Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015

Автоматическая выдача свидетельства о публикации в официальном СМИ сразу после добавления материала на сайт - Бесплатно

Добавить свой материал

За каждый опубликованный материал Вы получите бесплатное свидетельство о публикации от проекта «Инфоурок»

(Свидетельство о регистрации СМИ: Эл №ФС77-60625 от 20.01.2015)

Инфоурок / Другое / Конспекты / Методическая разработка "Воспитываем ценителей коми культуры"
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 26 апреля.

Подать заявку на курс
  • Другое

Методическая разработка "Воспитываем ценителей коми культуры"

библиотека
материалов

Старцева Эльвира Александровна,

учитель коми языка и литературы, руководитель этноклуба «Шондібан» («Лик солнца») МОУ «Средняя общеобразовательная школа» с. Большелуг Корткеросского района


Воспитываем ценителей коми культуры

(Быдтам коми культура донъялысьöс)


Видза оланныд. Менö шуöны Эльвира Александровнаöн. Ыджыдвидзса шöр школаын 19 во уджала коми кыв да литература велöдысьöн, сэтчöдз 8 во уджалі сиктса библиотекаын. Сідзкö, позьö шуны, мый 27 во нин ышöда сиктса челядьöс радейтны коми кыв, коми кывъя книга. Ачым ичöтсянь радейта лыддьысьны коми кыв вылын и кöсъя, медым унджыкöн тöдісны да лыддьысисны миян мелі, муса, мича коми кыв вылын.

Öнія олöмысь кокни казявны, кыдзи вочасöн дугдöны лыддьыны коми небöг. Дерт, колö шуны, мый тайö медводз локтö бать-мамсянь, но и миянлы, челядькöд уджалысьяслы, колö ёнджыка зільны, медым ичöт войтырöс, коді сöмын на заводитö мортъяммыны, ас ногöн гöгöрвоны сійöс кытшалысь олöмсö, матыстны-шымыртны мыла коми кыв дорас, коми кывъя йöз дорас, коми кывъя петасъяс дорас. Чайта, та могысь и миянлы, велöдысьяслы да небöгкудйын уджалысьяслы, быдмысь войтырсö колö сöвмöдны медшöр нырвизьöд – унджык да бурджыка лыддьысьны. Челядьöс колö велöдны-туйдны сы вылö, медым найö асшöр лыддьысигöн кужисны восьтыны да гöгöрвоны, кыдзи гижöдын артмö серпаслуныс, кыдзи сэні йитчöма быд поснитор, кыдзи гижöдса геройяс йитчöмаöсь мöда-мöдныскöд, пыдісянь кывны образа гижанногсö, видлавны авторлысь киподтуйсö. А сідзкö, гижöдъяс отсöгöн озырмöдны ловнысö да восьлавны олöмöд восьса сьöлöмöн!

Колö тöдчöдны, мый öнія кадö челядь зэв тöлкаöсь, писькöс вежöраöсь, сідзкö, бытьöн колö велöдны найöс сідз, медым посниулов зілисны асьныс воöдчыны вочакывйöдз, асьныс корсисны гöгöрвоöдан туйсö, а велöдысь мед сöмын ышöдіс, чуйдіс да отсаліс.

Ми челядькöд коми кыв да литература урок вылын тшöкыда быд боксянь видлалам-донъялам коми кывъя гижöдъяс. Татшöм удж, дерт жö, нуöдчö и небöгкудйын – гижöдсö лыддьöм бöрын тыр-бур анализ. Видлöг вылö вайöда Сöлö баблысь «Петук да кöк вок» мойдкыв вылын удж.

Мог: Соломония Пылаевалöн «Петук да кöк вок» мойдкыв вылын петкöдлыны гижöд лыддянногсö, гöгöрвоöдны сьöкыдджык теория материал, тöдтöм кывъяс, восьтыны гижöдын пыдіа дзебöмторсö.

1 удж: Мойдсö рольяс серти лыддьöм.

Медводз колö корны рольяс серти лыддьысьны окотитысьясöс. Тайö модкывйын колöны автор, Петук, Кöк вок да Руч. Медым лыддьöдны кыдз позьö унджык челядьöс, позьö юкны мойдкывсö некымын юкöн вылö. Челядьлы бытьöн колö гöгöрвоöдны колана ног лыддьöм, кор лыддьысьысьяс петкöдлöны гöлöсöн, кыдзи сёрнитöны Петук, Кöк вок да Руч.

2 удж. Юалöмъяс отсöгöн гижöд тыр-бура видлалöм.

Велöдысь сетö челядьлы юалöмъяс, а челядь, текст отсöгöн, корсьöны вочакывъяс. Колö кö, велöдысь гöгöрвоöдö-стöчмöдö вочакывсö.

Кутшöм кывъяс бöрын пыр жö лои гöгöрвоана, мый тайö гижöдыс мойдкыв?

Вочакыв: Олісны-вылісны.

Велöдысьлöн гöгöрвоöдöм: Мойдкыв векджык пансьö «олісны-вылісны» кывъясöн. Вывны – сійö абу сöмын вöвны (мыйсянь тайö кывйыс и артмöма), но и быдлунъя олöмсьыс вылöджык кыпöдчыны. Мойд велöдö, но оз восьсöн. Быд мортлы сійö воссьö сы выйöдз, мыйöдз мортыс быдмöма нин лов-вежöрнас.

Миян мöд кад, мöд олöм, мöд сьыланкывъяс. Ми ог гöгöрвоöй мойдлысь велöдöмсö, ми вунöдім сылысь вынсö да мичсö. А мойдъяс колöны. И челядьлы, и гырысьлы. Волшебнöйяс, пемöсъяс йылысь, бытöвöйяс – быдсямаыс. Пемöсъяс йылысь мойдъясын пемöсъяс сёрнитöны да олöны йöз моз. Лыддьöм мойдын тайöс ми тшöтш жö казялам.

Волöн кутшöм кад серпасалöма тайö мойдын? Вочакывсö аддзöй текстысь.

Вочакыв: Гожöм.

1 видлöг: Тайö тыдалö Кöк вок кывъясысь: «Муна вöрö тöв кежлö пес дасьтыны. А тэ, Петукöй, гортын ов. Öшинь, öдзöс каличав. Некытчö эн пет».

2 видлöг: «Петук… öшинь восьтіс. Руч сійöс тшапкис-босьтіс. Киняулас шамыртіс».

Велöдысьлöн гöгöрвоöдöм: Кыдз ми тöдам, важöн öшинь пазъяс тöв кежлö сюявлісны-тöблісны ветьöкöн либö ватаöн, медым кöдзыд тöлыс эз ветлы сэті, сэсся лякавлісны кабалаöн, мич вылö да бара жö шоныд кутöм могысь. Сідзкö, тöлын öшинь эз восьтлыны. (Орччöдöм вылö серпасъяс: важ кадся керка öшиньяс да öнія пластик öшиньяс).

Мойдын тöдчöдöма, мый Кöк вок ыджыдджык Петукысь, позьö шуны, верстьö нин, öд сійö уджалö да тöждысьö Петук вöсна: «Муна вöрö тöв кежлö пес дасьтыны. А тэ, Петукöй, гортын ов. Öшинь, öдзöс каличав. Некытчö эн пет». А Петук кага вежöра на. Кысь тайöс казялам? Видлöгъяссö босьтам мойдысь.

Вочакыв: Петук кага моз норасьö:

Кöкöй-вокöй! Кöкöй-вокöй!

Руч менö кватитіс,

Киняулас шамыртіс,

Пыжöн кывтö-катö,

Зарни бордйöс нетшкö,

Гöрд сорсъясöс курччалö!

Петук Руч кывйö ылалö:

Петук, Петук,

Зарни партук,

Гöрд сорса-тошка,

Ыргöн-эзысь бордъя,

Тані чипанъяс ворсöны,

Пирöг-шаньга пудъялöны.

Öти чипанлы лои,

Петуклы оз сет.

Ко-ко-коді оз сет?! – горöдіс Петук. Öшинь восьтіс. Руч сійöс тшапкис-босьтіс…

Петуклöн тöждысьтöмлун:

Лэбис Кöк вок, а Петук горт овны кольччис. Öшинь дорас пукалö. «Кикуруллю» сьылö.

Петук кага моз бöрдö:

Петук бара бöрдö:

Кöкöй-вокöй! Кöкöй-вокöй!

Руч менö кватитіс,

Киняулас шамыртіс!

Пыжöн кывтö-катö,

Дзикöдз вои матö!

Петук кага кодь кокньыд, мойдкывса геройяс вермöны кокньыда сійöс новлöдлыны-мачавны:

-Руч Петукöс юрöдыс тшапнитіс, öшиньысь кыскис, киняулас шамыртіс…

-Кöк вок кыліс, лэбис, Ручöс вöтöдіс… Петукöс мырддис. Гортас моздорас нуис…

Кöк вок мам моз тöждысьö Петук вöсна:

-Петукöс мырддис. Гортас моздорас нуис. Вольпасьö водтöдіс…

-Петукöс мырддис. Гортас вайис, тшайöн юктöдіс, вольпасьö водтöдіс…

Нёльöд юалöм водзвылын öтвылысь лыддьöдам мойдлысь бöръя юкöн: «Кöкыд кыліс. Ручöс лэбис-вöтöдіс. Петукöс мырддис. Гортас вайис, тшайöн юктöдіс, вольпасьö водтöдіс. Петук бöрдö».

Кыдзи ті чайтанныд, мыйла мойд помын Петук бöрдö? Думыштчöй гортын да гижöй кабала вылö ассьыныд мöвпъястö.

3 удж. Кыв боксянь удж.

Челядьлöн öтвылысь видлалöм-корсьöм, кыдзи автор кывъяс отсöгон серпасалö да донъялö Петукöс, Ручöс да Кöк вокöс: дзебöм шмонь, серпасалан да донъялан кывъяс.

1) Олісны-вылісны, кывтö-катö, горзö-бöрдö, каличась-игнась, лэбис-вöтöдіс – визь пыр гижсьысь кадакывъяс серти пыр жö позьö тöдмавны текстлысь стильсö.

2) Петукöй, Кöкöй-вокöй öй суффикса эмакывъясöн Соломония Пылаева петкöдлöма Петуклысь да Кöк воклысь öта-мöдыскöд топыд йитöдсö.

3) Öшиньтö восьтышт,

Пирöг-шаньга босьтышт

Петук öшинь восьтыштіс – форма артмöдысь -ышт- суффикс отсöгöн мойдчысь петкöдлöма ичöт кадöн мунысь действие, дженьыд кадö мунанаöн.

4) Тшапнитіс… киняулас шамыртіс, пельяссö чепляліс, Петукöс мырддис

Зарни бордйöс нетшкö,

Гöрд сорсъясöс курччалö!

Пирöг-шаньга пудъялöныизобразительнöй кадакывъяс отсöгöн гижысь мичмöдöма, ловзьöдöма петкöдланторсö. Татшöм кывъяс отсöгöн висьталанторйыс лоö серпасаöн, гижöдыс лоö кыланаöн, мöрччанаöн.

5) Зарни партук

Гöрд сорса-тошка,

Ыргöн-эзысь бордъя

Зарни бордйöс нетшкö,

Гöрд сорсъясöс курччалö! – Петукöс серпаса кывбердъясöн (мичкывъясöн) донъялігöн Соломония Пылаева сетö гижöдыслы содтöд рöм да вын, быттьö таöн кöсйö шуны, мый татшöм мичсö некыдз оз позь вöрзьöдны да дойдны. Сы вöсна, гашкö, Кöк вок пыр жö кылö дзоля вокыслысь бöрдöмсö да повтöг уськöдчö Ручлы паныд.

4 удж. Кывкöртöд вöчöм.

Кывкöртöд: Ми аддзам, мый мойдчысь кужöмöн вöдитчö коми кывлöн озырлунöн, та вöсна и вöчö ассьыс гижöдсö тыр-бурöн, озыр кывъяöн, стöчöн, вынаöн да мичаöн.

Челядькöд колö быдлунъя удж: велöдысьяслöн, культура юкöнын уджалысьяслöн, гижысьяслöн. Тöда, кутам кö уджавны челядькöд, кутшöмкö да водзöс лоö!

Вöдитчан литература:

1. Грабежова В.М., Каракчиева Н.И., Хозяинова Г.В. Коми кыв : Морфология да орфография : 6-öд класслы велöдчан небöг / В.М. Грабежова öтув редакция улын. – Сыктывкар : Анбур, 2012. – 264 л. б.

2. Грабежова В.М., Каракчиева Н.И., Хозяинова Г.В. Коми кыв : Морфология да орфография : 7-öд классын велöдчан небог / В.М. Грабежова öтув редакция улын. – Сыктывкар : Анбур, 2013. – 224 л. б.

3. Остапова Е.В., Торлопова Е.А., Уляшев О.И. Коми литература : 5-öд класслы велöдчан да лыддьысян небöг. – Сыктывкар : Анбур, 2007. – 272 л. б.

4. Пылаева С.В. Нерсьысь баля. – Сыктывкар : Коми кн. изд-во, 1994. – 56 л. б.




Автор
Дата добавления 30.01.2016
Раздел Другое
Подраздел Конспекты
Просмотров91
Номер материала ДВ-396074
Получить свидетельство о публикации

"Инфоурок" приглашает всех педагогов и детей к участию в самой массовой интернет-олимпиаде «Весна 2017» с рекордно низкой оплатой за одного ученика - всего 45 рублей

В олимпиадах "Инфоурок" лучшие условия для учителей и учеников:

1. невероятно низкий размер орг.взноса — всего 58 рублей, из которых 13 рублей остаётся учителю на компенсацию расходов;
2. подходящие по сложности для большинства учеников задания;
3. призовой фонд 1.000.000 рублей для самых активных учителей;
4. официальные наградные документы для учителей бесплатно(от организатора - ООО "Инфоурок" - имеющего образовательную лицензию и свидетельство СМИ) - при участии от 10 учеников
5. бесплатный доступ ко всем видеоурокам проекта "Инфоурок";
6. легко подать заявку, не нужно отправлять ответы в бумажном виде;
7. родителям всех учеников - благодарственные письма от «Инфоурок».
и многое другое...

Подайте заявку сейчас - https://infourok.ru/konkurs


Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ


Идёт приём заявок на международный конкурс по математике "Весенний марафон" для учеников 1-11 классов и дошкольников

Уникальность конкурса в преимуществах для учителей и учеников:

1. Задания подходят для учеников с любым уровнем знаний;
2. Бесплатные наградные документы для учителей;
3. Невероятно низкий орг.взнос - всего 38 рублей;
4. Публикация рейтинга классов по итогам конкурса;
и многое другое...

Подайте заявку сейчас - https://urokimatematiki.ru

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх