" 1 маусым балалар күніне" арналған ойын-сауық

Балаларды қорғау күніне арналған музыкалық іс - шара " Бақытты балалық шақ "

Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір - бірін сыйлауға, адамгершілік қасиеттерін жоғалтпай ұстауға жетелеу.

 Балабақша ойын алаңы алуан түрлі шарлармен безендірілген
Өтілу барысы: әдеби – музыкалық монтаж

Жүргізуші: Армысыңдар

 балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!

Жүргізуші: Сәлеметсіздер ме, мерекеге жиналған қонақтар,
ата - аналар, балалар!
Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

1 - Маусым 1950 жылдан бастап Халықаралық балаларды қорғау күні болып келеді. Бүгін біз осы мерекені атап өтпекшіміз

Ән « Біздің балабақша»
Сайқымазақтардың келуі
Бұл не мереке? Нені тойлап жатырсыңдар? Бізге неге айтпадыңдар, а? Бізсіз ешқандай мереке болмайды?
Жүргізуші: Тоқта, тоқта, сендер кімсіңдер өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десеңдер, онда тәртіпті сақтаңдар.
Балалар, сайқымазақтарды қалдырамыз ба? Қалдырамыз.

 Жүргізуші: Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.
Ендігі кезекті  бүлдіршіндерге  берейік.
Тақпақтар

Фариза ; Алақай ау,алақай.

              Той тойлайық балақай.

              Қызарғанша алақан,

              Қол соғайық,балақай!

Нариман:Біз бақытты баламыз,

                Ақылыдмыз,данамыз

                Ертеңгі күні еліміздің

                Батырлары боламыз.

 Айша;Бақшамызда бугін ұзақ ойнайық,

            Балалар қорғау күнін тойлайық!

            Алакай ау,алақай ,

            Той тойлайық балақай

Би (флешмоб )

Жүргізуші: Иә, рас, бала болған бәрі де,
Салған олар балалықтың әнін де.
Бала кезін еске алып отырсақ,
Сол емес пе тіршіліктің мәні де! - дей келе балалық шағымызды еске ала отырып, сайқымазақтардың бізге ала келген ойындарын ойнайық.

Ойын.

1. «Санамақ»

2.  «Түсін тап»

3. «Қимылды қайтала»

Балалар сайқымазақтармен көпіршіктер үрлеп ойнайды.

 Жүргізуші: Көк жиектен күлімдеп,
Маусымның таңы атты
Тұра қойшы күнім – деп,
Анаң сені оятты –
Даналардың тілегі,
Балалардың тілегі
Ауырмасын ешқашан
Аналардың жүрегі.
Ән « Әрқашан күн сөнбесін»
Жүргізуші: Осымен «Бақытты балалық шақ "

атты мерекелік іс - шарамыз аяқталды.Енді балалар асфальтқа түрлі түсті борлармен  сурет салады.