Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Другие методич. материалы / Методически материал "Женіске 70 жыл"

Методически материал "Женіске 70 жыл"

  • Классному руководителю

Поделитесь материалом с коллегами:

Жеңістің 70 жылдық мерекесіне арналған сыныптан тыс іс-шараның сценариі

Өтілетін орны: АКТ залы

Көрнекіліктер: Интербелсенді тақта, мәңгілік алау.

Көрініс:

Сахна сыртында Алтынбек Қоразбаевтың «Қара кемпір» термесі орындалып тұрады, Апасы мен нересі саханаға келеді:

Апа: Сұм соғыс...  Әр күні бір ғасырға татып кеткен бес жыл... Атылған оқ... Бұйрық.... Фашисттер... Отан үшін жанын пида еткен қатардағы жауынгерлер... Төгілген қан мен тер... Бұның барлығы соғыстың ащы сипаты! бұл дүниеден хабарсыз бейкүнә сәбилердің әкелері мен ағаларының, жүрегі балам деп дүрсілдеген аналар ұлдарының, өмір бақи бірге болуды уәде еткен қаншама жас шаңырақтың отағасының, өмірге алғаш қадам басқан жас жігіттердің өмірін қиған соғыс. Аналар мен жас келіншектердің, әкесін жоғалтып сұм тағдырдың тұзағына түскен жас балалардың көл боп жиналған көз жасы... Ғашықтардың  сезімін аяқ асты етіп, адал  махабатты  жеңген - өлім... Соғыс! Сен қатыгезсің – ау! 

Сұрапыл соғыстың салмағы майдан даласын кешкен, оққа ұшқан жауынгерге ғана емес, ақ сүт беріп өсірген бауыр еті баласын амалсыздан аттандырған анаға, жан-тәнімен сүйіп қосылған, жар қызығын бөліскен азаматынан айрылған келіншекке, бір құрсақтан шыққан інісінен, ағасынан қол үзген бауырға түсті. Олардың бар қолынан келетіні – күту, сағыну, Тәңірден амандығын тілеу. Сондай үкіліген үміттерін қаралы қағазбен бір сәтте сөндірген соғыс сені лағынет атсын. Енді соғыс болмасын Қара қайғы жер бетінен жойылсын

Өлмес рухымның қуаты , үмітімнің сәулесі өзіңсің, балам. Өмірдің сөнбес шырағын өзіңе аманат етіп тапсырдым.

(Немересі мәңгілік алау алаңына барып шырақ қояды. Апасы мен немересі сахнадан шығып кетеді).

--------------------------------------------------------------------------------------------------------------

Франковский: өлең шумақтары



Қан майданның жүректе наласы бар

Қайғысы мен зілі бар наласы бар

Арамызда жүретін алшаң басып

Ардагерлер азайып барасыңдар (алтынбек)



Қастерлейді халқымыз қаһарманын

Жүр есінде сан жарық сапарларың

Қайран ерлер қаһарман ардагерлер

Қалды ау сиреп бұл күнде қатарларың (Ерғұлан)



Ерлік сүйген еліңе салтың ұнар

Жүздеріңе жанған от жарқылы бар

Соғыс деген салмағын жалғыс сөздің

Бүгінгі ұрпақ өздерің арқылы ұғар (Мадияр)



Жасқанбаған жауынан жарақты ер

Ерлгіңді аңыз ғып таратты ел

Қаһармандық дегенді кейінгі ұрпақ

Жүздеріңе сендердің қарап білер (Сұлтан)

  • Отан үшін құрбан болған асыл азамат, ұл мен қыз ерлігі мәңгілік ұмытылмақ емес (Ерғұлан)

  • Олардың ерлік шежіресі ұрпақтан-ұрпаққа асылдардың асылындай сақталып, жырлана береді (Ахмет)

  • Біз қай кезде болсын, Жеңіс жауынгерлерін ардақ тұтамыз (Сұлтан)

  • Және олардың қаһармандығына, рухына (Алтынбек ) бас иіп тағзым етеміз (бәрі бірге)

Алтынбек пен Ерғұлан мәңгілік алауға барып гүл шоқтарын қояды.

--------------------------------------------------------------------------------------------------------------

Диктор: «Ұлы Отан соғысында қазақ тапқан барлық батырларымыз бен қазақ жауынгерлерін 1 минут еске алайық»

--------------------------------------------------------------------------------------------------------------

Диктор:Бүгінгі кеш Отан қорғау жолында ерлігі өлшемді қалыпқа симайтын батыр аталарымыздың бірі Нүркен Әбдіровке арналады

--------------------------------------------------------------------------------------------------------------

1-ші жүргізуші: Міне, осы аты шулы соғыста Жеңіс туын желбіреткен аталарымыздың күрескер рухы болашақтың жарқын үлгісі ретінде санада жатталып қалды.

2-ші жүргізуші: Олардың қаһармандығы мен Отанға деген сүйіспеншілігі кейінгі ұрпақты патриоттылыққа бастар жол болмақ...

3-ші жүргізуші:Сол бір сұрапыл соғыстың өршіген отын жеңіспен өшірген батырлардың есімі ешқашан ұмытылмайды.

1-ші жүргізуші: Қайырлы күн қадірменді қонақтар!

2-ші жүргізуші: Ассалаумағалейкум, азат елдің асылдары!

3-ші жүргізуші:Армысыздар, алқалаған әлеумет!

1-ші жүргізуші: Ел шетіне жау тиіп, халық өмірінің қаймағы бұзылса, ер азамат жай жата алар ма?! Кешегі өткен Ұлы Отан Соғысы ердің ерлігін, қыздың өрлігін сынаған, өткірлеп қайрап қаһарлы күшке айналдырған зор майдан болып еді.

2-ші жүргізуші: Ер етігінен су кешіп қана қойған жоқ. Ер толарсақтан саз кешті, саз аралас қан кешті, шыбын жанын пида етті.

3-ші жүргізуші:Ендеше халайық! Кеңес Одағының батыры Нүркен Әбдіровке арналған кешімізге қош келдіңіздер!

--------------------------------------------------------------------------------------------------------------

Интербелсенді тақтада Нүркен Әбдіровтың өмірбаяны туралы бейнеролик көрсетіледі.

Франковский «Нүркен Әбдіровтың ерлігі туралы»

  • Шайқаста ержүректілігімен, іскер қимылдарымен, жаудың оқ-дәрі, қару-жарақ қоймаларын, адам күші мен ұрыс техникасын жойған (АЛТЫНБЕК)

  • 16 рет әуе шайқасына қатысқан (Мадияр)

  • Фашистердің 12 танкісін (Ахмет)

  • 28 жүк автомобилін (Ерғұлан)

  • оқ-дәрі тиеген 18 автомашинасын (Сұлтан)

  • жанармай құйылған 3 цистернасын (Ерғұлан)

  • 3 зеңбірегін (Алтынбек)

  • 50 астам неміс солдаты мен офицерін жер құштырған (Сұлтан)

  • ОЛ НҮРКЕН ӘБДІРОВ (БӘРІ БІРГЕ)

  • Талай әуе шайқасына қатысып (Ерғұлан)

  • Әр тапсырманы мұқият орындап (Мадияр)

  • Ерлік пен өжеттікті (Сұлтан)

  • Әскери шеберлікті танытқан (Алтынбек)

Нұркен Әбдіровтың рухына бас иеміз (БӘРІ БІРГЕ)

-------------------------------------------------------------------------------------------------------------

1-ші жүргізуші:Ол 17 рет көкке көтеріліп жаудың 18 танкісін, 46 жүк көлігін басқа да көптеген қондырғыларын талқандаған көзсіз батыр

2-ші жүргізуші: Ол атақты ұшқыш Гастелланың ерлігін қайталап қаһармандықпен көз жұмған болатын.

3-ші жүргізуші: Орталық мұрағатта сақталған мына бір хат Нүркен Әбдіровтің досқа адал, серікке берік болғандығын айғақтайды.

--------------------------------------------------------------------------------------------------------------

Интербелсенді тақтадан Нүркен Әбдіровтың досына жазған хаты бейнеролигі көрсетіледі.

--------------------------------------------------------------------------------------------------------------

1-ші жүргізуші: Міне осы бір хат тағы бір мәрте Нүркен Әбдіровтың досқа адал екенін дәлелдегендей

2-ші жүргізуші: Жауды талқандау жолында өз өмірін қиған қаһарманымыздың бірі Нүркен Әбдіровке арналған көптеген игі істер жасалып жатыр.

3-ші жүргізуші: Иә, батырларымыздың ерлігі еш ұмытылмайды.

--------------------------------------------------------------------------------------------------------------(Сыныптың қыздары шығады Нүркен Әбдіровке арналып өткізіліп жатқан іс-шарларды айтады).

  • Қарағанды қаласында жыл сайын Нүркен Әбдіров атыңдағы жүлде үшін еркін күрестен жарыс өткізіледі

  • Қарағанды қаласында Нүркен Әбдіров атындағы даңғыл бар.

  • Қарағандыдағы кеншілердің Мәдениет сарайының репертуарына Нүркен Әбдіров туралы балет енгізілген

  • Нүркен Әбдіров туралы Якимов жазған «Мәңгілік өмір шыңына» атты деректі повесть бойынша «Қазақтелефильм» студиясы фильм шығарған

  • Волгоградтағы Мамаев қорғанының етегінде Нүркен Әбдіров бейнелі зираты жасалған.

  • Қарағандыдағы спорт сарай Нүркен Әбдіровтың есімін иеленген.

Елнұр өлең оқиды

Интербелсенді тақтадан Нүркен Әбдіровтың жұмыс жасаған кезі көрсетіледі

-------------------------------------------------------------------------------------------------------------

1-ші жүргізуші:

Болмасын соғыс, болмасын,

Жармасын ешкім бомбасын.

Оқ болып ұшып қорғасын,

Тіршілік гүлі солмасын.



2-ші жүргізуші:

Болмасан соғыс, болмасын

Әлемді бақыт торласын.

Ақ қанат кептер жаһанға,

Тыныштық жолын жолдасын.



3-ші жүргізуші:

Болмасын соғыс, болмасын,

Басыңа түссе ол да сын.

Кең пейіл дархан халқымды,

Құдайдың өзі қолдасын.

--------------------------------------------------------------------------------------------------------------

Ән шырқалады

-------------------------------------------------------------------------------------------------------------

1-ші жүргізуші:

2-ші жүргізуші:

Болмасын, соғыс болмасын,

Сұм соғыс қолын созбасын.

Тыныштық туын көтеріп,

Отынды сүйем өз басым.



3-ші жүргізуші:

Болмасын соғыс, болмасын,

Көк байрақ туым тозбасын.

Қолдасын алла әрдайым,

Алаштың ақ ордасын.



Осымен біздің Нүркен Әбдіровке арналған кешіміз аяқталды келесі кездескенше

Қош сауболыңыздар





Автор
Дата добавления 06.02.2016
Раздел Классному руководителю
Подраздел Другие методич. материалы
Просмотров105
Номер материала ДВ-421623
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх