8 наурыз даярлық тобы

                           Айналайын  Анашым.

Мақсаты: Оқушылардың  бойына   ананы  сыйлауды,  құрметтеуді,  үлкенге  ізетті  болуды  қалыптастыру.

Жүргізуші: Құрметті  аналар,  апайлар,  балалар  бүгін  біз  8-наурыз  мерекесін  мектепке  даярлық  тобы «Айналайын  Анашым»  атты тәрбие   сағатын  алғаш  көрсетейін  деп  отыр.

  Балалар,  бүгінгі  тақырыбымызға  байланысты  мен  сендерге  жұмбақ  жасырғым  келіп  тұр. Шешуін  таба  аламыз ба?

  Бала, бала,  бала  деп.

  Түнде  шошып  оянған,

  Түн ұйқысын  төрт  бөліп,

  Түнде  бесік  таянған,

   Бұл  кім?

Балалар: Ана, ана, ана.

Жүргізуші: Әрине, бұл  біздің  аналарымыз.  Ана  есімін  аузына  алмайтын  адам  баласы  жоқ. Аналардың   қоғам  өмірінде  алатын орны  бөлек.  Ана  перзент  тәрбиелеуші.  Ендеше  осы  аналарымызға  арналған  бүлдіршіндеріміздің  өнерлеріне  кезек  берейік. (Осы  кезде   сахнаға  сиқыршы  кіріп  келіп, балаларды  сиқырлап  қатырып  тастайды.)

Сиқыршы: Мен  сіздің  балаларыңызды  мұзға  айналдырып  жібердім, енді  мереке болмайды   дейді.

Жүргізуші:  Мәссаған!  Бұл  қалай  болғаны,  маған  кім  көмектесер  екен?  Сиқыршыдан  күшті  кім   бар  екен?

Күн:  Саламатсыздар  ма, қонақтар,  аналар!  Мереке  құтты  болсын!  Осы  тойға  аналарды  құттықтауға  келіп  тұрмын!  Ой,  мына  балалар  неге  қимылсыз  тұрып  қалған?

Тәрбиеші: Сиқыршы балаларымды мұзға  айналдырып жіберді,  не  істерімді  білмей  тұрмын?

Күн: Жарайды мен  көмектесемін.  Менің  шуағыма  жылынбайтын,  нұрыма  шомылмайтын ешкім  жоқ!  Шуағымды  төксем  бәрі  жанданады.

Жүргізуші: Сиқыршы  сен  қарсы  емесссің  бе?

Сиқыршы: Жоқ  мен  күнге  қарсы  шықпаймын, күнге  табынамын,  күнге бағынамын,  бас  иемін!

Күн: Олай  болса,  шуағым  менің  шашыл,  қыздарым  мен  ұлдарым  гүл  болып  ашыл.(Билеп,   балаларға  гүлдің  ұшын  тигізізіп  айналып  өтеді.  Осы  кезде  музыка  әуенімен балалар  қимыл  жасайды.)

Вальс  «Көктем мерекесі».

Жүргізуші: Адам  бойындағы  барлық  жақсы  қасиеттер  күн  нұрынан,  ананың сүтінен  тараған.

Құрметті  Аналар!  Мерекелеріңіз  құтты  болсын! Отбасыларыңызға құт  береке, бірлік,  дендеріңізге  саулық  тілеймін.

Сөз  кезегі  балаларға  беріледі.

1-бала.

Құтты   болсын,  ардақты  анам,

Асыл анам  мерекең,

Құтты  болсын  теңдік  алған,

Қуанышты  мерекең.

2-бала.

Жақсы  көрем  күлкіңді,

Айналайын  ақ  мамам,

Менің  мамам  сүйкімді,

Бәрінен  де  жақсы  адам.

3-бала.

Ана  деген - жарық  жұлдыз  шырағың,

Ана  деген-қайнар  ыстық  бұлағың.

Ана  деген- өмірдегі  қамқорың,

Ана  деген-  сүйенерің  жан  құрбың.

4-бала.

Жарқын  жүзді  жан  адам,

Сендей  болсын  бар  адам.

Сендей  болса  бар  адам,

Шаттық  кетпес  баладан.

5-бала.

Әркім  сүйер  өзінің

Мақтан  етер  анасын

Бәрі  жақсы  ананың

Бәрін  сыйлау  керек –ау

Бірақ  әрбір  баланың

Өз  анасы  бөлек-ау.

6-бала

Ананың  біз  гүліміз

Ана  біздің  күніміз

Ұландарды  қуантып

Ұзақ  өмір  сүріңіз.

7-бала

Алақаны  ақ  самал

Мәпелеген  жан  анам

Көкте  күнім  батса  да

Өзің  күнсің  балаға

8-бала

Баланың  да  тірегі

Даланың  да  тірегі

Шаршамасын  ешқашан

Аналардың  жүрегі.

9-бала

Бізді  өсіріп  баптаған

Жақсы  болсақ  шаттанған

Алтыным  деп  мақтаған

Айналайын  ақ  мамам

10-бала

Әр  сөзіңді  жаттағам

Жүрегемде  сақтағам

Анашым  деп  мақтанам

Айналайын  ақ  мамам

11-бала

Түнде  сергіп  жатпаған

Күндіз  тыным  таппаған

Бізсіз  тамақ  татпаған

Айналайын  ақ  мамам

12-бала

Теңдесі  жоқ  данасың

Арқа  тұтар  панасың

Еңбегіңді  ақтайын

Аман  болшы  анашым

13-бала

Үн  қатасың  бал  тілмен

Еркелеймін  әр  күн  мен

Құттықтаймын  анашым

Сегізінші  наурызбен

Барлығы  хормен  айтады:

Баққа  гүл  толғанда

Біз оны  жинаймыз

Мереке  болғанда

Анаға  сыйлаймыз.

Аналарына арнап  жасаған  гүлдерін  сыйлайды.

Құттықтау  сөз  аналарға  беріледі.

Мереке  соңында  балалар  өз  өнерлерін  көрсетіп,  би  билеп,  ән  айтады.

«Өз  баласын  жаңылмай  табу»  ойындары  ойналады,  бұл  ойында  жеңіп  шыққан  аналар  марапатталады.