«Мен
балаларға не бере аламын?»
Эссе.
Мектепте әрбір оқушыға жеткілікті
түрде адамгершілік білім берілуі керек, яғни бала адамгершілік білімінің
бастауларымен үздіксіз әрі жүйелі түрде сусындауы қажет.
Бүгінгі таңда білім берудің өзекті
мәселесі - жас ұрпаққа рухани-адамгершілік тәрбие беру болып отыр.Өйткені құнды
қасиеттерге ие болу,рухани бай адамды қалыптастыру оның туған кезінен басталуы
керек. Халқымыз баланы жастан деп бекер айтпаған.
Сондықтан мен балалардың бойына
жастайынан ізгілік, мейірімділік, қайырымдылық,яғни адамгершілік құнды
қасиеттерді сіңірсін деп тәрбиелер едім.Өйткені білімнен бұрын тәрбие берілуі
керек қой? Тәрбие жоқ жерде, білім де болмайды.
Осы асыл да,ізгі адам қасиеттерді бойына
сіңірген бала,ұлағатты азамат,еліне адал,сүйіспеншілікпен қарайды деп
білемін.Сонымен бірге өмірден алынған,маған сабақ болған тәжірибелерімді
үйретіп отырар едім.
«Адамның адамгершілігі жақсы ұстаздан
болады»,-деп Абай атамыз айтқандай,балаға да өз білгенін,адам болуды
үйретеді.Сол сияқты мен де үнемі өз туған балаларымды қалай
тәрбиелесем,оқушыларыма да сол тәрбиені бере аламын деуге болады.
Басты міндетім,баланың бойында қасиеттер
қалыптасқан ұрпақ тәрбиелеу,деп түсінемін.
Теректі
ауданы,Жаңа Өмір ауылы
Шаған
ЖОББМ-ң өзін-өзі тану пәні мұғалімі
Куанышкалиева
Фариза Абатовна.
