На тему "Білім деңгейін анықтау"

Жамбыл облысы, Талас ауданы, Қаратау қаласы,

А.С.Пушкин атындағы орта мектебінің

Бастауыш сынып мұғалімі:   Абдиканова Гүлжанат Амангелдиевна

Тақырыбы: « Білім  деңгейін  анықтау »

Мақсаты:

Білімділігі: Өткенді  қайталай отырып ,сөздерді дұрыс оқып,дұрыс  жазуға үйрету.Сөздерді буынға  бөлу,дыбыстық талдау  жасау

Дамытушылық: Оқушылардың  тілін,шығармашылық қабілеттерін дамыту.Әдемі,көркем жазу дағдыларын қалыптастыру.

Тәрбиелігі: Әсемдікке,ұқыптылыққа ,сауаттылыққа тәрбиелеу.

Түрі: Білімді  бекіту.

Әдісі: Ойын,сұрақ-жауап

Көрнекілігі: Кеспе әріптер,суретті әліппе, кеспе буындар.

Сабақтың барысы:

І. Ұйымдастыру кезеңі

Оқушылар назарын сабаққа аудару

Психологиялық  дайындық  кезең

ІІ. Үй тапсырмасын тексеру. Қайталау.

-Кәне, кім айтып жібереді,үйге қандай тапсырма берілді?

-Үйге «Ъ» - белгісі таңбасына арналған «Біздің үй» мәтіні берілді.

    Мәтінді тізбектей оқыту жұмысын жүргіземін. Әр бала бір сөйлемнен мәнерлеп жылдамдатып  оқып  шығады.

     Үйреткен сана, білімді,

     Сүйемін ана тілімді.

     Әнімізбен бастайық,

     Сабағымызды  бүгінгі. 

Ән: Әліппе

(Есік қағып пошташы келеді)

 Пошташы: Оқушылар  сіздерге Астана қаласынан  Нұрсұлтан  Әбішұлы  Назарбаевтан  хат  келді. 

(хатты оқиды)

       А.С.Пушкин  атындағы орта мектептің 1 сынып оқушыларына!

     «Қымбатты қазақ елінің  азаматтары! Алдағы   Қазақстан  Республикасының  тәуелсіздік  күнімен құттықтаймын. Бүгінгі өтіліп жатырған алғашқы ашық сабақтарың құтты болсын!  Мен сендердің  осы уақытқа дейін оқуды  қаншалықты  меңгергендеріңді білу  мақсатымен  бірнеше  сұрақтар  беремін. Кім жауап бере  алса, сол оқушы  келешекте  Қазақстанның  ел басқаратын сенімді  азаматы  болады. Іске сәт жас достар!»

Сұрақтар:

• Қазақ алфавитінде неше әріп бар?
• Дыбыстар нешеге бөлінеді?
• Дауысты дыбыс нешеу?
• Дауыссыз дыбыс нешеу? Таңба ше? 
• Дыбыс деген не?
• Әріп деген не?
• Сөз неден құралады?
• Сөйлем неден құралады?
• Ел рәміздерін білесің  бе? Атап бер.
• Әліппеден қандай тақпақ жаттадыңдар. Жатқа айтып бер.

    Сонымен бірге оқушылар біздің бүгінгі сабағымызға

  ертегі кейіпкерлері қонаққа келіпті. 

    Олар сендерге өз тапсырмаларын әкеліпті. Енді біз достарымыздың тапсырмасын орындап оларды риза етейік.

1- тапсырма. Аң патшасы арыстанның тапсырмасы:

Ойын: «Жеміс жинау»

Жеміс, көкөніс, жидек аттарын буынға бөліп жазып, себетке жинау.

ал-ма                     қи-яр                 ши -е

ал-мұрт                 қар -быз            ас-қа-бақ

сә-біз                     жү-зім               құл-пы-най

2- тапсырма.  Қоянның тапсырмасы: Сергіту сәті.

Ән: «Сұр қоян»

3-тапсырма. Түлкінің тапсырмасы:

Ойын: « Шашылған  әріптер »

Балаларға  кеспе  әріптер  шашылып  беріледі. Балалар  олардың  қандай  дыбыс  екенін  айтады , сол  дыбыстан  сөздер  мен  сөйлемдер  құрайды.

4-тапсырма. Кірпінің тапсырмасы:

«Сурет бойынша әңгіме құрау»                                  

5- тапсырма. Қорбаңбай аюдың тапсырмасы:

Ойын: «Адасқан әріптер»  

1.а,т,х                            4.о,т,о,ф                  7.н,қ,я,о

2.х,е,ц                            5.б,а,х,а,р                 8.я,қ,а

3.ы,щ,а                          6.ю,а                         9.за,т,а

6- тапсырма . Тиіннің  тапсырмасы:

Дәптермен  жұмыс .

7- тапсырма. Борсықтың тапсырмасы: 

Дыбыстар мен әріптерді ажырату тапсырмасы берілген. Жұмбақ жасырамын. Жұмбақтың жауабын тауып ,дыбыстық талдау жасаймыз.

Ағаш көрсе қышынар,

Сояу-сояу тісі бар. /ара/

Ішіне түйме толтырып,

Бүйірі шықты қомпиып. /қарбыз/

Оңымнан оқы –тағаммын,

Солымнан оқы-тағаммын.

Күні  жоқ менсіз адамның. /нан/

Байқатпай-ақ биіктетер,

Бүкіл елге сүйікті  етер./кітап/

Жесең ащы,

Көзіңнен шығарар жасты./пияз/

Жұмбақтың

-Міне, балалар ,достарымыздың тапсырмаларын да орындап шықтық. Біз бәрін оқып білгендіктен сынақтан сүрінбей өте алдық.

IV. Білімді  қорытындылау.

-Не үйреніп, не  білдіңдер.

-Балалар  барлығың да жақсы қатыстыңдар. Біздің Республикамыздың президенті Нұрсұлтан Әбішұлы Назарбаев атамыз да сендердің білімдеріңе риза болар. Сендердің Қазақстанның ел басқаратын  азаматы болатындарыңа сенімдімін.

V.Жақсы қатысқан оқушыларды мадақтап, марапаттау

VІ. Үйге тапсырма беру. Дыбыстарды  қайталау.