Менің педагогикалық ұстанымым

                                     Менің педагогикаық ұстанымым

     Мен, Жуманалина Раушан Толеубаевна «Күншуақ» бөбекжай бақшасында педагог – психолог мамандығымды атқарамын. Бұл мекемеде жұмыс өтілім бес жыл.
«Еңбегіңнің ел кәдесіне жарағанын сезіну – үлкен бақыт...» екені даусыз. Қазіргі уақытта жас жеткіншектерге білім берумен қатар олардың мынау өмірге бейімделіп, осынау өмірден өз жолын таба білуіне көмек беру үшін қазіргі заманға сай мамандықтың қажет екені ақиқат.
Көгілдір экранды жаулаған шетелдік фильмдер, түрлі діни бірлестіктер, ұялы телефондағы музыкалар, құлаққа таққан құлаққаптар осының бәрі жастардың санасын улап жатырғаны жасырын емес. Осылардың бәрі жастардың көңіл – күйіне, психикасына әсер етуде. Міне, осындай жас буын жеткіншектердің жүрегіне үңіліп, олардың сырлас досы, қиналғанда қол ұшын беретін жанашыры болатын мамандықтың иесі болу менің арманым еді. Арманның жетегіне еніп, мен «психолог» деп аталатын мамандықты таптым.
Адам болып жаралған соң тірлікте
Мақсат қойып оған жету ерлік те
Бала күннен армандаған кәсібім
Кім біледі қолым жеткен бақыт па
Салмағы көп әлде ауыр бұл жүк пе?
Иә, қай мамандықтың да өзіндік қызығы мен қиындығы бар. Ал менің таңдауым жеке тұлғаның жас ерекшелігін ескере отырып, олардың жан – жақты қыр – сырын ашу.
Жеткіншектердің өмірге еш қорқынышсыз, зұлымдықсыз қарап, алдарында ғажап бір әлемнің есігі ашылып, ашық та жарқын күндер күтетініне сендірсем деген үміт мені жетелеп осы мамандыққа бейімдеді. Мен балалардың психологиясын зерттей келе өзім де солармен қатар дамып келе жатқандаймын. Қазақстанның болашағы – жас ұрпақ десек, олардың еш алаңсыз жеке тұлға болып қалыптасуы үшін менің де өзіндік қолтаңбам болса деймін.
Ең алдымен адамның ішкі жан дүниесін зерттейтін ғажап мамандығым арқылы жабырқаған көңілге қуаныш сыйлап, олардың жүрек түкпірінде жатқан бүкпесіз сырларын тыңдап, болашағына сеніммен қарауға жетелегім келеді.
Балалардың қуанышын сыр ғып шертіп, мұңдарымен бөлісер пірі болу – менің мамандығыма деген сүйіспеншілікпен қарауымның куәсі.
Мен үшін баланың қызығушылығы, бейім – қабілеті және басқа да психологиялық ерекшеліктері үнемі басты орында. Мен күнделікті жұмысым арқылы балалардың психологиясын зерделей отырып, олардың жат қылықтың жетегіне ермес үшін алдын алу жұмыстарын жүргіземін.
Зерделеу, зерттеу жұмыстарының нәтижесімен оларды түзетіп, кеңестер беріп, мәдени ақпараттармен жүйелі таныстырып, отырамын. Кез келген психологиялық жұмыстар жүргізу барысында мен әр баланың жүрек түпкірінде жатқан сезімдеріне үңілуге тырысамын.

Мен еңбек еткен аз уақыт аралығында өз шәкірттерімнің жүректерінен өзіндік орын алғандаймын деп есептеймін. Әрине бұл мен таңдаған мамандығымның жемісі десе болғандай. Мен өз мамандығымның халыққа қажет екенін сезінгенде, бұл мамандықты текке таңдамағаныма риза боламын.

Краткое описание документа:

Армысыздар құрметті кішкентай бүлдіршіндер, қадірменді ұстаздар, қонақтар!

Жарастықпен жайнатып өмір көркін,

Гүл бақшада сайрандап өскен еркін.

Шат көңілді, бақытты ел ұланымыз

Келешекте ұлы істі меңгеретін.

«Өзін – өзі тану- рухани адамгершілік құндылықтардың негізі»

Тақырыбында «Бақытты болған қандай жақсы» апталығымыз басталуда

Адамгершілік – рухтық тәрбие беру жобасының авторы – біздің еліміздің Бірінші ханымы , « Бөбек» қорының Президенті - Сара Алпысқызы Назарбаеваның құрметіне арналған салтанатты ашылу рәсіміне хош келдіңіздер.

• 1.Құрметті қонақтар, ортаға «Балапан» тобының бүлдіршіндерін шақырамыз! Қарсы алыңыздар.

Кіру рәсімі:

Қазақ қоғамында отбасы – өмірдің тұтқасы, Отбасы - сыйластық , жарастық орнаған орта, кішкентай Отан. « Отан – отбасынан басталады» дегендей

«Балапан» тобының бүлдіршіндерін орындауында «Әже» әнің, қабылалыңыздар!

Ана бақыты мен ана махаббаты – оның болмысы мен өмірінің мәні, қос қанаты.Ана бақыты тек қана оның аналық махаббаты ғана емес, алдымен отбасы мен балалары болып табылады. Балалары ержетіп, өз отбасыларын құрып есейіп кетсе де, ана махаббаты мен қамқорлығын қажетсінеді.

• 2.Орталарыңызға «Балдәурен» тобының бүлдіршіндерді хошеметпен қарсы алайық ! Кіру рәсімі:

Аналардың ақ сүтінен нәр алған,
Аналардың үмітінен жаралған.
Сәби едік, енді қазір ер жеттік,
Жүректерде биік мақсат, бар арман.

Сен туған жер бақша менен бау ма екен,
Ана, өзіңдей бақытты жан бар ма екен?
Ержетсем де еркелегім келіп тұр,
Балалық кез қай жерлерде қалды екен.