1 Наурыз - Алғыс айту күні

5 сынып өзін –өзі тану Мерзімі: 01.03.2016

Тақырыбы: 1 Наурыз - Алғыс айту күні
Мақсаты: балалардың «сыйластық» құндылығы туралы түсініктерін кеңейту 
Міндеттері: -ризашылық пен алғыс туралы түсінік беру; 
-үлкен-кішіге деген сүйіспеншілігін, сыпайылық  қарым-қатынасын дамыту; 
-әдептілікке, кішіпейілділікке, ізеттілікке тәрбиелеу 

Қазір біз, балалар, бүгінгі күнімізге, өзімізге және сабағымызға қатысып отырған апайларға жақсылық, жарасымды көңіл күй тілей отырып,ортада тұрған «Бақыт себетін» жылы лебіздерге толы гүл шоқтарымен толтырайық.

Оқушылар тілектерін айтып, себетті гүл шоқтарымен толтырады.

Аспанымыз ашық болсын!
Өміріміз күлкіге толсын!
Деніміз сау, отбасымыз аман болсын!
Әр күніміз жарық болсын!
Жұмыстарыңыз жемісті болсын!
Еліміз тыныш болсын!
Жанұяларыңыз берекеге толсын!
Көк туымыз биікте желбіресін!
Бір – бірімізге мейірімді болайық!
Көңіліміз мөлдір бұлақтай таза болсын! Т.с.с.

4 топқа бөліп, отырғызу: «Сыпайылық», «Ризашылық»,«Қайырымдылық», «Мейірімділік»

Жаңа ақпарат

 Бүгін – Рақмет айту (Thanksgiving Day) күні. Күннің халықаралық дәрежесі жоқ, мұны АҚШ және Канада халықтары қараша айының әрбір төртінші бейсенбісінде атап өтеді. Көз алдыңызға америкалық бақытты отбасылардың дастарқан басына жиналып, дәмді бәліштер мен күрке тауық етін жеп отырған сәті келді ме? Алайда, бұл мереке дастарқанмен ғана шектелмейді. Мерекенің ешбір дінмен байланысы жоқ, адамдар тек қана әрбір күн сайын не үшін рақмет айту керек екендігін ойланады.

Атаулы күн алғаш рет 1621 жылы ағылшындық колонистердің бастамасымен тойланған. Қыс мезгілі өте ауыр болып, адамдар аштыққа ұшырағандықтан губернатор Уильям Брэдфорд қол астындағылардың көңіл-күйін көтеру үшін Алғыс айту күнін белгілейді. Айналадағы басқа да көршілер бұл дәстүрді жылы қабылдап, қаһарлы қысты аман-есен өткереді. Рақмет айту күнінің басты нышандарының бірі – түйе тауық. Себебі, ағылшындық колонистер мерекені алғаш тойлағанда орманда атылған төрт түйе тауықты жеген екен.

Кейіннен, яғни, 1789 жылы Джордж Вашингтон Рақмет айту күнін "Ұлттық мереке" деп жариялайды.

Бұл күні барлық отбасы міндетті түрде дастарқан басына жиналып, туыстарына жақсылық жасауға асығады, жақындарын қуанту үшін түрлі тосын сыйлар ойлап табады. Қаладағы метроларда ерекше үстелдер орнатылып, адамдар ақша, азық-түліктерін қайырымдылыққа әкеліп қояды. ХVІІ ғасырдан келе жатқан әр түрлі киімдерді киген тұрғындар шеруге шығып, думанды кештер ұйымдастырады.

Ал біздің елімізде 2016 жылдың 1 наурыз –Алғыс күні бірінші рет тойлануда. Елбасымыздын сындарлы саясаты, еліміздегі өзге ұлттар арасындағы достық қарым-қатынасты нығайту мақсатында 1 Наурыз - Алғыс айту күні деп жариаланды.

«Өмірге риза болып, алғыс айт»

І топ: ассоциация

ІІ топ: тірек сызба

ІІІ топ: жыршы ретінде өлеңмен

ІҮ топ: көрініс

“Адам өз ісіне қанағаттанып,сүйсінген кезде ризашылық сезімге бөленеді. 
Өзіне жасалған жақсылыққа ризашылық білдіруді алғыс дейміз.” 
«Тақырыптық Теннис»

Әрине, мереке біздің менталитетке сай емес деушілер табылар. Дегенмен, жылдың бір күнінде не үшін рақмет айту керек екенімізді ойлана жүрсек артық етпейтін секілді. Көптеген адамдар материалдық жағынан толық қамтамасыз етілген болса да, алғыс айта білмегені үшін рухани кедей болып қалып жатады.

Конветпен жұмыс.

Сонымен, рақметке лайықты кімдер? Тізімді бірге құрайық! Бастысы – алғыс айта білу...

Анаға – өмір сыйлағаны үшін,

Әкеге – қорған болғаны үшін,

Далаға – гүлдері мен көк шалғыны үшін,

Сөзге – жанды жылытатыны үшін,

Күнге – шуағы мен назары үшін,

Жұлдызға – қараңғы түндегі жарығы үшін,

Досқа – құшағы мен иығы үшін,

Әжеге – ыстық алақаны үшін,

Суға – тіршілік көзі болғаны үшін,

Жерге – махаббаты мен бар болғаны үшін,

Отқа – жылулығы үшін...

Қорытындылау 
-Балалар, жылы сөз, қайырымды іс, жақсы ой, кіршіксіз сезімдеріңді ешкімнен ешқашан аямаңыздар. «Рахмет» деген қасиетті сөзді жиі айтыңдар. Адам алғыс пен ризашылықты естіген сайын, жақсылық жасағысы келіп тұратынын есте сақтаңдар. Өмірдің әрбір сәтін бағалай білуге үйреніңдер және Табиғат –Анаға мейірімді күні үшін, көңілді жаңбыры мен ақ қары үшін, жұмсақ ақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңдар. 

Гүл күлтелеріне оқушылар өз алғыстарын білдіреді.

«№2 Қабанбай орта мектебі мектеп жасына дейінгі шағын орталығы бар» коммуналдық мемлекеттік мекемесі

1 Наурыз - Алғыс айту күні

Өзін-өзі тану 5 сынып

Пән мұғалімі М.Т. Жунисова

2015-2016 оқу жылы