Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Дошкольное образование / Конспекты / 8-Наурыз Аналар мерекесіне арналған "Айналайын, ақ жаулықты аналар!" атты ертеңгілік сценариі

8-Наурыз Аналар мерекесіне арналған "Айналайын, ақ жаулықты аналар!" атты ертеңгілік сценариі


  • Дошкольное образование

Поделитесь материалом с коллегами:

«Айналайын, ақ жаулықты аналар!»

Мерекеге сай безендірілген залға ер балалар қыздарды қолынан ұстап кіргізеді. Орындықтарына отырғызады.

Жүргізуші: -Армысыздар, ақ жаулықты әжелер, ардақты да аяулы аналар, ұстаздар, сымбатты қыздар! Міне, көктемнің алғашқы күндерімен келетін 8-наурыз Халықаралық әйелдер күні де келіп жетті. Жер бетіндегі тіршіліктің өзегін келешекке жалғаған, өсер ұрпағна құндақтағы шағына ізгіліктің дәнін еккен аналар мерекесі бұл.

Армысың ару қыздар, абзал ана,

Анаға тең келетін бар ма дана.

Мерекеңіз бүгінгі құтты болсын,

Қуанышпен құшағың гүлге толсын!

Ән «Анашым»

Жүргізуші: - Балаларымыздың құттықтау тілектерін қабыл алыңыздар.

Нұрасыл Майрамжан:

Үн қатасың бал тілмен,

Еркелеймін әр күн мен.

Құттықтаймын анашым,

Сегізінші Наурызбен.

Карим:

Әлпештеген, аялаған,

Ақ сүт берген апатайым.

Сәлем жазып бүгін саған,

Мейрамыңмен құттықтаймын.

Диана:

Ана деген- мейірім,

Ана деген – шапағат.

Ана деген – құдырет,

Марғұлан:

Ақ сүтінен жаралған,

Ақ сүтінен нәр алған,

Анаға бас иеміз!

Асия:

Ақ жүректе сақтаған,

Жарқын жүзің бақ маған.

Ақ бетіңнен сүйетін,

Келші, келші, ақ мамам!

Асылбек:

Теңдесі жоқ данасың,

Арқа тұтар панасың.

Еңбегіңді ақтайын,

Аман болшы, анашым.

Өте көңілді әуенмен сайқымазақ кіреді, билейді, ағылшын тілінде сөйлеп, амандасады:

  • Оу, хеллоу, хеллоу!

Балалар: - хеллоу!

Жүргізуші: - сәлеметсің бе, сайқымазақ! Біз сені күтпеп едік. Сенің келгенің бізге тосын сый болды .

Сайқымазақ: - Менің атым Тинки-винки. Мен сіздерді құттықтауға сонау Америкадан келдім. Себебі, аналар мерекесі бүкіл дүниежүзінде тойлайды. Ал, «Болшақтың» балаларының аналары мен әжелері ең сүйкімді, ең ақылды, ең мейірімді, ең жұмсақ, ең, ең, ең... күштілері деп естідім.

Жүргізуші: - Дұрыс, дұрыс! Сен жаңылысқан жоқсың.

Сайқымазақ: - Олай болса, мен сіздерге акробатикалық өнер көрсетем. (әрлі – берлі секіріп, айналып, құлап түседі.)

Жүргізуші: - Ой, Тинки-Винки, тұра тұр. Секірем деп бір жеріңді ауртып аларсың. Сен оданда біздің балалардың өнерін тамашала. Олар аналарына арнап ағылшын тілінде тақпақ айтып береді.

Айжан:

Уан,уан,уан-ай лав зе сан,

Ту,ту,ту- ай лав май мамми ту.

Жетпісбай Нұрасыл:

Сри,сри,сри –май мамми лавс ми,

Фо,фо,фо- ай лав хи мо энд мо.

Райгүл:

Май диә, диә мамми,

Ай лав ю сэу ма .

Ай онт ю ту би хәппи,

Он зе эйтс оф мач.

Ернат:

Ай лайк зэ уэй ю лук,

Ай лайк зэ уэй ю кук.

Нау от ай рилли онт ту сэй,

Из хаппи мазэрс дэй.

Гауһар:

Май мазә из вери найс,

Ши из гот бютифул айс,

Ши из гот смайл ту шарм ас,

Ши из гот э сонг ту калм ас.


Ағылшын тілінде ән «Момми».

Сайқымазақ: - О, гуд, вери гуд! Мен сіздерді ойынға шақырамын.

Эстафеталық ойын.

Сайқымазақ: -Ой, балалар, сіздер өте өнерлі , ақылды, жылдам балалар екенсіздер. Рахмет сіздерге! Мен еліме қайтайын. Америкаға барғанда сіздерді мақтап жүремін. Сау болыңыздар!

Балалар: -Сау болыңыз!

Жүргізуші: -Кезекті балаларымызға берейік:

Алтынбек:

Бізді өсіріп баптаған,

Жақсы болсам шаттанған.

Алтыным деп мақтаған,

Айналайын, ақ мамам.

Амира:

Анам менің «айым» дейді,

Мен мұңайсам «уайым» жейді.

Анам менің «күнім» дейді,

Мен қуансам күлімдейді.

Жан:

Таң қаоғандай ғалам,

Кім ең сұлу адам?

Ол – менің анам.

Ақерке:

Жақсы көрем күлкіңді,

Айналайын, ақ мамам.

Менің мамам сүйкімді,

Бәрінен де жақсы адам.

Руслан:

Еркелесем күлімдейтін,

Ұрысқаны білінбейтін.

Маңдайымнан иіскеп менің ,

Құлыншағым, күнім дейтін.

Күмісай:

Жылылықтан жаралған,

Құшағы оның таң мекен,

Менің айдай анамнан ,

Асқан сұлу бар ма екен!

Кенет залға Мыстан бикеш келіп, барлығын қорқытқысы келеді:

  • Аааа , сендер неге мәз болып жатырсыңдар?

Жүргізуші: - Сен кімсің? Неге балаларымызды қорқытып , мерекемізді бұзып жатырсың?

Мыстан бикеш: - Мен Мыстан бикешпін, Мыстан кемпірдің немересімін. Мыстан әжемді танитын боларсыз?

Жүргізуші: - ия, ал Мыстан әженің өзі қайда?

Мыстан бикеш: - ол зейнеткерлікке шығып кеткен. Қазір демалып жатыр. Оның орнына мен шықтым. Енді кішкентай балдарды мен қорқытамын. Сендердің мерекелеріңізді болдыртпаймын. Кетіңдер бұл жерден!

Жүргізуші: - Қалайша? Біз кетпейміз.Біз аналарымыздың мерекесін тойлап жатырмыз. Мыстан бикеш, бізбен бірге қосылып балаларымыздың өнерін тамашаласаң болады. Себебі , ол сеніңде мерекең.

Мыстан бикеш: - ал, жақсы! Көрейік! Не көрсетер екенсіңдер! Отырғыш қайда? Мен осылай қақшиып тұра берем ба?

Жүргізуші: - Қандай дөрекісің! (отырғыш әкеліп береді)

Ән «Әжетай»

Жүргізуші: - Балалардың әжелерге арнаған тақпақтары:

Аққу: Таусылмайды өлеңі,

Күнде айтып береді.

Барған сайын бір жаққа,

Кәмпит алып келеді.

Әжем мені өйткені,

Өте жақсы көреді.

Айсұлтан :

Мені жақсы көреді,

Күндей күліп жүреді.

Көп ертегі біледі,

Маған айтып береді.

Нұрбол:

Мен ұйқтарда айтады,

Ертегісін, әндерін.

Біздің үйде осындай,

Әжетайым бар менің.

Әмина:

Менің әжем мейірбан,

Мені жақсы көреді.

Қажетіне жарасам,

Жас балаша күледі.

Арқарбай Айсұлтан:

Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

Маханбет:

Құрт пен майын жинаған,

Балаларға сыйлаған.

Бұл- әжемнің өмірі,

Таусылмайтын жыр маған.

Мыстан бикеш: - Мен сендердің тақпақтарыңызды тыңдап әжемді сағынып кеттім. (жылағысы келіп , көңілі түсіп кетеді.)


Жүргізуші: - Мыстан бикеш, сен көңіліңді түсірме. Біздің балалармен бірге биге шық.

Би «Жаяу» ер балалар тобы.

Мыстан бикеш: -Ух, қандай балалар! Енді мен әжелеріңізді сынаймын. Әжелер өз балаларын тани ма , танымай ма?

Ата-анамен ойын «Өз балаңды тауып ал».

Мыстан бикеш: - Жарайды , балалар! Сендер өнерлі, ақылды балалар екенсіздер! Мен өз әжемді де барып құттықтайын. Сау болыңдар!

Балалар: - Сау болыңыз!

Жүргізуші: -Сау болыңыз!

Сазды әуенмен залға «Көктем Аруы» келеді, амандасып , тақпағын айтады.

Жүргізуші: - Қош келдің,төрлет , Көктем Аруы.

Көктем Аруы: мен сіздерге жылылық, мейірбандық, махаббат әкелдім.

Жүргізуші: - балаларымыздың тақпағы.

Ержанова Кәусар:

Ана деген ақылшың,

Ана барда батырсың.

Қасыңда кім болсада,

Тек анаңа жақынсың.

Әліби:

Анам менің сүйіктім,

Тек өзіңе табынам.

Санжар:

Мен анамды сүйемін,

Құшағына енемін.

Мәпелеген анамды

Тек қуантсам деп келемін.

Айдос:

Ақтаймын анашым,

Ақылы мол данасың.

Қамқорысың сәбидің,

Гүлі сен әр үйдің.

Би «Ленталар» қыздар тобы.

Сахналау «Анасынан адасқан бала».

Қоян – Ексат Алтынбек

Түлкі – Майрамжан Нұрасыл

Аю- Джумагельдиев Нұрбол

Жүргізуші: - Кейде осындай ата-анасын тыңдамайтын, анасынан адасып кететін балалар кездеседі. Ал, сіздер аналарыңызды тыңдайсыздар ма?

Балалар: - Ия.

Жүргізуші: - жер бетінің ғұмыры

Күн нұрымен арайлы.

Біздің үйдің жылуы,

Анамыздан тарайды – деп балаларымыз тілектерін айтады.

( Әр бала өз ата-анасына тілектерін айтады)

Жүргізуші: - Құрметті ақ жаулықты әжелер, ардақты аналар! Өмір сыйлаған сәбилеріңіз сіздерге тек қуаныш пен шаттық сыйласын.

Жарқын жүзді жан анам,

Сендей болсын бар адам.

Сендей болса бар адам,

Шаттық кетпес баладан деп балаларыңыздың сыйлығын қабыл алыңыздар.

(Балалар өз қолдарымен жапсырып жасаған открыткасын тарту етеді.)

Жүргізуші: - Қош, сау болыңыздар!



Автор
Дата добавления 14.01.2016
Раздел Дошкольное образование
Подраздел Конспекты
Просмотров1915
Номер материала ДВ-339547
Получить свидетельство о публикации

Комментарии:

1 год назад
жарайсың Дина!

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх