Мероприятие « Гүл көктем аруы» сайысы.

Тақырыбы : « Гүл  көктем  аруы» сайысы.

Мақсаты : 1. Ана мен бала арасындағы қарым – қатынасты нығайту;

                  2. Оқушылардың бойындағы өнері  мен дарындылығын дамыту;

                  3.  Адамгершілік қасиеттерге баулу.

Көрнекілігі : презентациялар, интербелсенді тақта, үнтаспа.

Байқау барысы :

1-      жүргізуші. (Бекнұр) Құрметті асыл аналар, қыз – қызғалдақтар, қадірлі ұстаздар!    Қар астынан қылтиып, бәйшешек бой көтергенде, көктемнің алғашқы хабаршысы болып, аналар мерекесі келеді.Бәйшешек соншалықты нәзіктігіне қарамастан, қалың қар астынан бүршік жарады. Біздің асыл аналарымыз да бәйшешектей, барлық қиындыққа төзімді. Аналар, көктемгі гүлдей жарқырап, гүл мерекелеріңіз, күн мерекелеріңіз құтты болсын!

2-      жүргізуші.(Әділхан) Ал, құрметті қауым, көптен бері асыға күтіп жүрген

 «Гүл көктем аруы» байқауын бастаймыз. Байқауымызды бастамас бұрын, біздің байқауымызға төрелік етуші әділқазылар алқасын тағайындап алайық.

         Бекнұр:        Уа, халайық, халайық,

                         Мұнда назар салайық,

                         Мерекесі халықтың,

                         Наурыз тойын бастайық.

                         Наурыз тойға арналған

                         Сайысты біз бастайық.

    Әділхан::  Мың бұралған арулар аңдап басып,

                          Келеді міне ортаға толқып тасып

                          Аруларын сыйлаған халқым менің.

                          Көңілді қошеметпан қарсы алайық!

                          Ортаға аруларды шақырамыз.

(«Қыз сыны»  әуенімен)

Бекнұр: Арулар, сайысқа түсуге дайынсыңдар ма?

Әділхан : 

Кішкене арулар келіп жетті танысуға,

Бойындағы бар дарынды дарытуға,

Қорықпастан сахнаға келіп жетті,

Әдеппен, ізетпен танысуға

      Бекнұр :«Мен қазақтың қызымын» таныстыру

 (қатысушылар өздерін осы сөзбен, өлеңмен, әнмен таныстырады.

1-      кезең : «Мен қазақтың қызымын» таныстыру.

Бекнұр. «Қызды тәрбиелеген – ұлтты тәрбиелейді» Қыздар гүлдің біреуін алып, даналық сөздердің мағынасын ашады.

2-кезең «Қызды тәрбиелеген – ұлтты тәрбиелейді» даналық сөздердің мағынасын ашу

Әділхан. Құрметті арулар, өздеріңізді таныстырдыңыздар, білімдеріңізді көрсеттіңіздер. Енді қыздардың би өнерін тамашалаңыздар.

3-кезең.Вальс биленеді. (Музыка)

Бекнұр.Енді аруларға тән не қалды? Әрине ,өнер. «Өнерлі өнге жүзер» демекші –

4-кезең  «Өнер» сайысы.

Диана .  « Ақ мамам» 

Сөзі : Ә. Дүйсенбиевтікі

Еркежан . «Красная шапочка» әні

Нұрдана  «Үнді биі»

Бекнұр. «Қыз еркем – кестесімен көркем» 

(Әр қыз өзінің қолынан келетін бір ісмерлік өнерін анасымен көрсетеді)

5- кезең.«Қыз еркем – кестесімен көркем» 

Әділхан.Осымен арулар өздерінің бойларындағы қасиеттерін көрсетті. Енді кезекте арулар сән үлгілерін көрсеткелі тұр.

6- кезең. «Сұлулық сыры» (Музыка)

 (Музыка ырғағымен сәндік киім және шаш үлгісін көрсету)

Бекнұр: Ендігі сөзді әділқазылар алқасына берейік.(Марапаттау)

Әділхан:         Бойларында от бар екен байқадым,

                       Жүректерде шоқ бар екен байқадым

                       Әрқашанда осы шоқты өшірмей,

                       Жалындатып, шарықтандар әрдайым!

Хор : « Әрқашан күн сөнбесін!»

Мұғалім : Құрметті асыл аналар, қадірлі ұстаздар!

Алла  тағала жалпы әйел затын сұлулықтың рәмізі, өмірдің гүлі, тіршіліктің сәні етіп жаратқан. Жаратушы Алла әйел – ананың дәрежесін қол жетпес биікке көтергені сонша – жаннат, Алла разылығын алған әрбір ананың аяғының астында деген.

Ана – жүрек, жүректі құдіретте

Ана – тірек, тіректі құдіретте

Ана – шыңын, шыңына сағынып жет

Ана – күнің, күніңе табынып өт! – деп  бүгінгі іс – шарамызды аяқтаймыз. Назарларыңызға рахмет!

№ 267 орта мектеп

Сыныбы : 1 «а»

Сынып жетекшісі : Г.Асқарова

Қызылорда қаласы

2014 – 2015 оқу жылы