«Мен үшін ең құрметті – менің тілім»
сайысы
Кімде-кім қазіргі
уақытта ана тілін, өзінің әдебиетін сыйламаса, бағаламаса, оны сауатты,
мәдениетті адам деп санауға болмайды. Ана тілі қайнаған қанның, қиналған
жанның, толғантқан көңілдің, лүпілдеген жүректің сығындысы, онда дәм де, мән де
болу керек. Тіл - ұлт байлығы.
Мемлекеттік тіл – Қазақстан Республикасының әрбір азаматынан іс қағаздарды
мемлекеттік тілде жазуын талап етеді. Тіл -елдің мақтанышы. Қазақ тілі –
республикадан тыс елдерде тұрып жатқан қазақтардың тілі. Қазіргі таңда жер
бетінде 13 миллионға жуық қазақтар өмір сүреді.
“Тіл туралы заң” қабылданып, қазақ тілі Қазақстан Республикасының мемлекеттік
тілі мәртебесін алғанына биыл 25 жыл толып отыр. 2013 жылыдың қарашасында іске қосылған
«Нұрай» балабақшасының қызметкерлерінің арасында осы мерекеге байланысты «Мен үшін ең құрметті – менің тілім» тақырыбында
сайыс ұйымдастырылған. Сынау
көзбен келетін, жөн-жосығын білетін, талдау жасап , нақты баға беретін
әділқазылыққа Алакөл аудандық «Тіл бөлімінің» бастығы Дарханбаева Анар
Жақанбайқызы және әдіскері Айтмұханбетова Жазира Бекмұханбетқызы жайнаған
балабақшаның төріне шақырылды.
Шешеннің тілі, шебердің бізі,- деп Абай атамыз айтқандай, бүкіл ұжым «Шеберлер»
және «Шешендер» топтарына бөлініп, өз ана тіліміз туралы қаншалықты қарулы
екенін, елжандылық сезімдерінің қалыптасуын, өнерлерін байқатуға ортаға
шықты.Таныстыру, эмблеманы қорғау, тіл туралы өлеңді жатқа оқу,тіл
туралы ән шырқау, қазақ тілінде жарнама жүргізу, тіл туралы мақал-мәтел сайысы,
сөз құрастыру,сөз табу, ойлан, тап, қол өнер көрсету, «Нақты қазақтың портретін»
салу атты бөлімдерден сайыс құрылды. Әділқазылардың шешімі бойынша ана тіліміз
туралы сапалы білімдерін байқатқан, ойларының жүйріктіктерін танытқан, рөлге
кіріп, әртістік шеберліктерін көрсеткен, жас ұрпақтың тәрбиесіне мәнді үлес
қоса алатын «Шешендер» тобына 1 орын берілді. Бұл сайысты «Нұрай» балабақшасының жас ұжымы өзара шыңдалып, үлкен
сайыстарға қатысуға дайындық деп есептейді. Басқаларды
үйрете жүріп біз өзіміз үйренеміз. Өз тілін сезбеген бала — ана сүтін татпаған
жетіммен тең. Сондықтан осы керегелердің ішінде өз тілімізді жете меңгерту-тәрбиешілердің
аса маңызды істерінің бірі. Анамыздың ақ сүтімен бойымызға дарыған тілімізді
ұмыту – бүкіл ата-бабамызды, тарихымызды ұмыту. Тәуелсіз еліміз бар, Бас иер
Президентіміз бар, мығым Ел боламыз деген Құдайдан үмітіміз бар.
Алакөл ауданы әкімдігінің «Нұрай»
балабақшасы МКҚК-ң Мемлекеттік
тіл Заңының орындалуының ісінін
атқарушысы, психолог
Кыдырбаева Анар Арыстановна
Оставьте свой комментарий
Авторизуйтесь, чтобы задавать вопросы.