- 01.04.2014
- 603
- 0
Рабочие листы
к вашим урокам
Скачать
Сабақтың ұйымдастыру кезеңінде психологиялық ахуал тудырдым. Сәлемдесіп, сабаққа дайындықтарын тексердім. Мұғалім-оқушы арасында диалог ( кезекшімен, топпен) байланысы орнады. «Амандасу» тренингісін ұйымдастырдым. Мақсаты-топтағылар бір-бірімен амандасып шығады. Топқа бөлінді. Оқушылар үш сурет бейнеленген қиықшаларды таңдау арқылы топқа бөлініп /«Бәйтерек», «Ақ Орда», «Хан Шатыры»/, өз тобының көшбасшысын анықтап алып, сабақтың келесі кезеңіне көшті. Қызығушылықты ояту сатысында оқушыларға тақтадан Астана қаласы туралы сурет көрсетіліп, сол сурет арқылы оқушыларға ой салдым. «Ойлану» стратегиясын қолдандым. Сабақты өрбіту мақсатында Астана қаласы туралы, сәулеті мен дамуы жайында оқушыларға жалпы түрткі сұрақтар қойдым. Оқушылар түрткі сұрақтарға жақсы жауап берді. Астана қаласы жайлы пікірлерін айтты. Сұхбаттасу әрекеті жүзеге асты. Мағынаны тану сатысында презентациямен танысу, сөздікпен жұмыс, мәтінмен жұмыс, сұрақ-жауап, сызбамен жұмыс түрлері жүзеге асты. Презентациямен танысудағы мақсатым, оқушыларға Астана қаласы туралы қосымша, жаңа мәліметтер беру. Оқушылар презентацияны тамашалап, қызығушылықтарын танытып жатты. Тақтадан өтілетін тақырыптың жаңа сөздерімен таныстырдым. Грамматикалық тақырыпты қайталадық. Жаңа сөздерді тақтадан сөздік дәптерлеріне жазып алады. Жаңа сөздерді талдадық. Не? Қандай? деген сұраққа жауап беретін сөздерді топтадық. Грамматикалық икемдерін қалыптастыра отырып, зат есім, сын есім ережелерін қайталадық. Мысалы: Не? ғимарат, жетістік. Қандай? әсем, сәулетті, көрікті, әсерлі, мәдени. Сөздікпен жұмыста барлық топ жұмыс жасады. Оқушыларға жаңа сөздерді бүгінгі сабақта қолданатындары жайында айтып өттім. Келесі, Астана туралы мәтінді таратып бердім. Оқушылар мәтінмен өздігімен танысты, топта пікір алмасты. Жеке, жұптық, топтық әрекет етті. «Жұптық» әңгіме» стратегиясы жүзеге асты. Сұрақ-жауап жұмысында, интерактивті тақта арқылы оқушыларға мәтін бойынша сұрақтар берілді. Оқушылар сұраққа жауапты дәптерлеріне орындады. Жылдам орындаған топ оқушылары жауаптарымен бөлісті. «Ақ Орда» тобынан Динара мен Надежда басқа топтан жылдам болып, «Хан Шатыр» тобынан Ира мен Егор атты оқушыларымыз сұрақ-жауап арқылы әрекеттесті. Оқыту мен оқудағы жаңа тәсілдер: диалогтік оқыту жүзеге асты. Сызбамен жұмыс кезінде интерактивті тақта арқылы оқушыларға сызба берілді. Оқушылар тірек сөздер арқылы интерактивтік тақтадағы сызбаны құрастырды. Барлық топ қатысты. Бұл жерде оқушылар жаңа сөздерді қолдана білді. Тірек сөздер мен жаңа сөздерді байланыстыра алды. «Тірек сөздер» стратегиясы мен АКТ модульі жүзеге асты. Бұнда Разияның тапсырманы орындау деңгейін жақсы деп бағалап кеткен жөн. Ой толғаныс сатысында оқушыларға «Астананың сәулетті ғимараттары» тақырыбында эссе жазуды жүктедім. Тапсырмада «Автор орындығы» стратегиясын қолдандым. Бұл кезеңде оқушыларды сыни ойлай білуге, ойлауға тырысты. Міндетім, дарынды оқушыны анықтау болатын. Динараның ойтолғауы көңілден шыққан жоқ. Мен ол оқушыдан басқа нәтиже күткем. Толғауының мазмұны жақсы, бірақ кідіріп, мәнерлеп оқу байқалмады. Рефлексия кезеңінде түрлі-түсті стикерлерді тараттым. «Еркін жазу” стратегиясын қолдандым. Оқушылар стикерлерге өз ойларын жазды. Кері байланыс орнады. Мысалы: «маған сабақ өте ұнады», «Астананың көп тарихын білдім», «қазақ тілі өте жақсы», «сабақ қызықты», «сабақта көп жаңа сөздерді білдім» т. б. түйінді сөйлемдермен, сөз тіркестерімен өз ойларын стикерлерге жазған. Төрт-бес оқушы өз ойын орысша жазған. Бағалау кезеңінде бірін-бірі бағалау парағын таратып, оқушылардың бірін-бірі бағалауды бақылап, қадағаладым. Өзің-өзі бағалау кезінде әр топтың көшбасшысы, яғни топ оқушылары бір-біріне «4» пен «5» сыйлап қоя беріпті. Мысалы, «Бәйтерек» тобында Стас пен Рита атты оқушылар сабаққа белсенділіктері көрінген жоқ. Дегенмен, топ басшысы оларға «4» пен «5» қойған. Ол екі оқушыға «3» деген баға қоюға болар еді. Мен өз тарапымнан, оқушылардың бетін қайтарғым келген жоқ. Сабақта көңілді болғандықтан, көңілдеріне қарадым. Оқушының еркіндігін ескеріп, бір-бірін баағалағаннан кейін, тек ескерту айтып, келесіде бірін-бірі бағалауда бағалау критерийлерін ескеруін өтіндім. Жалпы әр топтың жұмыс жасауы, бет-алысы жаман емес болды. Бірақ бағаларын тым асырып жіберген. Қорытынды бағаны журналға қойдым. Өзін-өзі бағалау әрекеті жүзеге асты. Сабақ соңында үй тапсырмасын бердім. Үйге жұмысына, келесі сабаққа «Астана-болашақтың қаласы» тақырыбында презентация көрмесін ұйымдастыру. Оқушылар үй тапсырмасын күнделіктеріне жазып алды. Сабақ 14.40. аяқталды.
6 656 324 материала в базе
Настоящий материал опубликован пользователем Жунусов Куаныш Мейрамович. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс повышения квалификации
36 ч.
Курс повышения квалификации
36/72 ч.
Курс повышения квалификации
36 ч. — 144 ч.
Мини-курс
3 ч.
Оставьте свой комментарий
Авторизуйтесь, чтобы задавать вопросы.