"Менің талпыныстарым" өзін-өзі тану пәнінен сабақ жоспары 5 сынып

«Курчатов қаласының №4 жалпы білім беретін орта мектебі» КММ

Өзін-өзі тану пәнінін мұғалімі: Шидербаева Ж.О.

Сынып:   5

Сабақтың тақырыбы:  «Менің  талпыныстарым»

Құндылық: «ақиқат»

Қасиеттер: ізденімпаздық.

Сабақтың мақсаты:

- Оқушыларға адамның мақсатына талпынысының маңыздылығын  ұғындыру арқылы ақиқат құндылығының мәнін ашу.

Сабақтың міндеттері:

1.Білімділік: оқушыларға талпыныс, ұмтылыс ұғымдарының мағынасын түсіндіре отырып, ізденімпаздық қасиеті туралы түсінік беру.

2.Дамытушылық:оқушыларға алға қойған мақсатына жетуге талпынуға үйрету арқылы жігерлілік қасиетіне балу.

3.Тәрбиелік:  оқушыларды мақсаткерлікке  тәрбиелеу.

Дана сөздер

Мұғалім оқушылады сабақтың дәйексөзбен таныстырады «Іздеген- жетер мұратына» деген халық нақылы  бүгінгі сабақтың  дәйексөзі. Мұғалім оқушылардан дәйексөздің мағынасын қалай түсінгендерін сұрайды.

Бірге оқимыз

«Ағаштағы ұлу» аңызы сабақ тақырыбының мақсатын ашуға үлкен мүмкіндік береді. Оқушылар аңызды әңгімелеп айтып береді.Аңыз кейіпкері ұлідың бойындағы талпыныс,ұмтылыстың күші мақсатқа жетуге деген құлшынысты, жігерлілікті үлгі етеді.Ешбір қиыншылыққа,кедергіге қарамастан, тек алға ұмытылу,биікке талпыну, көздеген  мақсатқа қол жеткізу нағыз ерліктің, қайсарлықтың, жігерліліктің, мақсаткерліктің үлгісі болып табылады.

 Әңгімелесейік

Аңызды талдау  барысында мұғалім мазмұндық желісі бойынша сұрақтар  қойып,балалардың жауаптарын тындап алады. Талдау кезінде  оқушылардың адам не үшін алдына мақсат қойюы тиіс, мақсатқа жету үшін қандай қасиеттері ашу керектігін ұғатын болады.

·         Ағашқа өрмелеген ұлудың көздегені не деп ойлайсыңдар?

·        Мақсатқа  қол жеткізу онай ма ? Неліктен?

·        Мақсатшыл адамның бойында қандай қасиеттер болады ?

·        Өзің алдыңа қандай мақсат қойдың?

 Мұғалім  талдау кезінде балалардың ойын ашық айтуға, түсініктерін бекіті түсуге көмектесетін жетекші сұрақтар қойғаны дұрыс.

Жақсылық  жасайық.  Шығармашылық жұмысты оқушыларға ұсынудағы мақсат- балаларды адамгершіліке таңдауды дұрыс жасай білуге үйрету.

1-тапсырма

Берілген сөздерді оқыңдар. Өзіңнің не үшін талпыныс жасайтыныңды, не нәрсеге ұмтылатыныңды таңдап жаз.

·        мейірімді болу үшін,

·        әділ болу үшін,

·        тәтті тамақ жеу үшін,

·        жылтырақ киімдер кию үшін,

·        терең білім алу үшін,

·        адал еңбек ету үшін,

·        өзімді өзім тану үшін,

·        көбірек ойнау үшін

Дәптермен жұмыс.  2 тапсырма бойынша «Менің арманым» тақырыбына эссе жазу.

Жүректен  жүрекке. Оқушыларға шеңберге тұрғызып жүрек жарды тілектерін айтқызу. «Айгөлек» деген өлеңін айту.

Үй тапсырма: «Патшаның даналығы» аңызды оқып, сұрақтарына жауап береді.