Музыка: Сахнаға
2 жүргізуші шығады.
Жігіт: Тарихтағы
түріктің, киелі көк бөрінің, асыл текті Алаштың ұрпағы, Ассалаумағалейкум!
Қыз: Армысыздар,
бармысыздар, замандастар, бауырлар, ұлағатты ұстаздар мен шабытты шәкірттер!
Жігіт: Аппақ
бүгін қыр, далам,
Ақ мақтаны жапқандай!
Бүкіл әлем – бір ғалам,
Қонақ күтіп жатқандай.
Қыз: Көңілде
көп қуаныш,
Әр көңілде - әр қылық.
Кетер жылға мың алғыс,
Әкелген көп жақсылық.
Жігіт:
Бүгін сізге жырдан алқа тағайын,
Шат күлкіге толы болсын маңайың.
Көргендер де көрмегенде арманда.
Жаңа жылың құтты болсын ағайын.
Қыз: Зеңгір көкте жұлдыз болып жанайын,
Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.
Жігіт: Құрметті
қонақтар, ұстаздар мен оқушылар! Келе жатқан Жылқы
жылы мерекесімен
барлықтарыңызды шын жүректен құттықтаймыз. Жаңа жыл тек қана бақыт, қуаныш
әкелсін дей отырып, бүгінгі көңілді кешімізді ашу үшін мектеп директоры Күлжан
Жұмашқызын ортаға шақырамыз!
Қыз: Білінбейді
жас жүрекке түнгі ызғар,
Сыйлар
шабыт ақындарға гүл қыздар.
Әнші
қызымыз ән салғанда беу шіркін,
Жымыңдайды
аспандағы жұлдыздар! – деп кезекті әсем әнге берсек Анелдің орындауындағы
... (Жаңа жыл тақырыбында) әні. Қарсы алыңыздар!
Жігіт: Уа,
халайық жараңдар,
Айналаға
қараңдар!
Жаңа
жылдың бұл тойын,
Салтанатқа
санаңдар.
Қызық
көріп, шат болып,
Шаттық
күліп тараңдар,
Қыз:
Уа, халайық құрметті,
Көмейіме
жыр кеп тұр
Жаңа
жылды қарсы алып,
Өткізейік
дүрмекті.
Жігіт:
Уа, халайық той бүгін,
Бақыт, шаттық мол бүгін.
Қарсы
алайық Жылқы жылын
Ұзатып
сап Жыланды!
................Жылан мен Жылқы..........................................................................
Қыз: Жылқы
- қазақ даласының екінші есімі. Қазақ ұғымында қазақ, дала және жылқы деген
сөздер бір-біріне етене жақын тамырлас та, тағдырлас айтылады. Жылқының қазақ
тарихында алатын орны ерекше. Шетсіз – шексіз далада адам жаяу ұзақ жүре
алмайды, ал астында аты бар адам қашқанда құтылып, қуса жетіп тіршілік етеді.
Сол себепті қазақтың «Жылқы – ер қанаты» деген сөзі жылқының адам өміріндегі
орнын көрсетеді.
Жігіт: Қазақ
баласы жылқы түлігін төресіндей көретіні соншалық, «қазақ жылқы мінезді» деп
өзінің мінез-құлық, бітім – болмыс, жан дүниесінің айқындаушысына айналдырып
алған. Бұлай өзінің жаратылысына жылқыдан ұқсастық іздеу – тек қазаққа ғана тән
қасиет, әрі бұл қазақтың осы түлікке деген аса жоғары құрметінің белгісі.
Ән:
"Жаңа Жыл"
Жігіт: Біздің
биылғы жаңа жылымыз жылдағыдан ерекше, себебі Жылан жылы еліміз талай
белестерді бағындырды. Сонымен қатар алтын ұя мектебіміз де өз тарихындағы
үлкен жетістіктерге қол жеткізді. (2013 жылғы мектептің
жетістіктері баяндалады) (8 минут)
Қыз: -Құрметті халайық! Бүгінгі Жаңа жыл кешіне сәйгүліктерін
желдіріп, алтындатқан шанасымен Аяз ата мен сүйкімді Ақша қар келе жатыр деген
хабар алып тұрмыз
Жігіт:
Қуаныңдар, ағайын, тамсаныңдар.
Сүйінішпен маңайға
жар салыңдар.
Аяз ата келеді
Ақшақармен,
Қол соғып қошеметпен
қарсы алыңдар!
Аяз ата:
Ассалаумағалейкум, Жыр кешкен ел,
Нарына нарық заман мінгескен ел.
Дәуірдің дүрмегіне үндескен ел,
Тәңірдің тылсымымен бірлескен ел.
Ақша қар:
Сәлеметсіздер ме,
балалар! Орманды көктей өтіп жеттік-ау! Қандай әдемі, неткен сұлу
шырша! Өздерің де жайнап отырсыңдар.
Жігіт: Қош
келдіңіз Аяз Ата,
Қарсы аламыз орын беріп.
Ән салыңыз бізбен бірге,
Би билеңіз бізге еріп.
Би
« »
Жігіт: Ендеше
келесі кезекті әр сыныптың әзірлеп отырған ерекше нөмірлі мерекелік кештегі
қойылымдарына берейік.
Қыз: Олай
болса, кешіміз одан әрі жалғасын табады. Ортаға 9 сыныптардың жас таланттарын
шақырамыз!
Жігіт: Биіктерге
құлаш сермейді,
Шарықтап
көкке өрлейді.
Өтсе
де қанша ғасырлар,
Халық
мұрасы өлмейді
Би «Қара жорға»
Жігіт: Құлақтан
кіріп, бойды алар
Әсем
ән мен тәтті күй,
Көңілге
түрлі ой салар
Әнді
сүйсең менше сүй.
Ән:
Мерекелік ән орындалады
Қыз: Ақынбыз
асау - біз деген,
Өмірден
сәуле іздеген.
Қызыл
көйлек кигенім,
Қызылға
құмар қыз деген, - деп ақындықтың биігіне ұмтылып қара өлеңнің қадірін
жастайынан біліп өскен кешегі өткен ұлылардың ұрпағы, асылдың сынықтарының
қаламынан туған жырын жалғастырар 10 «А»сынып
оқушысы Алтынбекке өз арнау жыр-шумақтарына
кезек берейік!
Өлеңдер оқылады
Жігіт: Сыр
қалмасын көңілде ақтарылмай,
Бақытын
өз елінде тапқан ұдай.
Тай
құлындай жарысып бірге өскен,
Балауса
балалықтың шақтарындай, - демекші 11-сынып оқушыларын
ортаға шақырамыз!
Жігіт: Көңілді кешімізді әрі қарай қызықты ойындармен
жалғастырайық. Сізге салфеткадан қар суреттерін қию керек, кім бірінші сол
жеңімпаз. Ойыншыларымызды ортаға шақырамыз, 1 минут уақыт беріледі. Тез және
әдемі қар суретін қиған ойыншыға сыйлық беріледі.
Жігіт: Ал,
халайық, тұрмайық
Әндетейік, жырлайық
Ортамызды ашайық
Ырыс тілеп бұл жылға
Жырдан шашу шашайық!
Ән
орындалады
Қыз: Ал
енді кезекті келесі ойынға береміз. Бұл ойын «Тосын сый» деп аталады. Мына тұрған шарлардың ішінде құпия
тапсырма жатыр. Сіздер құраған жұп бұл шарлардың біреуін таңдап, қолдың
көмегінсіз шарды жаруыңыз керек, және де аяқ киіммен де басуға болмайды. Айланы
өздеріңіз ойлап табасыз. Шарды жарып болған соң, қағаздағы тапсырманы
орындайсыз. Егер орындамасаңыз сыйлықтан құр қалдыңыз деп есептей беріңіз.
Жігіт: Ал енді ойынды бастайық. Сұрақтарды оқиық.
Ойын шарттары: 1. Лимонның жартысын қантсыз жеу керек.
2. Осы отырған оқушылардың арасынан қыз/жігіттің біреуін таңдап, жылы сөздер
айту керек.
3. 7,8,9 санының көбейту кестесін айтыңыз.
4. Қоянның қимылын келтіріңіз.
(Ойын біткен соң)
Қыз: Мына
сандықта әртүрлі сөздер бар. Сіздер сол сөздерді алып рет-ретімен ән айтасыздар
және би билейсіздер. Соңында көрерменнің үлкен қошеметіне ие болған адам
жеңімпаз атанады. Бастайық!
Ән: 1. Жаңа жыл 2. Мектеп 3. Арман 4. Қар
Би: 1. Қара жорға 2. Грузин биі 3. Шығыс биі 4. Ча-Ча-Ча
Жігіт: Ендеше келесі ойынымыз "Бірнеше сағыз шайнап Жаңа
жылға тілек айту" деп аталады.
Қыз:Ал, Аяз ата, Ақша қар! Асығып тұрған секілдісіздер. Әрине,
әлі де барар жер, басар тауларыңыз көп болғандықтан, сіздерді көп бөгемейік.
жігіт: -Иә, ата мына халқыңызға бата берер кезде келді ғой деймін.
Аяз ата:
Болар, болар...
Уа!!!
Мен батамды берейін,
Үстем болсын мерейің
Әрқашанда бұл елге,
Қуанышқа келейін.
Жақсылық елден кетпесін,
Жамандық, келіп жетпесін.
Қызыр болсын жолдасың.
Әруақтар қолдасын!
Қара ниет дұшпаның,
Бұл жалғанда оңбасын.
Аман болсын, мал басың,
Адал болсын жолдасың.
Бейбітшілік заман болсын.
Ел іргесі аман болсын.
Осы айтқаным қабыл болып,
Батам менің тәммам болсын!
Әумин!
Жаңа жылдарың құтты болсын!!!
Барлығы бірге:
Жаңа жыл құтты болсын!
Жаңа жыл әні орындалады.
Кеш соңы бимен ұласады.
Ақшақар:
Жаңа
жылда балалар,
Тек
жақсылық көріңдер.
Жылау,ауру,
жамандық,
Қастарыңда
болмасын,
Сау
болыңдар балалар!
Аяз
ата: Қош, сау болыңдар, балалар!
Қыз: Жаңа
жыл, жаңа жыл.
Қалауын тап, қар үстіне қада гүл,
Жігіт: Жаңа жыл, жаңа жыл.
Сан тілектің бастамасы ғана бұл.
Қыз: Кел жаңа жыл, игілік боп, иба боп
Жер бетіне кереметті жина көп.
Жігіт: Ақ
қауырсын қанатына қайғы емес
Түтін емес, рауан нұры жинап от.
Жаңа жылдарың құтты болсын!
Қыз: Жүздерің әрқашан жарқын, көңілдерің шат, өмірлерің
думанға толы болсын.
Жігіт: Жаңа жыл
шаттығы мәңгілік тарқамасын! Осымен думанды кешіміздің соңында сіздерге ән шашу
сыйлаймыз.
Ән: 10-сынып оқушылары
Оставьте свой комментарий
Авторизуйтесь, чтобы задавать вопросы.