"Мерекеңмен анашым" сынып сағаты

Мерекеңмен, Анашым!

Мақсаты:

Ананың өмірдегі қоғамдық орнын, қадір – қасиетін оқушылар санасына ұялата отырып, оқушыларды Ананың еңбегін ақтауға, анаға деген сүйіспеншілікке, ананы құрметтеп, сыйлауға  тәрбиелеу. Оқушалардың шығармашылық қабілеттерін арттыру.

Көрнекілігі: Аналар туралы нақыл сөздер, ұлы аналар, батыр қыздар, ару әйелдер туралы буклеттер және олардың суреттері.

Барысы:

Кіріспе бөлім:

Мұғалім сөзі:

  Ана-өмір қолдаушысы әлемнің

Шаңырақтың шаттығы мен шуағы

Сейілмесін жанарынан ананың

Тіршілікке төккен нұрлы шуағы

Аялайық аналарды әрдайым

Қуанышқа бөлейікші өздерін

Әжелердің,аналардың,қыздардың

Мұң шалмасын күлім қаққан көздерін

Ана- барлық өмірдің бастауы Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам ,Ана-құдіретті жан ,ендеше бүгінгі мерекелеріңіз құтты болсын, Аяулы аналар!!!              

Негізгі бөлім:

І –ж:  Той пердесін ашайық

          Аналарды құрметтеп

          Ән маржанын шашайық

ІІ- ж: Құтты болсын ардақты анам

          Асыл анам мерекең

          Құтты болсын алтын анам 

          Қуанышты  берекең

І –ж:«Анашым» әнін  Сырлыбаева Аяулымның орындауында қабыл алыңыздар .

ІІ- ж: 1910 жылы Данияда Копенгаген қаласында революционер  әйелдердің халықаралық конференциясы өтті.Мінбеге Клара Цеткин шықты Ол ақ шашты қара көзді орта жастағы адам еді.Біз  күреспен қол жеткізген  осы мерекені жыл сайын 8 - наурыз күні атап өтейік .Бұл барша әйел қауымының мерекесі болсын деген ұсыныс айтты. Ұсыныс бір ауыздан қабылданып 8 наурыз халықаралық әйелдер күні болып қабылданды.

ІІ- ж: Өзіңе еліктеп өсермін

          Борышты өтермін қалайда

         Тым нәзік , жұтаңдау жырымды

         Жүректе жылытшы ,жарай ма?

І –ж: Нұрғанатқызы Зеренің өзінің шығарған «Апашым» өлеңін оқиды.

І- ж: Менің анам үйде барлық тірлікті істеп, одан қала берсе жұмысқа да барып үлгереді.

ІІ- ж: Мен мектептен келсем тамағым да дайын ,от та жағулы,

Үй де жинаулы мұның бәрін қалай үлгереді екен?!

І –ж: Біздің аналарымыз бәрін өз қамқорлығына алады , олар барлық шаруаны бітіреді,сонымен қатар  олар біздің әр ойымызды айтқызбай табады, біздің бар  сырымыз оларға әрқашан да белгілі

ІІ- ж: Олай болса Аяулы аналарымызды бір сынап көрелік

 Аялы алақан ойыны

Аналардың көзін байлап, оқушылардың ішінен өз балаларын тапқызу

  І –ж:  Азамат қуат алар ақ сүтіңнен

           Мәпелеп әлдилеген пейілі кең

           Аналық махаббатың кәусәр-бұлақ

           Сөнбейтін ақ жүрегің мәңгі шырақ

 ІІ- ж: Алтын анам жасымнан аялаған

           Мен үшін игілікті аямаған

           Сабақтан шаршап үйге келгенімде

          Бал  сөзі жаным деген сая маған

І – ж: Қыздар тобының орындауындағы «Аққу» биін қабыл алыңыздар!

Медине:  Дүниенің жарық күні анамыз

                Дана болсақ анаменен данамыз

                Тыңдаңыздар көңіл қойып ағайын

                Анаға арнап тағы бір ән саламыз

ІІ- ж: Әнде шырқап би де билеп жатырмыз

          Асыл ана бәрі осының сіздің ғана арқаңыз!

 І – ж: Менің анам алтын!

 ІІ –ж:Менің де анам  алтын!

 І- ж: Аналарды құрметтеп!

 ІІ- ж:Қол соғыңдар жалпың!!!

Хор: «Менің анам алтын»

І- ж: Аналарымыз бізді байлаулы көзбен де көреді екен

ІІ –ж: Олар осындай байлаулы көзбен басқа нәрсені де бізді көргендей жақсы көрер ме екен ?

І ж Сынап көрелік

Қоянның құйрығын орнына қой

Суреттегі қоянның құйрығын көзін байлап орнына орналастыру.

ІІ –ж: Ерте заманның бірінде қазақ даласына шабуыл жасаған дұшпанның қалың қолы бір қаланы қоршап алады.Қалаға келетін ауыз суды тоқтатып қорғаннан өте алмаған жау халықтың берілуін күтіпті. Бірнеше күн өтсе де қала берілмепті

Сонда дұшпанның әскер басы мынадай бұйрық шығарыпты

- Қаладан көтергенше жүк алып әйелдердің кетуіне рұқсат етемін дейді

Әйелдер бір –бір қапшық арқалап қаладан шығып кетеді

Дұшпан қалға кіріп қараса бір де бір еркек жоқ

 Әйелдер ер азаматтарын қапқа салып көтеріп кетіпті.

Кішкене қыздар ұл балаларды,кемпірлер шалдарды көтеріп қаладан шығып кетіпті .

І-ж: Осылай бір халықты әйелдер аман алып қалған екен. Кішкене қыздар ұл балаларды көтеріп шығарыпты . Сен осылай жасай алар ма едің ?

ІІ -ж:Білмеймін , Мен тек біреуін ғана алып шығар ма едім?

І- ж: Ол бақытты жан кім екен ?

ІІ- ж: Айтпаймын.

Қорытынды бөлім:

Айжан:

Аналардың ғұиыр жасын ұзақ қыл,

Қауіп кетер қасіретке тұзақ құр.

Баласы үшін жыламасын бір ана,

Онсыз да ол сан азапқа шыдап тұр.

Нұржігіт:

Ана,  бала көздің ақ пен қарасы,

Бір-бірінсіз таусылмайтын шарасы.

Әр ананы арманына жеткізер,

Әр баланың ақылы, әрі санасы.

Мұғалім:

Ұлтымыздың бүкіл ұлағат өрісі аналар сіздердің мейірім шуақтарыңыз жарқырап, шұғылалы сезім сәулелеріңіз бен нұрландырып, даналықтың бастауы бола беріңіздер деген тілекпен тәрбие сағатымызды аяқтаймыз!

Балалар сыйлық ашық хаттарын аналарына таратады.

Cынып жетекшісі:

Түгелбаева Фариза