Мектепке дейінгі тәрбиелеу мен оқыту бойынша педагогтар арасында "Балабақшаның үздік тәрбиешісі-2016" байқау

«Балабақшаның үздік тәрбиешісі-2016»

Мақсаты: Қоғамда мектепке дейінгі тәрбиелеу мен оқыту бойынша педагог мамандығы туралы жағымды көзқарас қалыптастыру және мектепке дейінгі білім беру басымдылықтарын нығайту, мектепке дейінгі жастағы балалармен заманауи бағыттағы жұмыс жолын іздеу.

Армысыздар, құрметті ұстаздар, көрермендер!

«Балабақшаның үздік тәрбиешісі-2016» байқауын тамашалауға қош келдіңіздер! Тәрбиешінің міндеттерінің көлемі өте ауқымды, әрі қуаныш пен жеңістен гөрі қобалжу мен қиындықтарға толы. Тәрбиеші болу - бұл педагогикалық қарым-қатынасты, ынтымақтастықты жүзеге асыру, өзінің әрбір тәрбиеленушісіне қажет болуға талпыныс және адам тәрбиелеудегі кішігірім жетістіктер мен үлкен жетістіктер қуанышы.

Жүректен өлең төгіп, қосқан жырға,
Тұлпардай топтан озған жүйрік тұлға,
Қошеметтеп, халайық қол соғыңдар,
Сайысқа қатысушы тұлғаларға,- деп бүгінгі «Балабақшаның үздік тәрбиешісі-2016» байқауына қатысқалы тұрған тәрбиешілерімізді ортаға шақырайық. Қол  соғып, қошемет көрсетейік!

 (Музыка әуенімен залға тәрбиешілер кіреді).

Тәрбиешілер өнерін салыстырып,
Жеңіс үшін өнерін шабыстырып. 
Әділдікті қолдайтын баға беріп,
Жіберейін қазыларды таныстырып.

Бүгінгі сайысымыздың қазылар алқасымен таныс болыңыздар. (таныстыру).

Байқаудың турларымен таныстырайын.

1тур. «Портфолио-жұмыс нәтижесінің жиынтығы»

2тур. «Мен-өз ісімнің білгірімін»

3тур. «Мамандығыммен-мақтанамын»

4тур. «Педагогикалық қобдиша»

5тур. «Шығармашылық шеберхана»

Сайысымызды бастамас бұрын тәрбиешілер ортаға шығып, жеребе суырады.

Ал енді, сайысымыздың ашылу құрметінің алғы сөзін балабақша меңгерушісіне Ғалия Мұхамбетжанқызына берейік.

Жүргізуші сөзі:

Ақыл, көрік бойларына жетеді,
Әлі талай сынақтардан өтеді.
Мына отырған баршаңызға
Тәрбиешілер өздерін таныстырып өтеді.

Ал, қанекей танысайық! 1-ші бөлімінде тәрбиешілер өздерін таныстырады.

Рахмет тәрбиешілер! Енді келесі сайысқа дайындала берулеріңізге болады.

1.

Портфолиода жинақталар тәрбиешінің еңбегі,

Ұқыптылық талап етер ертеңі,

Жетістік пен нәтижелер қоры бұл,

Тәрбиешінің жұмысынан сыр шертеді – демекші, ендігі кезек «Портфолио-жұмыс нәтижесінің жиынтығы» әділқазылар алқасына беріп, бағасын бере жатарсыздар.

2.
Ал, тәрбиешілер сайысқа қалайсыздар,
Сіздер өтер әліде көп сын бар.
Асығыңды ал қоржыннан қымсынбай кеп,
Жауап айтсаң сұраққа жарайсыздар, - дей отырып сайысымыздың 2 туры бойынша «Мен-өз ісімнің білгірімін» (тест сұрақтары) сайысын бастаймыз.

3. Өнер қуып тәрбиешілер өтер деймін,

Бір басына өнері жетер деймін.

Мамандығың таныстырып өтсе деймін, -деп «Мамандығыммен-мақтанамын» тәрбиешінің шығармашылық тұрғыда өзін-өзі таныстыруы кезеңінде қатысушы көрермеңдер аудиториясы алдында  өзінің ерекшеліктерін, мамандығының қыр-сырын көрсете білу керек.

4.

Кімдер жүйрік,

Өнерпаз білейікші,

Әділқазы алқасына тек әділдікті,

Ал, тәрбиешілерге сәттілік тілейікші –дей отыра келесі кезекті «Педагогикалық қобдиша» әрбір қатысушы өз жұмысында балалармен өткізілген ең үздік ұйымдастырылған оқу іс-әрекеті технологиялық карталарын қорғайды.

5

Ал кімнің өнері бар қаншалықты,

Қолдан көрнекі құралдар жасалыпты

«Шығармашылық шеберхана» турында

Қол соғып барша халық тамсаныпты. –келесі кезекте тәрбиеші өз қолымен жасаған шығармашылық жұмысына (атрибут, құралға, т.б.) қызықты тұрғыда жарнама жасау.

Қорытынды бағаны әділқазылар алқасы ақылдасып шешкенше би тамашалайық.  

Жүргізуші :

Сайыскерлердің бағаларын білсек:

Жеңімпаздарды анықтап, құттықтап , сыйлықтар табыстайды.

Жүргізуші:

Барына риза болсын көрермендер,

Ой бөлісті, бақ сынасты үміткерлер.

Осымен бұл сайысты тәмамдасақ,

Тағыд жүздесерміз сіздерменен берестерде!

Қош! Сау болыңыздар!

«Балабақшаның үздік тәрбиешісі-2016»

Мақсаты: Қоғамда мектепке дейінгі тәрбиелеу мен оқыту бойынша педагог мамандығы туралы жағымды көзқарас қалыптастыру және мектепке дейінгі білім беру басымдылықтарын нығайту, мектепке дейінгі жастағы балалармен заманауи бағыттағы жұмыс жолын іздеу.

Байқаудың турларымен таныстырайын.

1тур. «Портфолио-жұмыс нәтижесінің жиынтығы»

2тур. «Мен-өз ісімнің білгірімін»-тест сұрақтары

3тур. «Мамандығыммен-мақтанамын»- тәрбиешінің шығармашылық тұрғыда өзін-өзі таныстыруы кезеңінде қатысушы көрермеңдер аудиториясы алдында  өзінің ерекшеліктерін, мамандығының қыр-сырын көрсете білу керек.

4тур. «Педагогикалық қобдиша» -әрбір қатысушы өз жұмысында балалармен өткізілген ең үздік ұйымдастырылған оқу іс-әрекеті технологиялық карталарын қорғайды.

5тур. «Шығармашылық шеберхана»- тәрбиеші өз қолымен жасаған шығармашылық жұмысына (атрибут, құралға, т.б.) қызықты тұрғыда жарнама жасау.