Өмір сынды шахыматтың тақтасы

Өмір сынды шахыматтың тақтасы

Күндес туған,
Қарасы мен ақ – қасы,
Шекер әрі шырт түкіртер шақшасы.
Алға жүрсең орала да алмайтын,
Өмір сынды шахыматтың тақтасы.
Бар пендеге ашық тұрған қақпасы...

Оған ақыл, 
Қажет енше айлалық,
Шалыс қылса, екі жейсін, пайда-ұқ.
Сабырлықпен күту керек ақырын,
Өз алдыңа келер күнді айналып.
Шекті заңның кіндігіне байланып...

Тездетейік,
Уақыт жатыр саналып,
Екі мәре, қыл-көпірлік, аралық.
«Биге» - жетсе, өз қолыңда билігің,
Осы жолда жанкештіміз жаңалық.
Жан берген біз,
Сенерсіз бе, жан алып?!

Дамылдауға,
Мұрсат жоқ деп үзік біз,
Талай мәрте ойын шартын бұзыппыз.
Қос пырағым жығылғасын әуелі,
Маған сірә көрінеді қызықсыз .
Төрешіміз төрелігі түсніксіз...

Әділ қазы сарапшысы ақырет,
Жаббар ием жаратқаным рақым ет.
Қалт жібермес қамқы тірлік алданыш,
Тағдыр ашық сабағыңа рақымет...

Қазақстан Республикасы

Ақмола облысы, Жақсы ауданы, Киров ауылы.

«Киров орта мектебі» КММ-нің

Қазақ тілі мен әдебиеті пәнінің мұғалімі

Молдағалиев Ерхан Болатұлы