Медициналық паразитологиядан ситуациялық есептер

Медициналық паразитология

Баланың анусының тері қатпарынан алынған жұғындыдан мөлдір қабықты түссіз,бір жағы дөңес, екінші жағы ойыс келген жұмыртқа табылды. Бала қандай аурумен аурады. Аурудың алдын алу шаралары қандай, ата-аналарына қандай кеңес беріледі.

* * *

Науқастың іші аурады, жүрегі айнып, сілекей ағады. Нәжістен қоңыр түсті бұдырлы қабықты жұмыртқа табылған. Бала қандай гельминтті,қандай жолмен жұқтырған.

* * *

Бала жуылмаған құлпынайды жегенде, қандай жұмыр құрттардың түрін жұқтыруы мүмкін.

* * *

Шала піскен шошқа етін жеген адамның 15 күннен кейін бұлшық еті ауырып, қабағы ісініп, дене қызуы 40 С дейін көтерілген. Науқаска қандай зерттеу әдістерін жүргізу керек.

* * *

Нәжістен табылған жұмыртқаның пішіні бөшке тәрізді, екі полюсінде тығыны бар. Адам өзіне қандай нематодты қалай жұқтырған.

* * *

Бір аптадай өкпе қабынуына ұшыраған науқастың қақырығынан кездейсоқ личинка табылған. Қандай ауру туралы ойлауға болады.

* * *

Нәжістен табылған жұмыртқаның пішіні доғал, түссіз мөлдір қабықпен қапталған, ішінде 4-8 ірі бластомерлері бар. Бұл қай гельминттің жұмыртқасы.

* * *

Төменде көрсетілген гельминттердің қайсысы жуылмаған көкөніс арқылы жұғады: аскарида, аққұрт, қылбас, трихинелла.

* * *

Фетальды гемоглобин ересек адамдарда қалыпты жағдайда бомайды, бірақ Қиыр солтүстік жағдайына адаптациялану процесінің барысында фетальды гемоглобиннің концентрациясы жоғары болуы мүмкін, әсіресе бастапқы кезде, 3-5 жылдан кейін төмендейді, 15 жылдан кейін жойылады. Ал орталық аймақтарда фетальды гемоглобин ересек адамдарда тек ісік ауруы пайда болғанда табылады.

* * *

Қиыр солтүстікте істейтін дәрігер, тексерілген адамның қанында фетальды гемоглобин жоғары екенін байқады. Егер ол адам  бұл жұмыс орнына жарты жыл бұрын келген болса, дәрігердің ісік ауруы деп ойлағаны дұрыс па?

* * *

Заполярье жағдайында адамда энергияның негізгі көзі көмірсулар емес, майлар болып табылады. Көмірсілардың алмасуы тежеледі: орталықта өмір сүретін адамдармен салытырғанда глюкозаның мөлшері жоғарылайды, ал инсулин төмендейді.

         Дәрігер пациентті қантпен жүктегеннен кейін (қантты мөлшерде беру) ұйқы безінің қызметін тексеріп, қанда глюкоза мөлшерінің артқанын байқап, қант диабеті деп диагноз қояды. Бірақ кейінгі зерттеулер пациенттің сау еенін көрсетті. Дәрігер нені еспке алмады? Бұл жағдай қандай аудандарда орын алуы тиіс еді?

Ауру адамның қанында 0,5% орнына 15% эозинофилдер анықталды. Эозинофилдердің жоғарылауы адамға гельминттердің жұғуынан байқалады.Егер бұл адам Заполярьеге бұрын келген болса, Ал адаптация кезінде 3 жыл бойы эозинофилдердің мөлшері қанда көбейгені белгілі болса, оны овогельминтоскопияға жіберу қажет пе?

* * *

Медицина институтын жаңадан бітірген дәрігерді таулы ауданға жіберді. Алғашқы тексерген адамдардың біреуінің қанында эритроциттердің жоғары екенін анықтап, соған байланысты қан түзілу процесстерінің бұзылуы деп диагноз қойылды. Дәрігер дұрыс диагноз қойды ма?

* * *

Травматолог-дәрігер Рентген аппаратын жиі қолданған, бірақ Рентген сәулелерінен қорғану ережесін дұрыс сақтамаған. Оның ұлы гемофилиямен ауру болып туылды. Бұрын бұл жанұяда гемофилиямен ауыратындар болмаған. Бұл тұқым қуалайтын ауруды әкесінен баласына берілді деп айтуға бола ма?

* * *

Қанатсыз насекомдар, ұзындығы 2-3 мм, денесі жалпақтау келеді,ауыз аппараты тесіп-сорғыш, құрсағының бүйір жағында терең ойыстар, қоңыр дақтар орналасқан. Құрсағының соңғы сегменті екіге айырылған. Адамның бұл тұрақты паразитінің атын, жынысын,тасымалдайтын қоздырғыштарын  және жануарлар әлеміндегі жүйелік орнын атаңыз. 

* * *

 Көлдің суын тексеру барысында соңғы буынында тыныс алу сифоны бар масаның личинкасы табылған. Бұл қандай масаның личинкасы және безгек ауруын тарата алады ма? 

* * *

 Медпунктқа бір мезгілде 2 турист кененің шаққанына шағымданды. Дәрігерлер сұрау барысында туристтің біреуін шөлді жердегі үңгірде,екңншңсңн ашық табиғатта шаққандығын біледі. Қандай кенелердің шаққандығын болжауға болады.Кенелердің морфологиялық  ерекшеліктерін сипаттаңыз.

* * *

  Паразит жұмыртқаларын иесіне немесе құрғақ қоқысқа салады. Толық түрленіп дамиды. Личинкасы құрт тәрізді, аяғы жоқ. Эктопаразиттің даму циклінің сатысын анықтаңыз және қандай аурудың қоздырғышын тасымалдайды.

Таулы ауылға жұмысқа келген дәрігердің қанында 2 айдан кейін, қалыпты жағдайдан ауытқулар байқалды.Қандай ауытқулар және олар неліктен байқалды

* * *

 Ауыз аппаратты тесіп – сорғыш, артқы аяқтары басқа аяқтарынан ұзын, секіріп қозғалады.Қанаттары жоқ.Паразиттің жануарлар дүниесіндегі алатын орнын анықтаңыз.

* * *

Адамдарда қауіпті, асқынған кезде өлімге, эпидемияға әкеліп соғатын қауіпті аурулардың қоздырғыштарын тасымалдайтын арнайы тасымалдаушы және эктопаразит. Екі ауруда да адам негізгі ауру көзі болып табылады. Аурудың тасымалдаушысын атаңыз.

* * *

 Науқасқа кенелік қайталамалы сүзек деген диагноз қойылды. Аурудың тасымалдаушысын атаңыз.

Науқаста гельминтке қарсы тексеру кезінде цепень анықталды. Зерттеу кезінде төрт сорғышының бар екені анықталды. Гельминттің қай түрі ағзаны зақымдаған?

* * *

Дәрігерге күнделікті итпен қой бағатын шопан қаралуға келді.Ол оң жақ бүйірінің қабырға астының ауратындығынажүрегі айнып құсқысы келетіндігіне шағымданды. Рентгеноскопиялық зерттеуде ісік байқалады.Дәрігер гельминтоздың қай түріне күмәндануы мүмкін.

* * *

 Анасы баласының қышынуына, мазасыздануына әкелетін аққұрттарды тауып алған. Лабораториялық зерттеу көлемі 1см болатындай жіпше тәрізді формада, кейбіреулерінің аяқтары оратыған  гельминт тапты. Қандай ауру деп ойлауға болады.

* * *

1-ші сынып оқушысы соңғы 2-3 айда кейде ішінің ауыратынына,іші өтетініне,тәбетінің төмендігіне шағымданады.Дәрігер гельминтоз деп күмәнданып копрологиялық анализге жібереді анализ қорытындысы күмәнданғандай болады.Гельминт түрін атаңыз.

* * *

Гельминттік зерттеуде нуқаста ені ұзындығынан үкен бунақты цепень табылады. Гельминт түрін атаңыз.

* * *

Энтеробиоз ауруымен ауратын балалар неге аққұрттың тіршілік ету уақыты бір ай болса да осы аурумен бірнеше айлар бойы аурады

* * *

Эхинококкозге операция жасау барысында эхинокок жолының сұйықтығы кеуде қуысына  тарап кетуі мүмкін.Хирургтың қателігі науқасты қандай жағдайға жеткізуі мүмкін?

* * *

Науқас балада жүрек айну, құсу,  арасында іш өтуі байқалады. Анасының айтуынша бұрын бала құсқагн кезде мөлшері 15см, ұршықты пішінді белгісіз гельминт түскенін айтты.Қандай гельминтоз деп күмәндануға болады?