алдыңғы сабақта
Жолақ печеньесі жайлы білімдерін қайталау.
3. Үгілмелі қамыр
әзірлеу үшін не керек екенін білесіңдер ме?
ІІІ. Жаңа сабақты
түсіндіру.
Біздің бүгінгі өтетін жаңа сабағымыздың
тақырыбы «Үгілмелі қамырдан жасалған печенье». Күнделікті өмірде көріп, естіп
жүрсіңдер. Нанды қашан да қастерлеп жүрген халықпыз. қамырды ашыту арқылы
нанның әртүрлерін пісіреміз. Ал осы нанға байланысты қандай ырымдар мен
тыйымдар білеміз. Білгеңге маржан болсын. Ырымдар мен тыйымдарға назар
аударалық.
1. Нан - дән басы.
Сондықтан да алдымен дастарқанға нан қою керек.
2. Нанды төңкеріп
қоюға болмайды.
3. Нанды бір қолмен
сындыруға болмайды.
4. Нансыз өмір жоқ.
Сондықтан да нанды шашуға жерге тастауға, басуға болмайды.
5. Жол үстінде жатқан
нанды алып адам баспайтын жерге қою керек.
Ал енді сіздер
жоғарғы сынып оқушыларсыздар. Үйде аналарыңызға, апаларыңызға көмектесіздер.
Сіздер 7-сыныптарда «Ұннан кондитер бұйымдарын пісіру» тараумен танысып,
машықтық жұмыстар жасаған болатынбыз. Үйге тапсырма ретінде ұннан жасалатын
тағамдар жасап келіп, жасалу жолдарын айту тапсырылған болатын.Ал осы
тағамдарды пісіру барысында қандай қауіпсіздік ережелеріне сүйенесіз (электр
пештерімен жұмыс істеудегі қауіпсіздік ережелері).
ІV. Кіріспе
инструктажы.
Техникалық тазалық
ережелерін еске түсіру, инструкциялық карталар тарату .
V. Сарамандық
жұмыс.
Азық- түлік: ұн – 2,5
стақан, құмшекер – 1 стақан, сары май – 100
г, жұмыртқа – 2 дана, тұз, сода.
Жұмыстың орындалу
реті.
1. Тостаққа
жұмыртқаларды құмшекермен араластырыңдар.
2. Тұз, сода,
жұмсартылған май және маргарин қосып, жақсылап араластырыңдар.
3. Ұн сеуіп, қамыр
илеңдер.
4. қамырды 30-40
минут тоңазытқышқа қойыңдар.
5. Қамырдың
қалыңдығын 5 см етіп жайыңдар.
6. Қамырдан металл
қалыптармен фигуралар ойып, майланған қаңылтыр табаға жайғастырыңдар.
7. Жалын пеште қызуы
орташа отта 20-25 минут пісіріңдер.
8. Жалын пешті
өшіріп, печеньені салқындатп, жайпақ табаққа салыңдар.
VІ. Бекіту
инструктажы.
Қорытындылау.
Ұн мен одан жасалған
тағамдарды дайындау үшінәр түрлі ыдыстар қолданылады. Олар елек, оқтау, таба,
қамыр кескіш, қамыр жайғыш, табақшалар, кондитер қалақтары, духовка, т.б.
қолданылады.
Ұнды пайдаланар
алдында арнайы електен өткізіп, түйіршіктер мен бөгде қоспаларды тазартады.
Елеген кезде ұн ауадағы оттекпен байытылады. Бұл қамырды илеуді жеңілдетеді,
сапасын жақсартады және оның көтерілуіне жақсы септігін тигізеді.
1. Үй печеньесін
қалай әзірлейміз?
Бағалау.
Оқушылардың
біліктілігін, белсенділігін бағалау.
Үйге тапсырма.
Үй печенье әзірлеу
технологиясы жайлы оқып, мәлімет жинап келу.
VІІ. Жұмыс орнын
жинақтау.
Оставьте свой комментарий
Авторизуйтесь, чтобы задавать вопросы.