Құстар

Сабақтың тақырыбы: Құстар
Мақсаты: Қазақстандағы құстар туралы жалпы түсінік беру.

Білімділік:Балаларды «адамға құстар не береді?», «құстарсыз адам не болар еді?» деген сұрақтарға ойландыру.
Дамытушылық: Балалардың ойлау қабілеттерін дамыту. Өз бетімен жұмыс істеуге машықтандыру. Жауапкершілік сезімін ояту.
Тәрбиелік: Балаларды құстарды қоректендіріп тұруға үйрету. Табиғатқа деген сүйіспеншілігін арттыру.
Түрі: жаңа сабақ.
Қолданылған әдіс-тәсіл: Сұрақ-жауап, талдау
Көрнекіліктері: Табиғатқа байланысты суреттер, ағаштар, қатты қағаз, мақал-мәтелдер.
Сабақтың барысы:
I. Ұйымдастыру
ІІ Жаңа сабақ
«Адамзаттың табиғатсыз күні жоқ, оны айтуға табиғаттың тілі жоқ»
Табиғат деген не ?
Табиғат нешеге бөлінеді?
Өлі табиғатқа не жатады?
Тірі табиғатқа не жатады?
Біздің елімізде құстардың 489-дай түрі мекендейді. Олар далалы, шөлді, орманды, таулы, сулы жерлерде мекендейді. 80%ті ағаштарды зиянкестерден тазалап тіршілікке көмектеседі екен.

Құстар – жылықанды омыртқалы жануарлар (омыртқасы бар жануарлар). Олардың қауырсындары жылуды сақтауға және ұшуға көмектеседі. Олар артқы екі аяқтарымен жүреді, ал алдыңғң аяқ-қолдары қанаттарға айналған. Құстардың барлығы жұмыртқа салады. Құстардың денелері жеңіл болғанымен, мықты және ұшуға ыңғайлы болады. Дегенмен ұшпайтын құстар да кездеседі.

Құстар 2 класс тармағына: бір ғана отряды бар кесірткеқұйрықтылар(жойылып кеткен) және 34 отрядқа бірігетін 9 мыңдай түрі (оның 28 отряды осы кезде де кездеседі)  желпуішқұйрықтылар немесе нағыз құстар деп бөлінеді. Құстар Арктикадан  Антарктика  жағалауларына дейінгі барлық табиғи белдемдерде таралған.

Сендерге таныс құстарды атаңдар.
(қараторғай, тоқылдақ, көгершін, сауысқан, сарышымшық, көгершін)
Құстар, табиғат жайлы тақпақ білесіңдер ме?
1. Балалық қып қызбайық
Құс ұясын бұзбайық
Құстар біздің досымыз
Құстарда да ана бар
Құстарда да бала бар
2. Орманға бара жатқандар,
Аңшылық дәмін татқандар,
Өтінем түгел бәріңнен
Көктегі құсты атпаңдар!
Қазақстанның «қызыл кітабында» 50-ден астам құстар тізімделген, Олар жойылып бара жатқан, сирек кездесетін құстар оларды құртуға мемлекет тыйым салған.
Жұмбақ
Су бетін сызып, ақ құман жүр жүзіп (аққу)
Құстарға қандай қамқорлық көрсетіледі?
(Ұя жасау, атпау, жемсауыт жасау жем шашу т. б)
Құстар немен қоректенеді?
(Жем, бидай, дән, зиянды жәндіктер)

« Бұл қандай құс?» жұмбақ ойыны.
Сұрақтар:
1.Көлдің көркі сән екен,
Ұшқанда сазды ән екен.
Ақындар оны мақтаған,
Адамдар қорғап сақтаған.
Бұл қандай құс? (Аққу)
2. Ұшады, қалықтайды,
Сайраудан бір жалықпайды.
Ақы алмайды әніне,
Сонда да еш тарықпайды.
Бұл қандай құс? ( Бұл - бұл)
3.Қос қанатын иіп ап,
Жарға келіп қонады.
Қара киім киіп ап,
Балшықтан үй салады.
Бұл қандай құс? (Қарлығаш)
4.Қара арғымақ мінгенім,
Қыр айнала жүргенім.
Сегіз найза сенгенім,
Он екі қылыш енгенім.
Бұл қандай құс? (Қыран)

5. Қонып алып жарға
Қарқылдайды (қарға)
 Өзі сақ өзі ұзын
Шықылықтап тұрмайды
Құйрығы ұзын,
Бұтақтан бұтаққа ауысқан. (Сауысқан)
7. Адамдардың досы қандай құс (көгершін)
8. Баласын аппағым дейтін қандай құс? (қарға)
9. Қандай құстың тамағы шоқуменен табылған?(сауысқан)
10. Қандай құстың түсіне тары кіреді?(тауық)
11. Қандай құс ұша алмайды?(пингвин)
12. Махамбеттің өлеңіндегі қандай құс?(қызғыш)
13. Қандай құс қорегін түнде аулайды?(үкі, жапалақ)
14. Кез - келген ұяға жұмыртқа салатын қандай құс?(көкек)
15. Қандай құс орман дәрігері?(тоқылдақ)
16. Қандай құстың қазаны бар?(бірқазан)
«Ең... ең... ең» ойыны
Сұңқар тобына сұрақтар:
1. Ең кішкентай құс( колибри – тропикалық ормандарда тіршілік етеді)
2. Ең терең жүзе алатын құс ( Император пингвині – Антарктидада өмір сүреді)
3. Ең жыртқыш тотықұс ( кеа – тропикалық ормандарда тіршілік етеді)
4. Жер бетінде ең көп таралған құстар( Тауықтар)
5. Ең тілі ұзын құс ( Тоқылдақ 15 см)
- Балалар, біз бүгін 3 топқа  бөлініп жұмыс жасаймыз.
1 топ
1) Картадан Қазақстанның жылы жақтарын көрсету.
2) Құстардың атын атап, салыстыру(ұқсастығы, айырмашылығы Мысалы;
Көгершін, сауысқан, аққу)
2 топ
1 )Құстардың суретін салу
3 топ
Құстар туралы әңгімелеу.
Орталықтар бойынша ауысып жұмыс істейді.
Барлық балалар ортаға жиналып әр орталықтың жұмыс нәтижесін айтады.

Құстар сөзіне математикалық талдау

Бірқазан сөзіне сатылай кешенді талдау
Қорытынды;

Құстар аттарын атаңдаршы

Үй құстарының түрлері

Немен қоректенеді?

Пайдасы

Үйге тапсырма Құстар туралы мәлімет

Бағалау