Мерекелік шара " Ананың алақаны" балабақша

Ақтөбе обл.

Мұғалжар  ауданы

Ст. Мұғалжар

«Бөбекжай» бөбекжай - бақшасы

Дабылова Г.С

          «Ананың алақаны»

Тәрбиеші: Сәлеметсіздер ме құрметті қонақтар! Сүйікті аналар, әжелер, ұстаздар бүгін көктемнің алғашқы мерекесі 8 наурыз мерекесімен шын жүректен құттықтаймыз! Ана-бұл өте қасиетті, мейірімді жылы сөз. Ана деген әлемнің жан дүниесі, бастауы мен таусылмайтын жалғасы. Құрметті аналар, келген қадамдарыңызға гүл бітсін, Сіздерге арналған «Ананың алақаны» атты ертеңгілік сайысымызды бастауға рұқсат етіңіздер!

Армысың, мейірімді аналар,

Тілейміз сізге ақ таңның

Қуаныш шаттығын

Қайырлы таң, қайырлы күн.

Қуанышты күн бүгін.

Ардақты, аяулы аналар қымбаттысың,

Сәбиіңді әлдилеумен түн қаттың

Ақ сүтіңмен ауызданып есейдік.

Кең құшағың аясындай гүл бақтың.

Жүргізуші: Енді кезекте Балдашова Айкүннің орындауында «Ақ мамам» әнін қабыл алыңыздар.

Тәрбиеші:

Тілекті ағытып бір тастайық,

Аналардың мерекесін бастайық.

Көздеріңнен көрем шаттық арайын,

Өтсін солай әрбір күнің, әр айың.

Ана десем, алғыс алам халқымнан,

Ана десем, теңіз болам шалқыған.

Ана десем, ашылады қабағым,

Ана десем, әділдікті ұғамын.

Ортаға сайысқа қатысушы аяулы аналарымызды шақырамыз.

1. Дабылова Айгерім Мамайқызы

2. Нагашибаева Алия Китжанкызы

3. Жеткергенова Гүлзат Боранбайқызы

4. Алдиярова Асел Айтмұқанқызы

Жүргізуші:

Қызық болсын әрбір күнің, әр күннен

Еңбектерің жансын ерен қарқынмен

Құшақтарың гүлге толсын әрдайым

Құттықтаймыз 8 – ші наурызыңмен.

Ендеше әділқазылар алқасын таныстырып өтейік.

1.     Ж.Ф.Кенжеғалиқызы

2.     А.А.Үсенқызы

3.     Д.Е.Арыстанбайқызы

Жүргізуші: Ендігі кезекте аналарымызды сайыс шарттарымен таныстырып өтсек.

1.     «Мен ананың ұрпағымын әлдилеген» өзін-өзі таныстыру.

2.     «Білгенге маржан» мақал - мәтелді жалғастыру.

3.     «Пародия» салу.

4.     «Қазақы дастархан» ас мәзірі.

5.     «Қыз сұлу көрінеді бұрымымен» шаш өру.

1 – ші шартымыз таныстыру команда аты, ұраны, эмблема. (Әр команда өз эмблемасымен, топ атымен таныстырады).

(Ендеше әділ-қазылар аналарымыздың таныстыруына бағаларыңызды берсеңіздер).

Жүргізуші:

Жыл басы – Наурыз мереке

Нұрға әсем боянды.

Аналар тойы – береке

Тіршілік жаңа оянды.

Сонымен сайысымыздың 2-ші кезеңі «Білгенге маржан» мақал-мәтелді жалғастыру. Аналар әділ – қазылардың алдарында конвертті таңдаңыздар.

Жүргізуші: Әділ-қазылар аналарымыздың ұпайын анықтағанға дейін,

Мерекені қарсы алып,

Мәз болады барша жұрт.

Гүл ұсынып анаға,

Бердім өзім би салып

Ортаға мың бұралған биші қыздарымызды шақырамыз. «Қолшатыр» биі.

Жүргізуші: Келесі кезекте Балбұлақ ІІ кіші тобының орындауында «Құттықтаймыз мама» әні.

Жүргізуші: Құтты болсын осы шаттық күніміз.

Бақытты да, ұзақ өмір сүріңіз,

Қуанышты жүзіңменен әрдайым

Бұл өмірде күліп қана жүріңіз

3 – ші сайысымыз «Пародия» салу.

(Әділ –қазылар аналарымыздың бағаларын берсеңіздер).

Жүргізуші: Балалар, бүгінгі тақырыбымызға байланысты мен сіздерге жұмбақ жасырғым келіп тұр, шешуін таба аламыз ба?

Жұмбақ:

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған. Бұл кім?

Балалар : Ана, ана.

Жүргізуші:

Әрине бұл біздің аналарымыз.

Құлақтан кіріп бойды алар,

Әсем ән мен тәтті күй.

Көңілге түрлі ой салар

Әнді сүйсең менше сүй!

Келесі кезекті Ертай Еңліктің орындауында ән:«Әжемнің шәйі» .

Жүргізуші:

Құтты болсын осы шаттық күніміз,

Бақытты да, ұзақ өмір сүріңіз.

Қуанышты жүзіңменен әрдайым

Бұл өмірде күліп қана жүріңіз.

Келесі шартымыз «Ас – адамның арқауы» демекші, ас мәзірі.

(Әділ –қазылар бағаларын берсеңіздер).

Жүргізуші:

Сенен өскен балалар,

Батырлар мен даналар.

Құттықтаймыз мейраммен

Құрметті аналар – дей отырып, балаларымыз аналарымызға тақпақтарын айтады.

Айша:

Аналарды сүйеміз

Сөзін ойға түйеміз

Әженіде ардақтап.

Әдеппен бас иеміз.

Естай:

Құшағына кіргенде

Жылынамын бір демде,

Не жетеді көзіңе.

Мейірімді күннен де

Құттықтаймын анашым

Сегізінші наурызбен!

Еңлік:

Мерекені қарсы алып

Мәз болады барша жұрт.

Гүл ұсынып анаға,

Бердім өзім ән салып.

Сабина:

Ақ анашым аппағым,

Өзің жайлы таппағым.

Өзің жайлы әнімде,

Арандым саған бәрінде.

Айкүн:

Әр сөзімді жаттаған

Жүрегімде сақтаған

Анашым деп мақтанам

Айналайын ақ мамам

Нұрбақыт:

Айналайын анашым,

Әлпештеген баласын.

Әсем:

Біз доспыз гүлдермен,

Текке оны жұлмаймыз.

Той күні бір-бірден,

Аналарға сыйлаймыз.

Бақдәулет:

Қуанамыз сыйлаймыз,

Қуаныштың мың гүлін,

Аналарды құттықтап.

Жырдан шашу арнаймыз.

Ясмин:

Жүзімізге қараңыз,

Бал күлкілі баламыз.

Саида:

Наурыздың сегізі,

Сұлулықтың негізі.

Әдемі сөз баланың,

Анаға айтар лебізі.

Айару:

Бәрімізге анамыз,

Біз үшін күн боп жанасын.

Құтты болсын мерекең

Құттықтаймын анашым.

Жүргізуші: Ендігі кезекті аналарға берсек «Қыз сұлу көрінеді бұрымымен» шаш өру үлгісі. Бұл сайыс соңғы бөлімі болатын еді әділ-қазылар өз шешімдерін шығарғанша ойын ұйымдастырсақ. Ортамызға аналарымызды шақырамыз.

Жүргізуші: Ойын: «Шардың көмегімен айналу»

Шарты: екі ана бір - біріңізге арқаңызды беріп тұрасыз. Екеуіңіздің артыңызда шар, шарды түсірмей бір-біріңізге қарап тұру керек. Ойынға қатысқан ата - аналарды марапаттау.

Жүргізуші: Әділ-қазылар алқасы жалпы сайысқа тоқталып өтіп, қорытынды марапаттау кезегіне берейік.

Жүргізуші: Алғашқы құттықтау сөзді «Бөбекжай» балабақшасының меңгерушісі: Фарида Кенжеғалиқызына береміз.

Жүргізуші: Ендігі сөз кезегін ата-аналарға береміз.

Жүргізуші: Құрметті, абзал жанды аналар! Мерекелеріңіз құтты болсын!

Қош демейміз талса да мәреміз,

Тәрбиелеумен бөбектерді әуреміз.

Кездескенше сау болайық бәріміз.

Амандықты нәсіп етсін тәубеміз,

Өнерлі болсам, талаптанып әу деңіз,

Шықпасын еш бойымыздан әуреңіз

Достықта боп, жарасумен жанымыз.

Кездескенше, көріскенше сау деңіз!