Мерекелік кеш «Ұстаз саған мың алғыс» (10-сынып)

Бекітемін:         ТІМ Л.Садыкова

Күні:05.10.2018ж

Тақырыбы: «Ұстаз саған мың алғыс»

Мақсаты: Оқушыларды өздігінен жұмыс  жүргізе  білуге  машықтандыру   және   келешек өмірлерінде әр  нәрсеге  жауапкершілікпен қарауға, өздеріне білім беріп, әріп, жазу үйреткен  ұстаздарына  деген  құрметтерін білдіруге , ұстаз еңбегін бағалай  білуге  тәрбиелеу.

Көрнекілік: Шарлар, тақырыптық плакат, гүл, құттықтау плакаты, ұлағатты сөздер.

1-жүргізуші:

Санасына  шәкірттің,

Білім нәрін сіңірген.

Ұстаз алдын  көргендер,

Заман  көшіне  ергендер.

Абыройын  асқақтат,

Орынын  әркез төрден  бер! - дей келе ортамызға бізді білім нәрімен сусындатып жүрген,ақылда да қамқоршы ұстаздарымызды ортамызға шақырайық!

2 - жүргізуші:

Құрметті ұстаздар! Сіздерді төл мерекелеріңіз Ұстаздар күнімен шын жүректен құттықтаймыз! Сіздердің бала көңілдеріңіз əр оқушының жандүниесін нұрландырып, жүрегіне шапағат нұрын төгуде. Мұғалімнен өнеге-білім алып, өмір теңізіне құлаш ұрған кез келген шəкірт ұстазымен мақтанады. «Мектептің жүрегі», «Бала жанының бағбаны»…

1- жүргізуші:

Иə, бұл мектеп мұғалімі — ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады. Мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз.

Көңілдеріңізді  кірбін шалмасын, жүректеріңіз таза, мөлдір болсын. Арман- тілектеріңіз орындалып,  аспандарыңыз ашық, жұлдыздарыңыз жарық болсын,-деп келесі кезекті

4 «ә» сынып оқушысы Альбинаның орындауындағы«Аяулы мектебім» әніне кезек береміз.

1 – жүргізуші: Көпке үлгі өздеріңіз салған даралық

Бір сіздерден табылады даналық

Ортамызда аман-есен жүріңіздер

Ұрпақтарға тәлім беріп, дара нық.

1 – жүргізуші:

Шәкіртіне «Өмір сырын ұға біл!»

Деген ұстаз – ұстасы ғой мұраның.
Құрметтеген бар адамзат баласы
Қастерлі есім, екінші ана – мұғалім.
Жүрек жарып шын көңілмен жырлаған
Тыңдаңыздар шәкірттердің алғысын, - дей келе «Әлқиса»  күйімен  9- сынып оқушысы Алдоңғар Дінмұхаммедті шақырамыз.

2 - жүргізуші:

Ұстаз деген ұлы сөз ұлағатты,

Ол болмаса, кім береді парасатты.

Асылын беріп шәкірт бойларына,

Ағартқан сол үшін де қара шашты

2 - жүргізуші:Шәкірттерін азамат қып саналы,
                        Ұстаз ана, дана бола алады.
                        Ең бастысы ұстаз мына өмірде
                        Ұлағат боп, ұлылық боп қалады,-деп келесі кезекті 10-сынып оқушыларына береміз.

1-     жүргізуші: Ұстаз! Ұстаздық – ұлы нәрсе. Ұстаздық ету өзіңнің уақытыңды аямау, өзгенің бақытын аялау. Жарық дүниеде бұдан асқан қиын, бұдан асқан қиямет қайым қызмет жоқ. Патшалық құру ұстаздық етуден он есе жеңіл. Ұстаздық міндетті батыр да, бай да, патша да атқара алмас. Ұстаздық ұстаздан басқа ешкімнің қолынан келмейді. Қысқасы патшалық құру – рахат, ал ұстаздық ету – бейнет.

2-жүргізуші: Ұстаз біздің ұлы тұлға ардақты

Ұстаз біздің анамыз ғой аяулы

Құрметтейік, пір тұтайық әрдайым

Осынау бір ұлы есімді мәңгілік

1- жүргізуші: Өнерпаздар жарысып сан-саналы
                        Жиын десе, той десе жан салады.
                       Ұстаздардың мерекесі құрметіне
                       Әуелеген әсем ән де жолданады,- Хор: «Ұстазым»

деп ортамызға 10-сынып оқушыларын көңілді ойын ойнату үшін шақырамыз.
2- жүргізуші: Ұстаздық жол жеңіл емес кімге де,
                        Кім көрінген ілікпейді жүлдеге
                        Мүсіндеуге келешектің келбетін
                        Күн-күн сайын шығады ол мінбеге.

1 – жүргізуші: 

Жақсылар ұмытпайды ұстаздарын,

Ойлайды, олар сонымен ұшталғанын.

Мәңгілікке мақтанып өтеді ұстаз,

Шәкіртінің биікке шыққандарын,-деп ортамызға 10-сынып оқушыларын көңілді ойын ойнату үшін шақырамыз.
2 – жүргізуші: Ұстазы жақсының – ұстамы жақсы деген сөз тегіннен-тегін айтылмаса керек. Ата-анадан кейінгі балаға білім беріп, тәрбие үйрететін ол - ұстаз.

1-жүргізуші: Ұстаз деген – жүрегімнің от боп жанған алауы

Ұстаз деген – өмірімнің мәңгі өшпес жалауы

Ұстаз деген - Тәңіріміз сыйға берген ұлылық

Ұлылықты сақтайықшы, ұлы есім ғып мәңгілік, - дей отыра «» әнін қабыл алыңыздар!

1-жүргізуші: Ұстаз күні – Ұлы күн, Әлем күні,

Әлемді тебірентер – Ұстаз үні

Ұстазсыз шәкірт жоқ жер бетінде

Ұғып ал, бөбектерім, сендер мұны, - дей отыра 5 сынып оқушылары орындауында«Ұстазым менің» әнін тамашалаңыздар!

2 – жүргізуші: Күнде той бола бермес дәл осындай,

Күн сайын өркендейміз, өзгереміз,

Ұл-қыздың бақыты үшін ғұмыр кешкен

Ұстаздарға мың алғыс деп бас иеміз

1-жүргізуші: Көңілдің ақ тілегін қол етеміз,

Тілектермен ұлғайсын мерекеміз

Ұстаздарға жолдаймыз аппақ алғыс

Осымен аяқталды концертіміз.

2 – жүргізуші: Осымен «Ұстаз саған мың алғыс» атты мерекелік кешіміз өз мәресіне жетті. Сіздерді тағы да ұстаздар күнімен шын жүректен құттықтаймыз!Келесі кездескенше сау-саламатта болыңыздар!

Краткое описание документа:

Оқушыларды өздігінен жұмыс жүргізе білуге машықтандыру және келешек өмірлерінде әр нәрсеге жауапкершілікпен қарауға, өздеріне білім беріп, әріп, жазу үйреткен ұстаздарына деген құрметтерін білдіруге , ұстаз еңбегін бағалай білуге тәрбиелеу.

Ұстаз! Ұстаздық – ұлы нәрсе. Ұстаздық ету өзіңнің уақытыңды аямау, өзгенің бақытын аялау. Жарық дүниеде бұдан асқан қиын, бұдан асқан қиямет қайым қызмет жоқ. Патшалық құру ұстаздық етуден он есе жеңіл. Ұстаздық міндетті батыр да, бай да, патша да атқара алмас. Ұстаздық ұстаздан басқа ешкімнің қолынан келмейді. Қысқасы патшалық құру – рахат, ал ұстаздық ету – бейнет.