Презентация «Өзен және көл»

                            БАСТАУЫШЫМ – БАЛБҰЛАҒЫМ!         

Сабақтың мақсаты:

1.     Оқушыларға білімнің сара жолы мектептен басталатынын ұғындыру.

2.     Білім ордасын, ұстаздарын құрметей білуге, Отанның адал ұл- қызы болуға тәрбиелеу.

Көрнекілік: Суреттер, плакатарға жазылған қанатты сөздер, шарлар, гүлдер.

Сабақтың барысы:

1.     Ұйымдастыру.

Бірінші бөлім.

Бірінші жүргізуші:                        

-         Армысыңдар мұғалімдер әз жандар,

Білім іздеп инемен құдық қазғандар.

Құшақ жаяқарсы аламыз сіздерді,

Өлең оқып би билеп ән де бүгін аитылар.

Екінші жүргізуші:

-         Аяулы ата-аналар оқушылар ұстаздар     Біз бүгін  ең алғаш қалам ұстатып  Әліпені ұсынған алғашқы ұстазымызға алғыс айту салтанатына жиналып отырмыз. Бойымызға білімнің жарық сәулесін сыйлаған мектеп-анаға алғысымызды білдіреміз.

Бірінші жүргізуші:

-         Енді « Бастаушым-балбұлағым » атты ертеңгілігімізді бастаймыз!

Екінші жүргізуші: 

-         Бастауыш сыныпты бітіруші түлектерді ортаға шақырамыз!

Бірінші оқушы:    

-         Білім алған өзіңнен

Дәрігер ұшқыш не ғалым

Саған ыстық сезіммен    

Қарайды жұрт мұғалім

Екінші оқушы:

-         Мен де өзіңді әрдайым                        

              Қамқор деп ұғамын                   

              Күліп атқан таңдайын                         

              Жақынсың сен мұғалім                       

Үшінші оқушы:

-         Үйретіп бізгі алған әліппенні,

Ұстазым ғылымға жол салып берді.

Адамның, ой-арманы мақсаттары.

Оқудың саулесімен жарық көрді.

Төртінші оқушы:                                               

-         Өмірге жол бір өзіңнен бастадым                          

              Алфавитті алғаш сенен жатадым                           

              Ұстаз ана естен кетпес мәңгілік                   

      Мейіріммен жаурынымнан қаққаның

Бесінші оқушы:

-         Жүзің жылы, құшағың кең,

Сенен түлеп ұшамын мен.

              Өзің берген біліміңмен,

              Биіктерге шығамын мен.

Хор:  «Ұстазым».

Алтыншы оқушы:                                  

-       Ақылшы асыл ұстазым     

             Өзіңе мен де ұқсармын     

             Жеткенше қайрат күш әлім        

             Биікке самғап ұшармын   

Жетінші оқушы:

-         Байсалды мінезіңнен бір қалыпты,

Менің де көкейімде із қалыпты.

              Ұстаттың қағаз қалам қолыма өзің,

              Ерінбей үйреттің де әр әріпті.

Сегізінші оқушы:                                               

-       Қоссаңдар бірді екіге үш болады                   

             Дәуі едің білімнен күш толады                     

             Алғыр бол әдепті бол сабырлы бол              

             Ақылмен іс істесең іс болады                       

Тоғызыншы оқушы:

-         Беруші ең бізге айтып өлең ,тақпақ.

Таласып алушы едік біздер жаттап,

     Өзіңіз баға қойған күнделікті,

     Жоғалтпай өмір бойы жүрем сақтап.

Оныншы оқушы:                                                     

-       Өтті сенде қызықшағым   

             Бастауышым балбұлағым 

             Қоштасар күн жетті міне   

             Қылмастықпен қол бұлғаимын        

Он бірінші оқушы:

-         Ұқсаттыңыз сіз бізді балаңызға,

Ұқсатып ек біз сізді анамызға.

              Жақын тарттық біртіндеп бауыр бастық,

     Жүргеніңді ұнаттық арамызда.

Хор: «Мектебім».

Он екінші оқушы:                                    

-       Бізді болашаққа не бастаиды     

             Оқушылар      

             Ұстаздың көрсеткен жол  

             Ата ананың ақылы   

             Болашаққа деген сенім

Он үшінші оқушы:

-         Балғын шақта еліп едім,

Бал қызыққа еніп едім.

              Тағдырымның біллігінде,

              Сеніп сізге беріп едім.

                         Ән: «Ананың тілі – аяулы үні»

Он төртінші оқушы:                   

-       Құрбыласпыз!

Тұрғыласпыз!

             Барлығымыз бір класпыз! 

             Таланттымыз!

             Талаптымыз!

             Жақсы оқимыз сабақты біз!

Он бесінші оқушы:

-         Мектеп кеме білім теңіз,

Барар жолға тез жетеміз.

              Адаспаймыз ұлы жолда,

              Ұстаз берген білім қолда.

Он алтыншы оқушы:                      

-         Біз гүлденіп жайнаған,                                 

               Гүллстанды отаны.          

               Бірін-бірі сыйлаған,         

               Туыскандар Отаны.         

Он жетінші оқушы:

-         Оқытты ұстаз анамыз.

Өсті білім санамыз

Білгім ер боп өсетін,

Біз бақытты баламыз.

Он сегізінші оқушы:                                 

-            Бойымызда бұл күш,               

               Еркін өскен ұланбыз.               

               Оқу білім үйренген ,                

               Ұстаздарға мың алғыс.             

Он тоғызыншы оқушы:

-         Ақылшым,асыл,ұстазым,

Жолымды айқын нұсқадың.

Қасыма кеп қанша кеп,

Қамқор боп, қалам ұстаттың.

Жиырмасыншы оқушы:                           

-            Жалықпай үйреттіңде балаларды,              

               Өмірге тарту еттің даналарды.           

               Ізгілікке жол ашып көрсетумен          

               Қара шашын қыраулап ағады. 

Жиырма бірінші оқушы:

-         Шәкірттеріңді тыңдап жауап, сұрағын,

Жас санаға төгіп білім шуағын.

Хат танытып, жол сілтеген өмірге,

Барша жанға құрметті жан-«Мұғалім».

Ән: «Ару Ана».

Бірінші жүргізуші:

-         Нұр жүзіңне жылы шуақ төгілген,

Шәкірттерін сүйген таза көңілден.

Тағлым беріп жас ұрпаққа қашанда,

Өз соқпағын тапқан мына өмірден.

-         Бүгін біздер алғашқы ұстазымызға мың алғыс айтамыз.

Бәрі хормен:                

-         Ұстаздарға мың алғыс!   (3 рет)

Екінші жүргізуші:  

-         Ұстаздар жаққан шырақты,

Өмірмейік балалар.

Бәрін-бәрін білсен,

Оқи берсен кітапты.

Хор:   «Қоштасуға арнау».

                                                     «Қайдасыңдар құрдастар» сазымен айтылады.

Төрт жыл бұрын білім жолын бастап едік,

Босағасын бұл мектептің ашқан едік.

Бәріміз де кіп – кішкентай сәби болып,

Келіп едік,құрдастар.

Енді міне бастауышпен қоштасамыз,

Қыркүйекте үлкендермен достасамыз.

Бал – бұл кезім қайда,

Балғын кезім қайда,

Бал – бұл кезім,балғын кезім қайда екен.

Ұмытпаймыз мөлдіреген көздеріңді,

Ұмытпаймыз  «балам» деген сөздеріңді.

Жүзің жылы,құшағыңыз кең ашылып,

Қарсы алдыңыз ұстазым.

Біз тілейміз өзіңізге мол бақытты, 

Өміріңіз ұзақ болсын мол шаттықты.

Асылдарым қайда,

Жақындарым қайда,

Асылдарым,жақындарым қайда екен.

Бірінші жүргізуші:

-         Бітіруші түлектер,

Жүктелер бар аманат.

Айтылар ізгі тілектер,

Болмасын еш жаманат!

Екінші жүргізуші:

-         Бастауышта оқыдық,

Ойға білім тоқыдық.

Бұлар бізден жалындар,

Ертенгі ірі ғалымдар.

Алдыңда ұзақ жолың бар,

Оқу мен өсіп толыңдар.

Қиындыққа мойымай,

Аман-есен болыңдар!

                            Қоштасу вальсі. (Барлық оқушылар билейді.)

Екінші бөлім.

Оқушылар күшімен әзірленген концертпен жалғасады.

Соңы.

Құттықтау сөз: 1. Мектеп директорына

                         2. Оқу ісі менгерушісіне

                         3. Тәрбие ісінің менгерушісіне

                         4. Ата-аналар комитетіне

                                                         Беріледі.

                                                                     Ш.Қ. О.  Үржар  ауданы.

                                                                     Алтыншоқы орта мектебі.

                                                                          Бастауыш  класс мұғалімі -

                                                                          Масакова  Кауария  Оразовна.     

 «ӘЛІППЕГЕ» РАҚМЕТ !

Бірінші бөлім.

Мұғалім:

-         Құрметті  ұстаздар, ата – аналар, оқушылар. Бүгінгі «Әліппеге  рақмет!» атты мерекемізге  қош  келдіңіздер!   

Осыдан  төрт ай бұрын мектеп табалдырығын  қысыла да қызыға аттаған бүлдіршіндердің  бірі отбасының тұңғышы болса, бірі кенжесі,ал енді бірі ата - әжесінің сүйікті ерке немересі еді.

Бүгін біз шексіз  қуаныштымыз. Өйткені алғаш хат танытып, сауатымызды ашқан Ә л і п п е м і з д і бітірдік.

                                      Бала деген  шіркін – ай балдай екен,

                                      Тәттілігі жая  мен жалдай  екен.

                                      Арып, ашып даладан келгеніңде,

                             Бал иісін таттырып  алдайды  екен.  – деп Кенен атамыз жырлағандай ендігі кезекті  бүлдіршіндердің бал тіліне берейік.

(  көңілді музыка ырғағымен 1- класс оқушылары сахнаға шығады.)

Бірінші оқушы:

-         Армысыздар аналар!                                

          Бармысыздар балалар !                                  

          Сөзіме құлақ салыңдар!                                 

          Әліппеге арналмақ,                                        

          Бүгінгі ән, салтанат!

Екінші оқушы:

-         Өтті оқу, сан сабақ,

Бүгін үлкен салтанат.

         Әліппемен қоштаспақ,

         Басқа пәнмен достаспақ.

Бәрі хормен:  

-         Қ ұ т т ы     б о л с ы н      т о й ы м ы з!

Үшінші оқушы:

-         Жақсы білім көрімдік,                                  

          Болсын сізге халайық.                                    

          Не үйреніп не білдік, 

         Қане, ортаға салайық!                                          

Төртінші оқушы:

-         Бүгін біз шексіз қуаныштымыз. Өйткені алғаш хат танытып. Сауатымызды ашқан «Ә л і п п е н і» бітірдік!                                 

(Хор:  «Б і з    м е к т е п к е     б а р а м  ы з »  әні.)

Бесінші оқушы:

-         Бар кітапқа бас болған,                                    

          Әліппе ғылым анасы.                                            

          Әліппеден басталған,                                           

          Даналықтың  данасы.                                           

Алтыншы оқушы:

-         Келгенде алғаш мектепке,

Білмеуші едік әріп  те.

         Оқимыз қазір ертек  те,

         Үйреттің оны Ә л і п п е!

Жетінші оқушы:

-         Біз өзіміз оқып, жаза аламыз. Кітап оқуды, өлең жаттауды. Сурет салуды, ән айтуды  «Әліппеден» үйрендік!                                                                                                                      

Сегізінші оқушы:

-         Әліппем менің Әліппем!

Сені қолға алып мен.

         Есігін аштым білімнің,

         Ертеңгі сәуле жарықпен.

(Хор:  «Ә л і п п е»  әні.)

Тоғызыншы оқушы:

-         Біз екі тоқсан бойы көп еңбек еттік. 42 әріпті түгел жаттап  алдық. Оқуды, санауды, жазуды үйрендік.                                                  

Оныншы оқушы:

-         Алфавитті біліңдер!   

Онда қалып жүйе бар.

         Біздің қазақ  тілінде,

         Қырық екі әріп бар.

Он бірінші оқушы:

-         «А» айтқанда дауысым дірілдейді,       

          Ұстазым көз алдымда күлімдейді.             

           Күн сайын әріптердің атын біліп,              

          Сөз оқимын айырып буынды енді.            

Он екінші оқушы:

-         Ең алғаш қолға алғанда Әліппені,

Қызығып қарай бердім әріптерді.

         Мен үшін сыры жұмбақ бұл кітаптың,

         Ұстазым маған кілтін алып берді.

Он үшінші оқушы:

-         Әліппе бізді тек әріптермен ғана таныстырып қана қойған жоқ, бір-бірімізбен достыққа мектеп ережесін орындайтын тәртіпті оқушы болуға үйретті.

Он төртінші оқушы:

-         Әліппе деген алтын жол,                                 

Апарар сені алысқа.                                            

Жеңіл емес ауыр жол,                                       

Тырысып бақ намысқа.                                       

Он бесінші оқушы:

-         Бестік болсын алар бағамыз,

Білім мен бақыт табамыз.

         Өнер-білім көп тоқып,

         Өсе берсін санамыз.

Он алтыншы оқушы:

-         Алфавиттің «А» тұрады басында,          

Әрқашан да «Ә» тұрады қасында.                          

Байқадың ба «Б» тұрады үшінші,                           

Ал осының сыры неде түсінші.                                

Он жетінші оқушы:

-         «А» деген ол аналар ғой ардақты,

«Ә» деген ол әкелер ғой салмақты.

         «Б» деген ол балалар ғой көңілді,

         Біздің елде үшеуі де кәделі.

Он сегізінші оқушы:

-         Оқуды көп ойладым,                      

Қызығына тоймадым.                                       

Әріптерді үйреніп,                                            

Сауат аштым, тойладым.                                  

Он тоғызыншы оқушы:

-         Әліппемен қош айтысып қаламыз,

Енді қолға басқа кітап аламыз.

         Ата-ана қуанышқа ортақ бол,

         Сауатты боп шықты міне балаңыз.

Жиырмасыншы оқушы:

-         Таныстырған 42 әріппен,                         

Қош бол, менің қасиетті Әліппем!                  

Сенің арқаң оқи жаза білгенім,                      

Сауатты адам санатына кіргенім!                   

Жиырма бірінші оқушы:

-         Біз енді әліппемен қоштасамыз,

Жолына гүлмен қоса жыр шашамыз.

         Білімнің бұлағынан сусындауға,

         Көптеген кітаптармен достасамыз.

Ә л і п п е:

-         Балалар, мен сендерге ризамын! Мені жақсы меңгеріпсіңдер. Ана тілінде өте жақсы сөйлейді екенсіңдер. Әріптер елінен іздеген қымбат қазына «Ана тілін» алып келдім. «Ана тілін» де өте жақсы оқитындарыңа сенемін. Қош болыңдар, достар!

Хормен:

-         Қош болыңыз, сүйікті «Әліппе»!

Жиырма екінші оқушы:

-          Мектебің мынау классың,                       

Осында он жыл тұрасың.                              

Тарыдай болып кіресің,                                 

Таудай болып шығасың.                                

Жиырма үшінші оқушы:

-         Әсемпаз болма әрнеге,

Өнерпаз болсаң арқалан.

         Сен де бір кірпіш дүниеге,

         Кетігін тапта бар қалан.

Жиырма төртінші оқушы:

-          Отан – жерім, Отан – суым,          

Отан қуат, нәр береді.                                    

Отан – ұран, Отан – туым,                             

Отан мәңгі гүлденеді.                                     

Жиырма бесінші оқушы:

-         Отан – сенің ата-анаң,

Отан – досың, бауырың.

         Отан - өлкең, астанаң,

         Отан – аудан, ауылың.

Жиырма бесінші оқушы:

-          Отан – тарих, Отан – тіл,                        

Жасаған елің, ер халқың.                               

Отан - өлең, Отан – жыр,                               

Көтереген көкке ел даңқын..                         

Жиырма алтыншы оқушы:

-         Отан – осы достарым,

Көңілге мұны түйе біл.

         «Отан» деп өс жас қауым,

         Оны ардақтап сүйе біл!

(Х о р: «О т а н» әні.)

Мұғалім:

-       Әліппені бітірді балаларым,

                                               Әліппеден нәр алған даналарым.

                                               Өзі жазып – оқитын хәлге жетті,

                                               Құтты болсын қадамы балалардың!!!

-         Балалардың білімі құтты болсын,

Денсаулығы әр қашан мықты болсын!

Білімдерін әрі қарай дамытатын,

Ерінбейтін еңбекқор, мықты болсын!!!

Екінші бөлім.

Екінші бөлім оқушылар күшімен әзірленген концертпен жалғасады.

1.     Ән «Әліппе» орындайтын Жексембай Д.

2.     Ән «Ақ көгершін» орындайтын Абдыкаримова А, Ерболатова Р.

3.     Би «Қара жорға» ұлдар тобы.

4.     Ән «Көк тудың желбірегені» орындайтын Серікханов М.

5.     Ән «Айгөлек» орындайтын Курмантай С.

6.     Би «Мен қазақпын» орындайтын Сайфуллаев А.

7.     Ән «Алға қазақ жігіттері» орындайтын Қырықпаев С.

8.     Би «Қамажай» қыздар тобы.

9.     Ән «Қошақан» орындайтын Қабдылашимова Д, Акинаева А.

10. Ән «Атамекен» орындайтын Қодашев Б.

Құттықтау сөз мектеп директоры, оқу ісінің меңгерушісі, тәрбие ісінің меңгерушісі, бірлестік жетекшісі, ата-аналар комитетіне беріледі.

                                                         Соңы.        

Ш.Қ.О. Үржар ауданы.

Алтыншоқы орта  мектебі.

Бастауыш  класс мұғалімі -

Масакова   Кауария  Оразовна

ҰСТАЗЫМ МЕНІҢ.

(мұғалімдер күніне арналған сценарий)

Қатысушылар: Бірінші жүргізуші (бастаушы), екінші жүргізуші (озат оқушы),

                         басқа да класстағы  оқушылар.

Сахнаға бірінші және екінші жүргізушілер шығып сауықты бастайды.

Бірінші жүргізуші:

-         Бүгін мұғалімдер күні. Бәрімізге тәлім – тәрбие беріп, сауатымызды

     ашқан ардақты ұстаздар, мерекелеріңіз құтты болсын !

Екінші жүргізуші (тебіреніп):

-         Үйретіп бізге алғаш «ӘЛІППЕНІ»,

Мұғалім ғылымға жол салып берді.

Адамның ой – арманы, мақсаттары

Оқудың сәулесімен жарық көрді.

Бірінші жүргізуші:

-         Ғылым иесі ғалым да, ел қорғаған батыр да, тілінен бал тамған ақын да,

тегеуріні темір  балқытқан жұмысшы да, егін салып, мал бағып терін төккен шаруа да,  көкті шарлаған ғарышкер де  бәрі – бәрі ұстаздан білім үйреніп, тәлім алған. Ұлағатты  Ұстаздар, сіздерге бүкіл адам баласы бас иеді.

(көңілді күй ойналып, оқушылар сахнаға шығады.)

Екінші жүргізуші:

-         Оқымысты  білгіш ғалымнан,

Оқушы жас жалыннан.

Бірінші жүргізуші:

-         Мархабатты ойшылдан,                 

Мал өсірген қойшыдан,                                      

Жазушыдан , ақыннан,                                                                              

Ой шалқытқан күйшіден

Екінші жүргізуші:

-         Өнері көп актерден,

Өндіргіш ер шахтеден,

Бой балқытқан бишіден,

Ғарышкерден, батырдан.

Бірінші жүргізуші:

-         Отандық жас – кәріден,

Оқушының бәрінен,

Бәрі:

- Ұ С Т А З Д А Р Ғ А        М Ы Ң          А Л Ғ Ы С !

Оқушылардың орындауында «Қаражорға» биі.

О қ у ш ы л а р:

Бірінші оқушы:

-         Таудай биік талабым,                  

Таңдап білім аламын.                                        

Ғарышкер боп ғарышқа,                                              

Жол салуды қаладым.                

Екінші оқушы:

-         Отанның, ел – ананың,

Мақтанышы боламын.                                          

         Туған елдің көгінде,

         Жұлдыз болып жанамын.

Үшінші оқушы:

-         «Ел сенімін ақтайды»,                                  

Деп ұстазым мақтайды.                                

Мұғалімнің әр сөзін,                                       

Көкейімде сақтаймын.

Төртінші оқушы:

-         Басталғанда үзіліс,

Балалар шу көтерді.

Қым – қуыт бір қызық іс,

Бір мектепке  жетерлік.

О қ у ш ы л а р д ы ң  орындауында «Мектебім» әні. Хор

Бесінші оқушы:

-         Ой – ұшқыным жанады.,                                                                     

Ұлағатты саналы.

Ұстазыма ұқсаймын,   

Болам істің маманы.

Алтыншы оқушы:

-         Тәрбиеші лезде,

Келіп сөзін ұқтырды.

Бағынды да бір сөзге,

Барлық бала тік тұрды.                                                                     

Жетінші оқушы:

-         Ақыл білім көп бердің,          

Анамдайсың мектебім.              

Сенде өсіп, көктедім

Сенсің өмір көктемім.

Сегізінші оқушы:

-         Ыстық мектеп партасы  

Оқулығы, картасы,                                    

Мұнша қызық болғаны,

Мұғалімнің арқасы.

(бірнеше оқушы өнер көрсетеді. Ән, би, күй.)

Екінші жүргізуші:

-         Құрметті ұстаздар! Біз  сіздер оқытып жүрген барлық пәндерді ынта

қойып тыңдап,  зер салып үйреніп жүрміз. Әрбір пән мұғаліміне жан – жақты білім бергені үшін алғысымыздың шегі жоқ. Оқушы шәкірттеріңіз пәндер туралы сыр шертеді.    

Оныншы оқушы:  

-          «А»- дан сыр шерткен,                 

Барлық пәнді үйреткен.                    

Ардақтап мен оқимын,                      

Ана тілін құрметпен.                         

Он бірінші оқушы:

-         Терең ғылым, сананың,

Тегі деп ой саламын.

         Маңызды деп оқимын,

         Математика сабағын.

Он екінші оқушы:

-         Шынықтыру денені,                            

Ол да бір пән елеулі.                           

Барлық шәкірт ұнатар,                          

Физкультура сабағын.                         

Он үшінші оқушы:

-         Табиғаттың сыры бар...

Тарихты да ұғып ал.

         Кемдігі жоқ бәрінің,

         Пәндер аты қыруар.

Он төртінші оқушы:

-         Сан алуан өнерді,                          

Сызу , сурет, өлеңді.                        

Мұғалімдер үйретіп,                         

Өркендеткен өнерді.                        

Он бесінші оқушы:

-         «Гео» деген – жеріміз  

«Географиясын» көріңіз.

         Өрнектелген картада,

Өзен, тау, ел, көліміз.

Бірінші жүргізуші:

-         Қадірлі Ұстаздар, Біз сіздерден үлгі аламыз, сіздерді мадақтап, жырға

қосамыз. Енді өздеріңіз туралы өзектен шыққан сөзімізді тыңдап көріңіздер.

Он алтыншы оқушы:

-         Сөз сөйлесе сартылдап,           

Күніміздей жарқылдап,           

Қызық сабақ бастаса,               

Қыза түсер қарқындап.              

Бірінші оқушы:

-         Бізбен ойнап, күледі,

Сырымызды біледі.

Қасымызда қашанда,

Қамқор болып жүреді.

Екінші оқушы:

-         Кемшілікті кезінде                     

Кесіп айтар көзіңе.                     

Құрмет тұтар бізді де,                  

Қуат беріп сезімге.                     

Үшінші оқушы:

-         Көңіліңнің хошын – ай!

Көп шәкірттің досындай.

         Ақ ниетті кең пейіл,

         Біздің ағай осындай.

Төртінші оқушы:

-         Тәрбиелеп, сан алыпты,            

Үйреттіңіз саналықты.              

Түзеттіріп шалалықты               

Есейттіңіз балалықты.                 

Бесінші оқушы:

-         Ойламас ез ертеңгіні,

Оспандарсыз еркелігі.

         Күнде сотқар көңіліңізге,

         Күй салып,  өртендірді.

Алтыншы оқушы:

-         Сабырыңыз құрыштай нық,           

Салып жөнге ұрыспай- ақ.               

Санасызды, тентекті де,                     

Кешіріңіз. Жүрміз аяп.                     

Жетінші оқушы:

-         Бірін- бірі жақтаған,

Оқушыңыз тақтада.

         «Белгі» жасап тым ерсі,

         «Көмек» күтсе, білесіз.

Сегізінші оқушы:

-         Шәкірт сасып тұрғанын,              

Сыбырға бой ұрғанын;                  

Қас қағымнан білесіз,                     

Білмегенсіп жүресіз.                      

Тоғызыншы оқушы:

-         Сыпсыңбайдың сыбырын,

Сытыры мен сыбдырын.

         Болымсыздың «достығын»,

         Болбырдың тым бостығын.

Оныншы оқушы:

-         Кім ақылды, кім ессіз...                 

Бәрін сезіп білесіз.                           

Әр қимылды көресіз                        

Әділ баға бересіз.

Он бірінші оқушы:

-         Үйретіп өмір талабын,

Игілік іске нұсқадың.

         Ақкөңіл, іскер, әмбе бап,

         Ақылшым менің ұстазым!

Бір оқушы  «Ақылшым - мұғалім» әнін айтады.

Он екінші оқушы:

-         Еркін білім аламыз                         

Ертең біз де маманбыз.                   

Он үшінші оқушы:

-         Мен ғарышкер боламын,

Мен жер шарын шоламын.

Он төртінші оқушы:

-         Өнерші боп өсемін.                         

Мен кен сырын шешемін.                

Он бесінші оқушы:

-         Егін егіп баптаймын,

Елді жаудан сақтаймын.

Хормен:

-         Берген білім, бұлаң күш,      

Ұстаздарға мың алғыс!

Бәрі қосылып «Ұстазым, менің ұстазым»әнін хормен айтады.

Соңы.

Ш.Қ.О. Үржар ауданы.

Алтыншоқы орта  мектебі.

Бастауыш  класс мұғалімі -

Масакова   Кауария  Оразовна.

.

Сабақтың тақырыбы: «Өзен және көл».

Сабақтың мақсаты:

1.                 Білімділік: Табиғатта кездеспейтін өзен, көлдер, олардың ерекшеліктері, 

 халық шаруашылығындағы маңызы туралы білім алады.                  

2.                 Дамытушылығы: Ой-өрісі, білім дәрежесі, сөздік қоры, байланыстырып

сөйлеуі, тіл  байлығы дамиды.

3.                 Тәрбиелілігі: Табиғаттағы су өте көп болғанымен тұщы судың аздығын ұға

   отырып, суды қорғауға әр адамның міндеті екенін түсініп,  

   экологиялық тәрбие алады.

Типі: Жаңа білім беру сабағы.

Түрі: Аралас сабақ.

Пән аралық байланыс: Ана тілі, бейнелеу.

Технологиясы: Дамыта оқыту технологиясының әдіс-тәсілдері.

Әдіс-тәсілдері: Ой қозғау, сұрақ-жауап, түсіндіру, көрнекілік, шығармашылық,    

                          жеке, топпен жұмыс, карталармен жұмыс, Венн диаграммасы.

Көрнекілігі: Шығыс Қазақстан облысының картасы, суреттер(өзендер, көлдер).

Сабақтың барысы:

І. Ұйымдастыру. Сәлемдесу. Назарларын сабаққа аудару.

ІІ. Үй тапсырмасы: «Табиғаттағы су, Жер асты суы».

«Бәйге» ойыны.

Сұрақтары:

1)                Табиғаттағы су неше күйде кездеседі?

2)                Жер шарының қандай бөлігін су алып жатыр?

3)                Судың қандай қасиеттерін білесің?

4)                Жер асты суы қалай пайда болады?

5)                Бұлттың пайда болуы?

6)                Құдық не үшін қазылады?

7)                Бұлақ қалай пайда болады?

8)                Судың тіршілік үшін қандай маңызы бар?

9)                Адам денесі неше процентке дейін судан тұрады?

Үй тапсырмасын қорытындылау.

 ІІІ. Жаңа сабаққа дайындық.

Жер шарының 2/3 бөлігін су алып жатыр. Су жер бетінде де, жер астында да кездеседі. Жер бетінде кездесетін сулардың түрлері мұхит, теңіз, көл, өзен, құдық, бастау, жер асты сулары.

«Сөзжұмбақ» шешу.

Сабақтың тақырыбы мен мақсатын хабарлау.

ІV. Жаңа білімді меңгеру.

-         Өзен туралы не білесіңдер? (топтастыру).

Оқулықпен жұмыс.

«Өзен» туралы айтылған бөлімін тауып оқу.

-         Қазақстанның физикалық картасынан ірі өзендерді табайық (Ертіс, Тобыл, Есіл, Жайық, Сырдария, Іле, Шу).

-         Жазық жердегі өзендер баяу ағады. Тау өзендерінің ағысы қатты болады.

Өзеннің маңызы.

-         Көл туралы не білесіңдер? ( топтастыру)

Оқулықтан «Көл» туралы айтылған бөлімді тауып, оқу.

-         Көлдердің суы қандай болады? Физикалық картадан (Касспий, Балқаш, Зайсан, Алакөл) көлдерді табайық.

-         Физикалық картада көлдер қалай белгіленеді?

Көлдің маңызы.

V. Сергіту сәті.

-         Қазақстанда ірілі-ұсақты 85 мың өзен бар. Олардың ішінде жоғарыда  аталған 7 өзеннің ұзындығы 1000 км асады. 48 мыңнан астам көлдер бар. Касспий теңізі, Арал теңізі, Зайсан, Алакөл ірі көлдер.

-         Өз ауданымызда да өзендер мен көлдер бар.

Оларды білу үшін топ бойынша жұмыс жүргізіледі.

«Кестесөз».

Кестедегі сандарды өсу ретімен орналастыр.

Өзен, көлдерге байланысты мақал-мәтелдер айту.

Дәптермен жұмыс.

«Өзен мен көл» Венн диаграммасы.

VІ. Сабақты қорытындылау.

Тест.

1.Жер бетіндегі ойыстарды алып жатқан су қалай аталады?

А) өзен     В) көл     С) арық

2.Каспий, Арал, Балқаш қандай көлдер?

А) тұзды     В) тұщы      С) дәмсіз

3. Астана қай өзеннің бойында орналасқан?

А) Ертіс     В) Шу     С) Есіл

Кілті: 1-ә, 2-а, 3-б.

VІІ. Үйге тапсырма.

Мәтінді оқу. Өзен мен көлдің маңызын дәптерге жазып келу.

VІІІ. Бағалау.

Әр топ жетекшісі бағалау парағы бойынша бағалайды.

Ш.Қ.О. Үржар ауданы.

Алтыншоқы орта  мектебі.

Бастауыш  класс мұғалімі -

Масакова   Кауария  Оразовна.