Ұйымдастырылған оқу іс - әрекетінің
технологиялық картасы
Білім беру саласы: Шығармашылық
Бөлімі: Мүсіндеу
Тақырыбы: Күн мен бұлт
Мақсаты: мүсіндеу жұмысында қолданылатын
материалдармен, құралдармен таныстыру; мүсіндеудің негізгі: жұмсарту, созу, құрастыру,
жаю, тегістеу, жалпақтау, домалақтау тәсілдерімен таныстыру; қатырмақағазға
бедерлеу тәсілін орындау дағдыларын қалыптастыру.
Керекті құралдар
мен материалдар:
педагог үшін: күннің және бұлттың суреттері, бедерлі
мүсіннің үлгісі, тақтайша ермексаз, арнайы кескіш таяқша, қолорамал.
балалар үшін: жұмыс дәптері, тақтайша, көк немесе көгілдір
түсті қатырмақағаз, ермексаз, кескіш таяқша, қолорамал.
Іс-әрекет
кезеңдері
|
Тәрбиеші әрекеті
|
Балалардың
іс-әрекеті
|
Мотивациялық-қозғаушылық
|
1. Ұйымдастыру
кезеңі. Балаларды түгендеп,
назарларын оқу іс - әрекетке аудару, балаларға жұмыс істейтін орындарын
дайындап, құрал-саймандарының – тақтайша, ермексаз, таяқша, қол орамалдарының
ретімен тұру керектігін айтады.
|
|
Ұйымдастыру-іздестіру
|
2. Үстел
үстін, киімін бүлдірмей материалмен ұқыпты жұмыс істеу дағдысын қалыптастыру
мақсатында тақтайшада мүсіндеу үшін қажетті материалды қалай қолдану
керектігін түсіндіреді.
3. Ермексазбен жұмыс аяқталғаннан кейін, қолды
орамалмен сүртіп, сабынмен тазалап жуу керектігін ұғындырады. Балалар жұмыс
орындарын дайындайды.
4. Педагог балаларды мүсіндеудің негізгі жұмсарту
және есу тәсілдерімен таныстырады. Бүтін ермексазды жұмсарту, есу қиын
болатындықтан ермексазды кесетін арнайы кескіш таяқшамен бірнеше бөлікке
бөліп алып, алдымен алақанға салып жұмсартып, сосын тақтайшада ұзын жіңішке
шиыршық пайда болғанша есу керектігін көрсете отырып түсіндіреді.
5. Балалар жұмысы. Педагогтың көрсеткені
бойынша өздері қайталап мүсіндеу жұмысын орындайды.
6. Педагог балаларға
бедерлі мүсіндеу тәсілімен жұмыс
жасау жолын түсіндіреді:
* Көк түсті
қатырмақағазға жай қарындаштың көмегімен күн мен бұлттың суретін салып
шығамыз.
* Ақ және сары
түсті ермексаздың кесегін жұмсартамыз.
* Ермексазды
бірнеше бөлікке бөліп алып, әр бөлігін тақтайшаның үстіне салып ұзынша,
жіңішке ширатпалар есеміз.
* Ширатпаларды
сұлбаның өн бойына салып, қатырмақағазға жабыстыра бастырамыз.
* Күн мен бұлттың
ішін сәйкес түсті ермексазбен толтырып, бетін тегістеп шығамыз.
* Жекелеген
ширатпалардан күннің сәулелерін жасап шығамыз.
7. Балалар жұмыс
дәптерінің көмегімен өз
бетінше жұмысты орындайды.
|
Әңгімені тыңдайды.
Педагогтың түсіндірмесін тыңдап, жұмыс барысын
бақылайды.
Балалар өз беттерінше жұмыс жасайды.
|
Рефлексивті-түзетушілік
|
Оқу іс-әрекетін
қорыту. Жасаған мүсіндеу
жұмыстарынан көрме ұйымдастыру. Талдау, бағалау. Педагог дұрыс әрі тиянақты
орындалған жұмыстарды атап көрсетеді.
|
|
Күтілетін нәтиже:
Нені біледі: мүсіндеу жұмысында қолданылатын материалдармен, құралдармен
таныстыру;
Қандай түсініктерді игерді: мүсіндеудің негізгі: жұмсарту, созу, құрастыру, жаю,
тегістеу, жалпақтау, домалақтау тәсілдерімен таныстыру;
Оставьте свой комментарий
Авторизуйтесь, чтобы задавать вопросы.