Мерекелік сценарий "Қош келдің, Жаңа жыл!"

«Қош келдің, Жаңа жыл!» 2015 жылдың бастауыш сыныптарға арналған ертеңгілігі

Дәурен: Барлық жандар бір білікке қосқан үн

Бақытты боп бастады жыл дастанын

Қуанышпен келді той деп жаңа жыл

Құтты болсын жаңа бақыт достарым

     Нұрасыл: Құрметті балалар, ата - аналар, ұстаздар, қонақтар. Жаңа жыл мерекесіне арналған

«Қош келдің, Жаңа жыл» атты кешімізді бастауға рұқсат етіңіздер.

    Дәурен: Құрметті жамағат жүрекке жылылық ұялатар алғашқы Жаңа жылдық құттықтау сөзді ақыл ойы жетілген саналы ұрпақты сезімі сергек, арманшыл дана ұрпақты тәрбиелеп жатқан білім ұясының білікті басшысы  Жолин Берікбай Жамалұлына сөз береміз.

    Нұрасыл: Осындай ғажап тілектен біз енді ертегілер еліне саяхат жасап, жаңа жылымызды әрі қарай мерекелейік.

    1 Сайқымазақ: Армысыздар, Халайық!

    2 Сайқымазақ: Жақсы жайғастыңыздар ма, қымбатты достарым? Бәрі естіліп, көрініп тұр ма? Бәріне орын жетті ма?

    1 Сайқымазақ: Сендермен кездескендерімізге өте қуаныштымыз. Біз бүгін жаңа жылдық мерекені тойлағалы отырмыз.

    2 Сайқымазақ: Бүгінгі мерекемізді көңілді әуенмен шыршаны айналып өтуден бастайық.

 Ән: "Жаңа жыл, жаңа жыл"

    1 Сайқымазақ: Біз мұнда жай отыру үшін емес, ән айтып, би билеуге келдік. Сондықтан көңіл көтерейік.

    2 Сайқымазақ: Мен сендерге шығыстың түнін қандай болатынын көрсетейін бе? Оны көру үшін бір көзіңді жұмасын, ал екінші көзіңмен мына жәшіктегі тесікке қарайсың. Сонымен, ғажайып басталады.....

    ( Ойынға қатысушының үстіне қара плащ жабады, ойыншы тесікке қарайды, бірақ ештеңе көре алмайды.)

    1 Сайқымазақ: Қалай көрдің бе? (ойыншы ештеңе жоқ деп жауап береді.)

    1 Сайқымазақ: (ашуланып)  Бұны қалай түсінуге болады?

Бұл не сұмдық сен ештеңе көрген жоқсынба? Сен қараңғылықты көріп тұрсын. Ғажайып, жұмбақ шығыс түні дегеніміз енді қара сонда көресің. жәшікке қарайды.

(аржағынан биші қыздар шыға келеді.)

2-сынып оқушысы Гүлдананың биі

     Дәурен:  Бұрыннан болған екен Аяз ата

Тосады екен балалар қысқы уақытта

Ақшақарды Қасына ертіп алып

Жер бетін шарлайды екен дамыл таппай

    Нұрасыл: Бәріміз қосылып бар дауысымызбен Аяз ата мен Ақшақарды ортаға шақырайық.

    2 Сайқымазақ: Кәне бәріміз қол шапалақтап қарсы алайық!

(Аяз ата ақшақарымен бірге кіріп келеді.)

     Аяз Ата:

Аяулы ата - аналар, ардақты ұл қыздарға

Бүлдіршін балаларға бір сәлем!

Қандай жарқын жүздерің,

Қандай әсем жырларың

Асулармен алысқан,

Асау желмен жарысқан

Аталарың сендерге

Шаршап келді алыстан

(Балалармен амандасады.)

     Ақшақар: Амансыздар ма, балалар, ұстаздар, ата - аналар. Өздеріңді сағынып келдік, жаңа жылдарыңыз құтты болсын, Өтіп кеткен Жылқы жылымызға аман есен саулық тілеп, келер жылымыз Қой жылына табысты  жыл, береке, бірлік әкелсін деп, тарихи  жыл болсын деймін.

     Ақшақар; Аяз ата қарашы, балалардың киімі қандай әдемі. Шырша да әсем безендірілген екен. Бәрі де сұлуланып кетіпті.

Шырша шамын жағайық, Жаңа жыл тойын ашайық. Барлығымыз «Шырша жан» «Шамдарыңды жарқырат» деп айтайық. (Барлығы айқайлайды, шырша шамдары жағылады.)

Аяз ата: Бәрекелді балалар! Шыршамыз жарқырап, айналаға қуаныш сыйлауда. Шыршаның құрметіне ән айтып, шыршаны айналып өтейік.

"Шырша жыры" әні орындалады.

Би: бастауыш сынып ұлдарының заманауи биі

(билеп жатқанда ескі жыл шығады)

Жылқы жылы: Мен ескі жылмын сіздерге молшылық, бақыт әкелдім. Мына келер жылға айтар тілегім.

Қуанышты ортамыз сазға ұласқан

Тілегім болсын мәңгі ашық аспан

2015 жыл қадам басқан

Гүлденіп көркейе бер Қазақстаным.

Келесі жыл бастауын қойға берем

(Сахнаға қой шығады,)

Қой: Сәлеметсіздер ме, кешіккен жоқпын ба, мен сондай асықтым, сондай жүгірдім, кешігем деп қатты қорықтым, уақытында жеттім бе?

Жылқы жылы:

Мен тағы бір қонақпын

Он екі жылда оралар

Үлкендерге ақ ниет

Сіздерге де ақниет

Сіздерге де мың рахмет.

Барлығы: Қош бол, жылқы, қош бол!

Ақшақар: Қош келдің жаңа жыл.

Аяз Ата: Ал айналайын жаңа жыл, келген қадамыңа нұр бітсін. Мынау менің ұлдарыммен қыздарым, мынау халқым саған аманат. Он екі ай бойы бағып қағу сенің мойныңда. Жақсы жыл бол, жаңа жыл.

     Ән «Келді,міне, жаңа жыл!» 3-4 сынып оқушылары

(шыршаны айнала билейді.)

     Би:бастауыш сынып қыздарын әсем биімен ортаға шақырамыз.

Аяз ата; Бәрекелді жаңа жылым. Төрімізге шық. Бірімізге жаңа бақыт, жаңа қуаныш ала кел.

Қой: Құрметтеріңізге рахмет. Шын көңілмен жаңа жылдарыңызбен құттықтаймын. Байқаймын барлықтарыңыз да мерекеге жақсы дайындалыпсыздар.

Дәурен: Иә, барша балалар жаңа жылды қарсы алуға келіп тұр.

Аязата: Ал енді біз келместен бұрын бүлдіршіндеріміз бізге тағы не әзірледі екен соны көрейік.

     4-сыныптың КТК әзілдері

Нұрасыл: Қане балалар Аязатамызды ортаға алып өзіміздің дайындаған тақпақтарымызды айтайық.

Ақшақар: Қанекей балалар біріміздің артымызға тұрып алып Аязатаға арнаған тақпақ, өлең шумақтарымыз болса айтамыз.

     Ортаға шағын орталық, МАД бүлдіршіндері мен 1-сынып оқушылары шығып, өз өнерлерін көрсетеді.

( аязата ортада отырып балалардың өлең шумақтарын тыңдап сыйлықтарын береді)

      Ән: "Шырша жыры" 2-сынып оқушылары

Аязата: Жаңа жылдарыңызбен достар, шанамызға мінейік, ақшақарым, Алда барар ауыл, жыл қуантсын баршаны.

Ақшақар: Жаңа жылда сіздердің барлығыңызға жақсылық тілеймін.

Барлығы: Қош бол, Аязата, Ақшақар, Аязата ақшақар......

    Ән айтып, би билеу

1 Сайқымазақ: Міне, қымбатты балалар, бірлесіп, достасып өткізген мереке қашанда қуанышты өтеді, достық, бірлік бәріне де жеңеді. Аспанымызды бұлт торламасын. Көктегі күніміз сөнбесін.

2 Сайқымазақ: Барлық жандар бір тілекке қосқан үн

Бақыт боп бастады жыл дастанын

Қуанышпен келді той боп жаңа жыл.

Құтты болсын жаңа бақыт достарым.

Жаңа жылдық ән бұл мерекенің соңы сәтті болады.

Жүргізушілер бірге: Жаңа жылдарыңыз тағы да құтты болсын.