Майыстырылған пластинада валикпен балқыту

                                                                                                           БЕКІТЕМІН

«Қаракемер кәсіптік колледжі»

МКҚК Аға шебері   

      ______________Тукеева Ж.С.

Сабақ жоспары  № 20

Күні-айы: 18.03.2016   Топ: ЭД-03    Курс:  I

Мамандығы: 1114000 – дәнекерлеу ісі 

Бөлімнің тақырыбы: Валикті доғамен балқыту және пластинді төменгі, көлденең және тігінен дәнекерлеу

Сабақтың тақырыбы:  Майыстырылған  пластинді түйістіріп дәнекерлеу.

Сабақтың мақсаттары:

Білімділік: Білім алушыларға майыстырылған металл пластинді  екі жағынан түйістіре отырып дәнекерлеу әдістерін - тәсілдерін үйрету.

Дамытушылық: Білім алушыларға майыстырылған металл пласинаны дәнекерлеуді үйрете отырып, әрі қарай дамыту.

Тәрбиелік: Студенттердің өз мамандықтарына қызығушылығын арттырып, жұмысты ұқыптылыққа, тиянақтылыққа және техника қауіпсіздігін сақтауға тәрбиелеу.

 Сабақтың типі: еңбек тәсілдері мен әдістерін үйрету                                 Сабақтың әдістері: ауызша түсіндіру (әңгімелесу, түсіндіру, дәріс оқу, оқулықпен жұмыс жасау), көрнекілік әдістер (бақылау тәжірбиелерді көрсету), еңбек  әдістері мен тәсілдерін көрсету, тәжірбиелік әдістер (жаттығулар орындау, тәжірбиелік және өндірістік  жұмыстарды орындау)                                                     Материалды-техникалық жабдықтар мен дидактикалық материалдар: Техникалық нұсқау картасы, металл дайындамалар, дәнекерлеу аппараты, электрод Д= 3-5 мм . Балғалар, болат щеткалар, соққыштар, сызғыштар, бор,жікті өлшегіштер, қорғаныш көзілдіріктер,жай әйнекті көзілдіріктер, электродұстағыш, маскалар, арнайы киімдер – брезент кеудешелер, шалбарлар, бас киімдер және қолғаптар.

Өткізілетін орны: электр газымен дәнекерлеуші шеберханасы

Сабақтың барысы:

1.Ұйымдастыру кезеңі: (1-3 мин)

1.1. Сәлемдесу;

1.2. Білім алушыларды түгендеу;

1.3.Білім алушылардың оқу құрал - жабдықтарын тексеру.

2.Кіріспе нұсқау: (45 мин)

2.1. Сабақтың тақырыбы мен мақсаттарымен таныстыру;

2.2. Білім алушылардың теориялық сабақтарда алған  және өндірістік оқыту сабақтарында алған білімін тексеру;

1. Майыстырылған металл пластинаны дәнекерлеу кезінде қандай техника қауіпсіздігін сақтау керек?

2. Металл пластинаны дәнекерлеуге дайындау жұмыстарын атап айтып бер?

3. Майыстырылған металл пластинаны дәнкерлеу кезінде сапасын қалай бақылауға болады?

2.3. Білім алушыларға сабақта жасалатын жұмыстарды орындаудың әдіс-тәсілдерін көрсету және түсіндіру, сонымен қатар орындалған  жұмыстың сапасын бақылау әдістерін үйрету;

  майыстыру  процесі деп металл дайындаманың қалпын  берілген сызба бойынша деформациялау арқылы кеңістіктегі қажетті пішінін жасайтын слесарлық операцияны айтамыз.

         Майыстыру кезінде металға бір мезгілде созушы және сығушы күштер әсер етеді.

         Түрліше материалдарды майысытру үшін алдымен дайындаманың жазылма ұзындығын анықтау қажет.

         Түрліше слесарлық құралдардың көмегімен қолмен майыстыру.

         Қолмен басқарылатын майыстырушы машиналар мен тетіктер және механикалық жетегі бар машиналар арқылы майыстыру. майыстыруды орындау реті дайындама материалы мен контурының өлшемдеріне байланысты келеді.

         Пісіру қосылысы- бұл пісірумен орындалған, бірнеше бөлшектердің ажырамайтын қосылысы. Пісірулі қосылыстардың құрылымдық типі пісірілетін бөліктердің өзара орналасуымен анықталады. Балқытып пісіру жағдайында пісірулі қосылыстардың келесі түрлері: түйіскен, бұрышты, таврлы, айқастырмалы және шетжақты болып бөлінеді.Сондай-ақ,доғалы пісіру арқылы жасалған айқастырманың нүктелі пісірілген жіктері мен қосылыстары қолданылады.

         Жекеленген бөлшектерден пісіріліп жасалған металл құрылманы пісірілмелі құрылма деп атайды. Осындай құрылмалардың бөлігі пісірілмелі түйіндер аталады.

         Түйістіре пісірілген қосылыстар шетжақ беттерімен бір- біріне қабысқан екі бөлшектің пісірлмелі қосылысын білдіреді. Түйістірмелі қосылыстардың шартты белгілері: с1- с48

негізгі металдың қалыңдығы мен олардың пісіру әдістеріне байланысты пісіретін жиектердің біркелкі балқуын қамтаматсыз ету үшін жиектерді алдын ала дайындай отырып, біршама оңтайлы пішінге келтіреді. Пісірілетін әртүрлі қосылыстардың типтеріне арналған жиектерді дайындау формалары келтірілген. Дайындалған жиектер формалары мен пісіруге жиналған қосылыстардың негізгі параметрлері: e,R,b,a,c- ернеулер биіктігі, дөңгелектеу радиусы, саңылау, қиғаштық бұрышы, жиектердің мұқалуы болып табылады.

2.4. Білім алушының өндірістік оқу шебері көрсеткен еңбек тәсілдерін орындап көруі;

2.5.Көбінше жіберілетін қателіктерді талдау және оларды болдырмаудың жолдарын анықтау;

2.6. Кіріспе нұсқаулық материалдарын бекіту және білім алушылардың жаңа тақырып бойынша білім деңгейлерін тексеру;

         1. пісіру қосылыстары дегеніміз не?

         2. пісірілмелі түйіндер дегеніміз не?

         3. пісіру жиегі денеіміз не?

         4. дайындама мен пісіруге жиналған қосылыстардың параметрлерін атап айып бер?

2.7.Еңбекті қорғау және техника қауіпсіздік ережелерін қарастыру немесе қайталау;

2.8. Білім алушыларға тапсырма беру және оларды жұмыс орындарына орналастыру;

3.Білім алушылардың оқу-өндірістік жұмыстарына ағымдағы нұсқау жүргізу (4сағат)

3.1. Білім алушылардың өзіндік оқу-өндірістік жұмыстары:

1. Жұмыс орнын дайындап, жабдықтау

2. Техникалық қауіпсіздік ережелерін сақтау

3. майыстырылған металл пластинді түйістіріп дәнекерлеу

3.2. Ағымдағы нұсқау (арнайы аралаулар арқылы):

     - жұмыс орнының ұйымдастырылуын және жағдайын тексеру;                            

     - жұмыс үстелінің дұрыс жабдықталуын тексеру;

     - арнайы киімнің, қолғап, масканың бар екендігін ескеру;

     - пісіру, дәнекерлеу жұмыстарының орындалу дұрыстығын тексеру;

     - дайындаманың, электродтың дұрыс ұстау әдістерін бақылау;

     - металл пластинаны екі жағын майыстырып түйістіріп дәнекерлеу;

     - металл пластинаны бір жағынан майыстырып түйістіріп дәнекерлеу;

     -  еңбек тәсілдерін орындау дұрыстығын және техника қауіпсіздік ережелерінің сақталуын тексеру;

     -  технологиялық жұмыстарды орындау ретінің дұрыстығын тексеру;

     -  жұмыстарды қабылдау.

4. Қорытынды нұсқау (15 мин):

4.1. Сабақты қорытындылау;

4.2.Жіберілген қателерді талдау;

4.3.Білім алушылардың жұмысын бағалау және оны түсіндіру;

4.4. Үй тапсырмасы: металдың қасиеттерін тауып жазып келу.

5.Жұмыс орнын жинастыру.

Ө/о шебері:    _______________     Тебірекұлы Ә