Мазмұндамалар жинағы(1-сынып оқушыларына арналған).

• 1 слайд

  Мазмұндамалар жинағы
  Құрастырған
  Кеңбидайық орта мектебінің
  бастауыш сынып мұғалімі
  Кизатова Бағдат Даниярқызы
  
  
  

• 2 слайд

  Алғысөз
  Ұстаздардың алдында тұрған басты міндеттердің бірі-Отанын сүйетін, еңбексүйгіш, кез-келген жағдайда шешім тауып шыға алатын жеке тұлға тәрбиелеу. Мұның бәрі тіл арқылы жүзеге асады. Баланың тілі бай болса, оның ойы да кең болады. Сондықтан баланың тілін байытып, ой-өрісін кеңейте түсу үшін, өз ойын жазбаша жеткізе білудің маңызы өте зор.
  Оқу мен жазуды жаңа меңгерген 1-сынып оқушыларына мазмұндама, шығарма жазып кету бірден оңайға түспейтінін кез-келген бастауыш сынып мұғалімі жақсы біледі. Бұл жинаққа 1- сынып оқушыларына шағын әңгіме, мазмұндама жазуға арналған материалдар енгізілген. Оқушылардың қызығушылығын арттыру үшін түрлі –түсті суреттермен толықтырылған.
  Жинаққа қосымша жасалған диск мазмұндама материалдарын экраннан көрсетуге мүмкіндік береді.
  
   
   
  

• 3 слайд

  Мазмұндама.
  Мазмұндама дегеніміз-белгілі бір шығарманың (мәтіннің) мазмұныны ауызша немесе жазбаша түрде баяндап беру. Бұл оқушылардың алғын білімін тиянақтап, тілін дамыту мақсатын көздейді.
  Мазмұндама 1-сыныпта оқу жылының екінші жартысында басталып,
  2-4 сыныптарда бірте-бірте күрделендіре жүргізіледі.
  Оқушылар ауызша мазмұндауға толық төселіп болғанға дейін жазуға кірісер алдында оқушылармен ауызша әңгіме өткізіліп, жазу жұмысына дайындау міндетті түрде қажет болады.
  Мәтіннің көлемі 1-сынып үшін - 40-50 сөз, 2-сынып үшін -50-60 сөз, 3- сынып үшін-60-80 сөз, 4-сынып үшін 80-90 сөз болғаны дұрыс.
  Мазмұндамаға екі баға қойылады:1)сауаттылығына, 2)мазмұн-дылығына.
  Бастауыш сыныптарда мазмұндаманы мына сияқты материалдар бойынша жаздыруға болады:
  дайын мәтін бойынша
  сурет бойынша
  шығармашылық жолмен
  кино, бейнефильм бойынша
  Есіңе сақта
  

• 4 слайд

• 5 слайд

  Сұрақтар:
  Сурет және өлең жолдары бойынша әңгіме құрап жаз.
  Саған қыс мезгілі ұнай ма?
  Өлең неге «Көңілді қыс» деп аталған деп ойлайсың?
  Жаңа жыл мерекесін қалай қарсы алдың?
  
  

• 6 слайд

  «Менің мысығым» тақырыбында әңгіме құрастырып жаз:
  Жоспар:
  Менің мысығымның аты.
  Мысығымның ұнататын тағамы.
  Мысығыммен ойнайтын ойындарым.
  Мысықтың тазалығын қадағалау.
  Мысықтың адамға пайдасы.
  
  

• 7 слайд

  Балапан
  Жазғы каникулда Арман мен Нұрлан атасы мен әжесінің ауылына қыдырып барды. Бірде олар аталарына аула ішіндегі бау-бақшаны арамшөптерден тазартып, ретке келтіруге көмектесіп жүр еді. Арман Нұрланды шақырды.
    Барса, жерде шиқылдап сары ауыз балапан жатыр екен. Бұл ағаш басындағы ұядан құлап түскен торғайдың балапаны болып шықты. Өзі кіп-кішкентай, жүні жоқ, қызылшақа. Балапан шиқылдай береді. Арман басқышқа мініп, балапанды ұясына қайта салды.
  Арман мен Нұрлан балапанға қарайлап, үнемі қамқорлық жасап жүретін болды.
  

• 8 слайд

• 9 слайд

  1. Жазғы каникулда Арман мен Нұрлан қайда қыдырып барды?
  2. Олар ата-әжесіне қалай көмектесті?
  3. Олар нені көрді?
  4. Торғайдың балапаны қайдан құлап түскен?
  5. Балалар қандай жақсы іс-әрекет жасады?
  6. Өздерің құстарға қандай қамқорлық жасайсыңдар?
  
   
   
   
  
  

• 10 слайд

  Суреттерге қарап, «Менің ұстаздарым» тақырыбына әңгіме құрастырыңдар.
  
  ҰСТАЗ
  

• 11 слайд

  Тірек сөздер:
  біліммен сусындатады;
  тәлім-тәрбие береді;
  өмір қиындықтарын жеңуге баулиды;
  табиғатты танып-білуді меңгертеді;
  адамдарды түсінуге үйретеді.
   
  

• 12 слайд

• 13 слайд

  Ұлы күн
  
  Қазақстан-біздің сүйікті атамекеніміз. 1991 жылғы
  желтоқсанның 16-сы оның тарихындағы ұлы күн! Сол
  күні Қазақстан өзінің тәуелсіздігін жариялады. Қазақ
  халқы ғасырлар бойы аңсаған арманына жетті.Еліміз
  егемен мемлекет болды.
  Қазір қазақ мемлекетін жер жүзі біледі. Ұлы Отанымыз –Қазақстанды шексіз сүйеміз!
  Сұрақтар:
  Біздің сүйікті атамекеніміз қалай аталады?
  Қазақстан тарихындағы ұлы күнді ата.
  Еліміз қандай мемлекет болды?
  Қазақстанды әлем тани ма?
  
  

• 14 слайд

• 15 слайд

  Сурет бойынша әңгіме құрап жаз:
   
  Суретте жылдың қай мезгілі бейнеленген?
  Дастархан басында кімдер отыр?
  Олардың көңіл күйлері қандай?
  Дастарханға қандай тағамдар қойылған?
  Олар қандай отбасы деп ойлайсыңдар?
   
  
  

• 16 слайд

  Қорғалжынның мақтанышы - қоқиқаз
  

• 17 слайд

  Қоқиқаздар - дене бітімі ерекше, тұмсығы имек, сирек кездесетін құстар.Олар Қорғалжын қорығындағы Теңіз көлінде ғана ұялап, жұмыртқалайды. Ол басын суға батырып, түбін қопарып, судағы жәндіктерді аузына толтырып сүзіп алып қоректенеді. Ұя жасауға да су түбіндегі тұнбаны пайдаланады. Ұшып бара жатқан қоқиқаздың қанаттары лапылдап жанған оттың жалынына ұқсас болғандықтан оларды кей халықтар “от немесе жалын құс” деп те атайды. Қоқиқаз топтанып тіршілік етеді.
  Сұрақтар:
  Қоқиқаздардың дене бітімі қандай?
  Олар қайда үялап, жұмыртқалайды?
  Қоқиқаздар қалай қоректенеді?
  Қоқиқаздар ұя жасауға нені пайдаланады?
  Қоқиқаздарды неліктен «жалын құс» деп атайды,
  қалай тіршілік етеді?
   
   
   
   
   
   
  
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  
  

• 18 слайд

• 19 слайд

  Сұрақтар:
  Сурет пен өлең жолдарын пайдалана отырып
  әңгіме құрастырып жаз.
  Суретте жылдың қай мезгілі бейнеленген?
  Қысқы табиғатты суреттеп жаз.
  Балалар сырғанақты қалай жасады?
  Олар қалай ойнады?
  Саған сырғанақ тепкен ұнай ма?
   
  
  

• 20 слайд

• 21 слайд

  Жастық.
  
  
  Бір жылдың ішінде бір-ақ жаз болады. Ағаш, шөптер, гүл, жапырақтар бір-ақ рет жасарады. Осы секілді адамның басына жастық екі келмейді. Жастық - біздің өміріміздің жазы. Жаздан кейін күз келеді, сол секілді жастықтан соң кәрілік жетеді. Шаруасына тиянақты кісілер жаздыгүні қыстық азық-түлігін даярлап қояды. Адам да жасында өнер-білім, жақсы мінездерін бойына жинауы тиіс. Мұнсыз ол қартайған шағында рақат тіршілік ете алмайды. (М.Дулатов.)
  Бір жылда қанша рет жаз болады?
  Ағаш, гүл, жапырақтар неше рет жасарады?
  Жастық шақты жылдың қай мезгіліне теңейді?
  Кәрілікті неліктен күзге теңейміз?
  Адам өнер-білімді, жақсы мінездерді қай уақытта бойына жинауы тиіс?
   
   
   
   
   
   
   
    
   
   
   
   
   
   
   
   
   
  

• 22 слайд

  Табиғат аясында.
  
  

• 23 слайд

  Сұрақтар:
  Суретте жылдың қай мезгілі бейнеленген?
  Қандай ағаш гүлдеп тұр?
  Табиғаттың әсемдігін қалай суреттер едің?
  Қыз балаға ат қой.
  Ол табыиғат аясында не істеп отыр?
  Табиғатты қорғау дегенді қалай түсінесің?
  
  
  
  
  

• 24 слайд

  ҚОЛДАНЫЛҒАН ӘДЕБИЕТТЕР:
  «Өзін-өзі тану» оқулығы( 1-сынып).
  А.Сейтақов, Р.Ізғұттынова, Ұ.Әбдіғапбарова, Ж.Қажығалиева, Ж.Әкімбаева. «Бөбек», 2011
  «Қазақ тілі» оқулығы(4-сынып).
  Г.И.Уәйісова, Ұ.Ә.Асылов, Ә.Е.Жұмабаева. «Атамұра» баспасы,2004
  «Балапан әлемі» журналы 2011, №7
  Ғаламтор материалдары. kk.wikipedia.org/wiki/Қорғалжын_қорығы
   
   
   
  
  
  

• 25 слайд

  Назарларыңызға рахмет!
  

Краткое описание документа:

Ұстаздардың алдында тұрған басты міндеттердің бірі – Отанын сүйетін, еңбексүйгіш, кез-келген жағдайда шешім тауып шыға алатын жеке тұлға тәрбиелеу. Мұның бәрі тіл арқылы жүзеге асады. Баланың тілі бай болса, оның ойы да кең болады. Сондықтан баланың тілін байытып, ой-өрісін кеңейте түсу үшін, өз ойын жазбаша жеткізе білудің маңызы өте зор.Оқу мен жазуды жаңа меңгерген 1-сынып оқушыларына мазмұндама, шығарма жазып кету бірден оңайға түспейтінін кез-келген бастауыш сынып мұғалімі жақсы біледі. Бұл жинаққа 1-сынып оқушыларына шағын әңгіме, мазмұндама жазуға арналған материалдар енгізілген. Оқушылардың қызығушылығын арттыру үшін түрлі–түсті суреттермен толықтырылған.

Жинаққа қосымша жасалған диск мазмұндама материалдарын экраннан көрсетуге мүмкіндік береді.