Ересек тобындағы
ұйымдастырылған оқу қызметінің конспектісі
«Таным» білім беру
саласының ұйымдастырылған оқу қызметі: «Коршаған ортамен таныстыру»
Тақырыбы: «Ғарышқа
саяхат»
Мақсаты: Ғарыш,
ғарышкер туралы түсініктерін жетілдіру; ғарыш әлемі және құпия сырларына деген
қызығушылықтарын арттыру; сөздік қорларын молайту; еске сақтау, ой - өрістерін,
зейіндерін дамыту. Балаларды батылдыққа, адамгершілікке, ұжыммен бірлесіп
әрекет жасауға тәрбиелеу.
Педагогикалық технологиялар: АКТ
,бейнеролик.
Ресурстармен қамтамасыз ету: суреттер,
таяқшалар,ойын.
Көптілділік:
ғарыш-космос-space
Ұйымдастырылған оқу қызметінің
барысы:
1.Ұйымдастырушылық кезеңі:
Жұмбақ
Ұшқыш емес,
бірақ ол
Аспанда қалықтап ұшады
Оны кім деп ойлайсындар? /Ғарышкер/
2.Негізгі бөлім
Ғарышкер
дегеніміз олар ғарышқа, аспан әлеміне ұшатын адамдар. Аспан әлемінде де,
көптеген ғалам бар. Ал біздер жер ғаламында өмір сүреміз.
- Балалар, сендер қандай әуе көліктерін білесіңдер?
- Иә, ғарышкер ағаларымыз ғарышқа зымыранмен
ұшады екен. Оны ғарыш кемесі деп атаймыз. Олар ғарышқа ұшып барып, аспан әлемін
зерттейді. Біз бүгін ғарышкер ағалармен, аспан әлемімен танысамыз. Бәріміз
тақтаға мұқият қарайық. Мына суреттегі алғаш ғарышқа ұшқан адам, ол Ю. Гагарин
деген кісі. Мынау ғарышқа ұшуға дайындалып жатқан кезі. Ғарышқа қазақ
ғарышкерлері де ұшқан. Мына суретте өзіміздің қазақ ғарышкерлері - Т. Әубәкіров
және Т. Мұсабаев деген ағаларымыз. Бұл кісілер еліміздің мақтаныштары. Олар ержүрек,
батыр, халық қаһармандары. Осы кісілер сияқты білімді, тәртіпті үлкен азамат
болуымыз керек. Ал мынау ұшуға дайындалып жатқан ғарыш кемесі. Онымен адамдар
аспанға ұшып, аспан кеңістігін зерттейді. Мынау Байқоңыр ғарыш айлағы.
Ғарышкерлердің бәрі осы жерден ғарышқа ұшады екен. Байқоңыр ғарыш айлағы ол
біздің Қазақстанда, оның ішінде Қызылорда облысында орналасқан. Мына суретте
ғарыштағы адам, ол үстіне арнайы скафандр киген. Ғарышта ауа жоқ, сондықтан ол
жақта тек осындай арнайы киіммен ғана жүруге болады Ал мынау аспан әлемі.
Аспан әлемінде көптеген жұлдыздар бар.
- Аспанда тағы нелер болады, балалар? Күн,ай,бұлттар болады.
Олай болса
біз ғарыш кеңістігіне саяхатқа барамыз. Біз сендермен барамыз ғарыш
кеңістігіне Лунтикқа қонаққа.Ол қай ғаламда тұратын біз білмейміз.
Олай болса біз ғарыш кеңістігіне ғарыш
кемемен ұшып барамыз. Қане ұшуға дайындаламыз 5,4,3,2,1 ал, ұшып барамыз.
Менің поштамда тапсырмалар жазылған
конверттер жатыр. Сол тапсырмаларды орындасақ біз, Лунтикқа жетеміз.
1 тапсырма
Жұмбақ
Алып кiлем –
Гүлге толы
Үстi кiлең. (Жер)
Ол Жер ғаламы. Жер – күн
жүйесіндегі тіршілігі бар бірден-бір, бірегей планеталардың бірі. Ал біздер
сол Жер ғаламында өмір сүреміз.
Жер ғаламында Лунтик жоқ екен, әрі қарай
аттанамыз.
2 тапсырма жұлдызға ұқсайтын
конверт
Жұмбақ
1. Үлкен
алтын табақтан,
Әлемге нұр таратқан. (Күн)
Балалар, сендердің ойларынша Күн жұлдызға әлде ғаламға жатады ма?
Иә, ол- үлкен және жарық жұлдыз.
Күн, жұлдыз,
ғаламдар және Жер қайда орналасқан? (ғарышта)
Ал ғарышқа қімдер
ұшады (ғарышкер)
Ен алғашқы
ғарышкер кім? (Ю. Гагарин)
Ғарышқа немен
ұшады?(Зымыран)
Ғарышта нені
көруге болады? (жұлдыздарды,күн, ғаламдарды,кометаны)
Бұл тапсырманы
орындадыңдар.Осында да Лунтик жоқ екен, әрі қарай аттанамыз.
3.тапсырма
Есептеу
таяқшаларымен зымыранды құрастыру.
Біз сендермен
Меркурий ғаламында болып шықтық. мұнда да Лунтик жоқ екен.
4
тапсырма
Балалар, біз Жер
ғаламында тұрамыз,ал Жер ғаламының серігі бар ,ол Жер ғаламын айналып жұреді.
Жұмбақ
Көлде жүрген ақ
үйрек,
Түнде бар да,
күндіз жоқ. ай
Айды
біз Жер серігі деп атаймыз (Жер, айды өзіне қарай тартады, ай алыстап кете
алмайды,сондықтан әрқашан жердің қасында болады)
Балалар
жаттығу жасайық.Оның атты «Жер серігі»
Шарты: Бір бала ай
болады, екінші бала жер болады: Ай жерді айналып жұреді, ал жер бір жерде
тұрып айналады) .
Жарайсындар. Ал
енді Айға қонуға дайындалыңдар.
Лунтик қайда екен?
Кәне шақырайықшы.
Сәлеметсіз бе,
Лунтик! Біз өте қуаныштымыз.
Лунтиқта бір бәле
болып қалыпты. Мынау ғарыш алаңында 5 зымыран тұр. соның ішінен бірдей 2
зымыранды табу керек.
Балалар, бізге
Жерге оралатын уақыт келді..
Сау бол, Лунтик!
Кездескенше! Бізге Жер ғаламына қонаққа ұшып кел!
Енді зымыранымызға жайғасып,балабақшамызға
оралайық.
Кане бәріміз бірге 5-1-ге дейін кері санайық.
Міне балалар балабақшамызға да келдік,сендердің
білімдеріңнің арқасында ғарышқа сапарымыз сәтті
аяқталды.
Қорытынды
Балалар, сендерге
саяхат ұнады ма?
Сендер қандай
ғаламдарды таныстыңдар?
Ең алғашқы ғарышқа
ұшқан қандай жануар?
Ең алғашқы ғарышқа
ұшқан кім?
Болашақта сендер
де ғарышкер болып біздің Отанымызды атың шығарасыңдар деп сенемін.
Оставьте свой комментарий
Авторизуйтесь, чтобы задавать вопросы.