М.Тынышпаев атындағы ҚазККА
Ақмола колледжі
Информатика және арнайы
пәндер оқытушысы
Айнур Амангелдыевна
Тайтолеуованың
БАЯНДАМАСЫ
«Арнайы пәндерді жүргізу
барысында сабақтың
ғылымилық талабын жүзеге
асыру»
Сабақ – бұл жастары шамалас, құрамы тұрақты оқушы
топтарымен оқытуды ұйымдастыру формасы, тұрақты кесте және бәріне ортақ оқыту
бағдарлама. Бұл формада оқу-тәрбие процесінің барлық компоненттері – мақсат,
мазмұн, құралдары, әдістері, ұйымдастыру және басқару қызметі және оның барлық
дидактикалық элементтері қарастырылады.
Педагогикалық процесті ұйымдастыру формасы ретіндегі
сабақтың артықшылықтары оның фронтальды, топтық және жекелей жұмыстарды
сабақтастырудағы мүмкіндігінің молдығында: мұғалімге материалды жүйелі және
ретімен түсіндіруге, студенттердің танымдық қабілеттерінің дамуын басқаруға
және ғылыми көзқарастарын қалыптастыруға мүмкіндік береді, студенттердің, басқа
да қызмет түрлерін, соның ішінде сабақтан тыс және үй тапсырмаларын, сондай-ақ студенттің
мақсатқа жетудегі негізгі құралы және қызмет тәсілін таңдау және құрудың шарты
ретінде көрінеді.
Бәрінен бұрын ол оқытудың үш бірлік – білім беру –
тәрбие –даму – қызметін тиімді іске асыруда көрінеді, олай болса, студенттердің
табиғи қасиеттерін ғылыми шығармашылық, өнертапқыштық жағынан дамытуға
бағытталғандығымен де көрінеді.
Сабақты дамытудың басқа тенденциясы сабақты өмірлік
маңызды мазмұнмен толықтыруда, оқытуды оқушы өмірінің табиғи құрамдас бөлігі
ретінде ұйымдастыруда көрінеді. Осыған байланысты сабақ танымның арнайы
ұйымдастырылған формасы болып қана қоймайды, сондай-ақ әлеуметтік және
адамгершілік тұрғысынан алғанда толыққанды араласу болып табылады.
Сабақтың жалпы ұйымдастыруын құруға қатысты
тенденциялар: олардың құрылымдық жағынан өзгеруінен, оқытудың басқа да
ұйымдастыру формаларымен сабақтастығынан, ауызша сұрау және үй тапсырмасын
тексеруге кететін уақытты мейлінше қысқартудан сабақтың бұл кезеңдерін қандай
да болсын мәселенің негізгі міндеттерін студенттердің өз бетінше жұмысымен
біріктіру арқылы шешу үшін пайдаланудан көрінеді. Сабақтың шығармашылық
бастамасын күшейту тенденциясы өз бетінше жұмысты ұйымдастыруға ерекше назар
аударудан байқалады.
Сабаққа қойылатын қазіргі талаптар мынадай болуы керек
деп ойлаймын:
Әрбір сабақта білім беру, даму және тәрбиелеу
мақсаттарының бірлігі сақталуы керек. Әрбір сабақ оқыту процесінің басты
заңдылықтарын жүзеге асыруға ықпал етуі қажет.
Сабақта белгілі бір білімді баяндай отырып, студенттердің
пайымдауын дамыту, олардың ойлау қабілетінің дамуына ықпал ету және оларды
қоршаған дүниеге лайықты қатынасын қалыптастыру, оларға осы қатынастар
негізінде мінез-құлық дағдысын сіңіру қажет. Тұлғалық қасиет қалыптасуы үшін
алған білімнің студенттердің мінез-құлқын айқындауына, оларда қажетті тұлғалық
қасиеттің қалыптастыруына ұмтылу керек (жұмыс орнындағы мәдениеттілік,
тапсырманы орындау сапасын жауапкершілікпен қарау, оларды орындаудағы
қиындықтарды жеңу, өз ойын ашық айту, бөлісу).
Әрбір сабақ бәрінен бұрын оқыту мен өмірдің
ғылымилығы мен байланысына жауап беруі керек. Кез-келген оқу пәні бойынша кез
келген сабақ - ол процестің бір бөлігі, сондықтан да оқып-үйренуді ғылыми
танымда нақтылықтың критерийі рөлін атқаратын өмірмен, тәжірибемен байланыстыра
білуге, ал оқу процесінде - оқуға ынталықты, оған оң көзқарасты, айналадағы
ортаның құбылыстарын түсіндіру үшін теориялық білімдерін тәжірибеде қолдана
білу дағдысын қалыптастыруға тиіс.
Әрбір сабақ, ең алдымен, сабақтың тақырыбымен жиі
ауыстырылатын айқын мақсатпен сипатталуы керек. Әрбір тақырып бойынша бірнеше
сабақ өткізілуі мүмкін және олардың әр қайсысының өзінің нақты мақсаты болуы
тиіс: студенттерды ойлау операцияларымен қаруландыру (классификациялау, көшіру,
жалпылау, т.б.), білімін тәжірибеде қолдануға дағдыландыру, оқуды тақырып
бойынша жекелеген фактілермен таныстыру, теориялық қорытындыларды өз бетінше
тұжырымдау дағдысын қалыптастыру және т.б.
Сабақтың барлық кезеңдерінде студенттердің танымдық
қызметін жандандыру мақсатында оқытудың әр алуан әдістері мен тәсілдерін
пайдалану. Студенттерге кез-келген бірыңғай ұзақ ықпал ету (мысалы: ұзақ ауызша
түсіндіру) олардың ынтасының ыдырауына, енжарлыққа алып келуі мүмкін. Олар
сабақта алаңдайды, мұғалімнің ақпаратын қабылдамайды. Сабаққа дайындалғанда,
қашан, сабақтың қай бөлімінде қандай әдіс, тәсіл немесе құрал пайдаланылатынын
жеткілікті ойластыру қажет.
Әрбір сабақ өзінің ұйымдастырушылық заңдылықтарымен,
оң нәтижелерді сезінгіштігімен ерекшеленуі керек. Әрбір өткен сабақ мұғалім мен
студенттің алға басушылық сезімін туғызуы керек. Сабақ білім көлемінің елеулі
өсуін қамтамасыз етуі немесе сапасын жетілдіруін, немесе осы екеуін де
қамтамасыз етуі керек. Білімнің осындай елеулі өсуі (білік пен дағдының)
қанағаттану сезімін туғызады, әрине оқушының оқуға деген белсенді көзқарасын
туғызады. Әрбір сабақ оқыту процесінің тамамдалған бөлігі болуы тиіс.
Үй тапсырмасының тиімділігі және оны міндетті тексеру.
Мұғалім, үйге тапсырма бере отырып, студенттердің барлығы оны орындай алатынына
сенімді болуы керек. Кейде өте қиын тапсырма ұсынылады, бірақ кез-келген
жағдайда мұғалім үй тапсырмасына, оның мәні неде екенін, мақсаты қандай, оны
орындаудың негізгі ережелерін қайдан оқуға болатынын түсіндіре отырып,
түсініктеме беруге міндетті. Студенттер орындаған кез-келген үй тапсырмасы
міндетті түрде тексерілуі, талдануы керек, әйтпесе студенттердің өз бетінше
танымдық қызметке деген қызығушылығы жойылады.
«Жұмыла көтерген жүк жеңіл» демекші Қазақстанның
болашақ өнертапқыш жастарын бірге тәрбиелейік!
Оставьте свой комментарий
Авторизуйтесь, чтобы задавать вопросы.