Мектеп жанындағы сауықтыру алаңы "Салт-дәстүрлер күні" тәрбие сағаты

Мақсатым:

1)оқушыларға қазақ халқының салт-дәстүрлері мен әдет-ғұрпының тәрбиелік мәнін ұғындыру,баланың бойына адамгершілік қасиеттерін қалыптастыру, халық өнегесін үйрету;

2)ата-анамен тығыз байланыс жасау арқылы ортақ тәрбиеге жұмылдыру.

Көрнекілігі:суреттер, шарлар, бүктемелер, слайд, ұлттық бұйым көрмесі

Жүргізушілер: Нұрғазы Мирас, Нұрғазы Нұрсұлтан,

Сабақ барысы:

Нұржан : Ата салтым –асыл мұрам, ардағым,

Бабалардың жалғастырар арманын.

Сан ғасырда қалпын бұзбас қадірім,

Өткенімді бүгінменен жалғадым.

 Аянат: Қазағымның салт-дәстүрі жаңғырған,

Тәлімді ой, тәрбие көзін қалдырған.

Салт-дәстүрді ардақтайық, ағайын.

Қазақ атты үлкен, кіші, балдырған.

 Мұғалім:

Ассаламуалейкум, салтын сақтап, ата-дәстүрін ардақтаған ағайын!

Армысыздар, бармысыздар, қазағымның қазынасын қастерлеп, барын бағалаған әлеумет!

Айдана: Жиналыппыз сәтті күні бәріміз,

Үлкен, кіші, жасымыз да, кәріміз.

Төрлетіңіз, қадірменді қонақтар,

Қош келдіңіз мынау — сіздің төріңіз.

Алина: Өнерлі халық- өміршең халық, дейді емес пе?Олай болса, қазақтың әдет-ғұрпына, салт-дәстүрлеріне бағытталған «Салт-дәстүр-асыл қазынам» атты тәрбие сағатын бастауға рұқсат етіңіздер!

       «Сарыарқа» күйі орындалып тұрады.

Яна:  Шашу, шашу, шашайық,

Ақ сандықты ашайық.

Бұл мереке ,бұл тойда

Керемет рәсім жасайық!

(шашу  шашады)

      «Шашу» биі. Орындайтын: «Бишілер» тобы

      «Арулар» тобы «Тұсаукесер» әнін орынлайды

 «Тұсау кесер» рәсімі орындалады.

 Мұғалім: Еліміздің жарқын болашағы сіздердің колдарыңызда, құрметті окушылар!Халқымыздың ғасырлар бойы жасап кеткен тарихы — бүгінгі үрпақ үшін баға жетпес үлкен қазына, мүра. Бұл мұраларымыз имандылық, ғибраттық, әдет- ғұрпымен, салт-дәстүрімен қымбат. Осынау ұрпақ тәрбиесінің қымбат қазынасын мұралыққа алған біздер оның ішіне үңіліп, одан өз болмысымызға керек-жарақтарымызды алуға тиіспіз.Өзін қазақпын деп санайтын әрбір жас жеткіншек казақтығын дәлелдей алатын істерімен өзгеге өнеге болуы керек.

Нұржан:

Жақсылық ашып арнасын,

Той-тойға жалғассын!
Диас:

Шаттанайық бәріміз,

Кәрі-жасы қалмасын!

 Бірге: Келесі кездескенше, сау-саламатта болыңыздар, тойшыл қауым!

 «Мен Қазақпын» әнімен аяқтау