День пожилых людей

DOCX

ӘТНӘ РАЙОНЫ

Иске Өҗем урта мәктәбе

“Өлкәннәр көне” уңаеннан үткәрелгән

әдәби-музыкаль кичә

ТЭБДУ: А.Й.Гайнуллина

1-октябрь, 2013-ел

МАКСАТ:

Өлкәннәргә ихтирам, хөрмәт хисләре тәрбияләү;

Өлкәннәр хезмәтенә хөрмәт белән карарга, аларга ярдәм итәргә әзер булырга күнектерү;

Балаларның сөйләм, сәнгатьле уку, җырлау, бию күнекмәләрен үстерү;

Туган телебезгә мәхәббәт хисләре тәрбияләү.

ПРОГРАММА

I.Оештыру өлеше.

1.Әбиләрне каршы алу.

II.”Әбием-алтыным, минем иң якыным”дип исемләнгән әдәби кичә

-котлаулар;

-чыгышлар(концерт номерлары).

III.Бәйрәмне чәй өстәле артында дәвам итү.

IV.Йомгаклау,

1. Әбиләрне озату.

Өлкәннәр көненә багышланган сценарий.

Бәйрәмчә бизәлгән залга музыка астында 5 сыйныф укучылары чыгып тезелеп басалар.

Җыр: “Бәйрәм бүген”-Ш.Тимербулатов көе, Р.Корбан шигыре

Гөлнара: Хәерле көн, кадерле авылдашлар, килгән кунаклар, дуслар!

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.

Кадерле әбиләребез,

Чал чәчле дәү әниләребез!

Хөрмәтле ветераннарыбыз!

Бәйрәм белән котлый бүген

Сезне ул һәм кызларыгыз.

Яшәгез сез мәңге яшь булып,

Туган йортыгызда ямь булып.

Сез булсагыз таза- сәламәт

Безгә булыр бик рәхәт.

Инзилә:

Сез булганда ямь бар җирдә

Сез булганда тәм дә бар.

Сез булганда дәрт бар җанда,

Көч-куәт тә тәндә бар.

Дәү әни дә, әби дә сез,

Сөйкемле әни дә сез.

Сез булганга дөнья ямьле,

Йөзебез һәрчак нурлы.

Гөлнара:

Өлкән кешеләр – безнең әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә бәлки әби-бабайларыбыз булган өчен дә хөрмәт итәргә тиешбез. Тәбрикләүләрнең иң тәмлеләре – сабыйларыбызда.

Сәфәргалиева Зәринә

Бүген сезгә сәлам юллыйбыз без,

Сәлам сезгә безнең буыннан!

Бар дөньяны бүләк итәр идем

Әгәр килсә минем кулымнан!

Үтә гомер аккан сулар кебек

Ә күңел һич туймый яшьлектән.

Йөзләрегез инде картайса да,

Ник күңелләр болай яшь икән?

Гөлнара:

Сезнең өчен Хөснетдинова Назгөл башкаруында җыр “Ак яулыклы әбием”

Инзилә : Гомерләре буе хезмәттә кайнаган, сугыш һәм сугыштан соңгы авырлыкларны иңнәрендә күтәргән әби-бабаларыбыз картлык көннәрендә зур игътибарга, хөрмәткә лаек.

Гөлнара: Рәхмәт сезгә, бу дөньяда куйган хезмәтләрегез, кылган изгелекләрегез өчен. Без, яшьләр, сезнең киңәшләрегездән тайпылмабыз, үрнәк булырга тырышырбыз.

_Җыр:”Дәү әнигә бүләккә”(Башкара 6 сыйныф укучылары)

Инзилә:

Әбиләрне, дәү әниләрне

Кадерлибез, зурлыйбыз.

Чын күңелдән һәммәгезне

Бәйрәм белән котлыйбыз.

Гөлнара:

Яшь вакытның гүзәл мизгелләрен

Искә алыгызчы тагын бер

Яңгыратыгыз әле бу залларда

Кайтавазын яшьлек таңының.

Инзилә:

Үтте инде яшь вакытлар дип

Уфтанырга бер дә ашыкмагыз.

Сүнмәгән бит, Сездә сүрелмәгән,

Җыр биюгә булган гыйшыгыгыз.

Гөлнара:

Сезнең йөрәк әле һаманда яшь

Онытмады матур көйләрне.

Биик әле өзеп үзәкләрне,

Булсын әле сагынып сөйләрлек.

11 сыйныф кызлары башкаруында татар биюе

Инзилә: Әнидән кала бу дөньяда безнең өчен иң кадерле кешеләр алар безнең әбиләребез. Бүген дә алар безгә җылы оекбашлар, бияләйләр бәйләп, тәмле ашлар пешерәләр, матур гөлләр үстерәләр, үзләренең киңәшләре белән безгә һәрчак ярдәм итеп торалар.

Нәфис сүз: “Үзем сибәрмен суны” Ф.Тарханова шигыре-

Сөйли Вахитова Зифа

Нәфис сүз: “Әбием килгән”Ф.Зыятдинова шигыре-

Сөйли Ситтигуллина Әдилә

Нәфис сүз:”Әбием хәйләсе”Йолдыз Шәрәпова шигыре- 7 сыйныф

Сөйли Шәңгәрәева Гүзәлия

Гөлнара:

Бәйрәм итик шатланышып,

Өлкәннәр, бергә-бергә,

Безнең бергә булуыбыз

Калсын бөтен гомергә.

Уйныйк әле, җырлыйк әле

Биик әле күп итеп.

Безнең бәйрәм кичәбезне

Сагынып сөйләрлек итеп

Инзилә:

Туган илсез кеше булмый.

Җырлаучысыз җыр кебек.

Тырыш булсаң, эшләр уңа,

Күңелгә тула шатлык.

Җырламыйча түзәме соң

Хезмәт яраткан халык.

Хәбибуллин Фәннүр башкаруында җыр.”Салкын чәй”.

Гөлнара:

Мәрхәмәт, кешелеклелек,

Изге уй, яхшы теләк.

Җирдә яшәүче һәркемгә

Һәрдаим зарур, кирәк.

Өмет белән яшик, тик сынатмыйк,

Ходай гына бирсен сабырлык.

Матур киләчәкне яңартырга

Бардыр әле җирдә саф орлык.

Инзилә:

Хөрмәтле, кунаклар! Сезнең өчен әзерләнгән концерт программабыз тәмам.Сезне тагын бер кат бәйрәм белән котлыйбыз.Сезгә озын гомер, нык сәламәтлек, бәхетле картлык телибез. Киләсе елларда да очрашулар насыйп булсын. Хәзер Сезне чәй табыны янына чакырабыз.

Бәйрәм чәй өстәле артында дәвам итә

Краткое описание материала

ӘТНӘ РАЙОНЫ Иске Өҗем урта мәктәбе “Өлкәннәр көне” уңаеннан үткәрелгән әдәби-музыкаль кичә ТЭБДУ: А.Й.Гайнуллина 1-октябрь, 2013-ел МАКСАТ: Өлкәннәргә ихтирам, хөрмәт хисләре тәрбияләү; Өлкәннәр хезмәтенә хөрмәт белән карарга, аларга ярдәм итәргә әзер булырга күнектерү; Балаларның сөйләм, сәнгатьле уку, җырлау, бию күнекмәләрен үстерү; Туган телебезгә мәхәббәт хисләре тәрбияләү. ПРОГРАММА I.Оештыру өлеше. 1.Әбиләрне каршы алу. II.”Әбием-алтыным, минем иң якыным”дип исемләнгән әдәби кичә -котлаулар; -чыгышлар(концерт номерлары). III.Бәйрәмне чәй өстәле артында дәвам итү. IV.Йомгаклау, 1. Әбиләрне озату.

День пожилых людей

Директору, завучу

Другие методич. материалы

26.03.2014

1478

Файл будет скачан в формате:

DOCX

Автор материала

Гайнуллина Алия Юсуповна

учитель татарского языка и литературы

На сайте: 10 лет и 6 месяцев
Всего просмотров: 5733
Подписчики: 0
Всего материалов: 5

5733
просмотров
5
материалов
0
подписчиков

Настоящий материал опубликован пользователем Гайнуллина Алия Юсуповна.
Инфоурок является информационным посредником. Всю ответственность за опубликованные материалы несут пользователи, загрузившие материал на сайт. Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.