8 наурыз
мерекесіне арналған сценарий
Мерекелік кештің басты мақсаты: Нәзік
жанды аруларымыздың қоғамдағы рөлінің айтарлықтай екендігін дәлелдеп, оларға
қуаныш сыйлау. Оқушылардың оларға деген ізгі ниеттерін көрсету.
Кештің көрнекілігі: Елбасы жолдауы,
Жолдаудан үзінді жазылған қағаздар, ұлағатты сөздер, суреттер, шар, шақыру
билеті, үнтаспа, гүл т.б.
Кештің барысы: Қонақтарды
кешке шақыру, оларды қарсы алу, тілек білдіру, өнер көрсету, құттықтау сөздер,
қорытынды сөз, жалпы қорытынды жасау.
Асылбек
Еңсеповтың «Детство» күйі қосылып тұрады. Сахнаның сыртынан Мұқағали
Мақатаевтың «Ана» атты өлеңі оқылады. Ердәулет 8 «А»
Ана
Сен бақыттысың,
Жыламағын!
Жай түсіп жатқанда да құламадың
Тәңіріңнен мен едім ғой сұрағаның
Сондықтан жыламағын, жыламағын!
Бармын
ғой
Тірімін ғой,
Қасыңдамын.
Өлмеймін, мен өзіңдей асылданмын.
Таусылып, өз-өзіңнен шашылмағын,
Байырғы берекеңді қашырмағын.
Мен
сенің қанықпын ғой көз жасыңа
Өзім кепіл тот басып, тозбасыма.
Екі жыр жазсам саған бірін арнап
«Ана» деп жаздым ылғи сөз басына.
Тәңірім
кеше көрсін кесірімді
Аспанға жазсам сенің есіміңді!!!
Ана,
Сен бақыттысың, тербете бер
Құба талдан иілген бесігімді…
Тоқтар : Армысыздар, аяулы аналар,
құрметті ұстаздар, гүлдей құлпырған қыздар! Барлығымыз асыға күткен көктемнің
алғашқы күндерімен бірге 8 наурыз Халықаралық әйелдер күні де келіп жетті. Бұл
- бір қолымен бесікті, екінші қолымен әлемді тербеткен аналар мен нәзік жанды
қыздар қауымының төл мерекесі.
Ана
десем шешек ашып жанары,
Өмірімнің бастау алар ажары.
Ана деген тіршілікке пана боп,
Әрбір үйде жұлдыз болып жанады, - дей отырып, алғашқы мерекелік құттықтау сөзді
мектеп директоры Мухамеджаров Сейілбек Уапұлына береміз.
ВЕДУЩИИ
(Директор
құттықтау сөзін аяқтаған соң, бірден көңілді әуен қосылып оқушылар сахнаға
шығып, ай секілді дөңгеленіп тұрады да орталарына екі жүргізуші келіп тұрады).
Тоқтар:
Сіздерге сарқылмайтын денсаулық, ұзақ ғұмыр тілейміз. Осы күні өздеріңізге
бағытталған тілектер періштенің құлағына шалынсын. Әрдайым біздердің жанымызда
жүре беріңіздер.
Сенен өскен
балалар,
Батырлар мен даналар.
Құттықтаймыз мейраммен,
Құрметті, жан аналар!
ВЕДУЩИИ
(Екі жүргізуші
сөзін аяқтай салысымен сахна төрінде тұрған оқушылар, флешмоб билейді де,
сахнадан шығып кетеді).
Тоқтар: Құрметті
ақ жаулықты аналар мен әжелер, кер маралдай керілген әпкелер, қарындас,
құрдастар, ұстаздар! Сіздерді көктемнің алғашқы мерекесімен құттықтай отырып,
«Анаға қарап қыз өсер...» атты мерекелік кешке қош келдіңіздер дейміз!
ВЕДУЩИИ
Тоқтар: Қадірлі
қауым! Бүгін сіздер "Анаға қарап қыз өсер" атты мерекелік сайысына
қатысып отырсыздар. Біздің мерекелік кешіміз ана мен баланың қатысуымен,
бірлесе жұмыс жасауымен өткелі отыр. Яғни, сайысқа 6 жұп (ана мен қыз)
қатысады. Ендігі кезекте әділ қазы алқасымен таныстырып өтейік.
ВЕДУЩИИ
Тоқтар: Сайыс
мынадай кезеңдерден тұрады:
І. Таныстыру
ІІ. Ана мен бала өнері
ІІІ. Аспаздық. Ана мен бала бірлесе отырып тағам
әзірлейді
ІV. Ситуациялық сұрақтар
Тоқтар: Сонымен қатысушы
жұптарды ортаға шақырамыз. (Жеке-жеке атап шақырады да, арнайы дайындалған
орындарға отырғызады, ана мен бала ұлттық киімде, әрбірінің оң жақ кеудесінде
реттік нөмірі болу керек).
ВЕДУЩИИ
(Сайыскерлеріміз дайын болғанша, "Менің анам
алтын" әні орындалады)
Тоқтар:
Гүл
көңілі қуаныштан өрілді,
Жанарыңнан
жалын нұры төгілді,
Жыр
ұшқындап тұр ғой әне үніңнен,
Көпшілікке
таныстыршы өзіңді, - дей отырып, алғашқы қатысушыларымыздың таныстыруын
тамашалайық!
(5 жұп таныстыруын көрсетеді)
Тоқтар: Әділ
қазыларға сөз кезегін береміз.
ВЕДУЩИИ
Тоқтар: Әділ
қазыларға сөз кезегін береміз.
ВЕДУЩИИ
Тоқтар:
О,
аналар осындайсың бәрің де,
Осындайсың
жасың-дағы кәрің де,
Сыйынатын
осы өмірде құдірет,
Сыйынар
ем ана деген тәңірге...
Ендігі
кезекте аналарымыз бен қатарластарымыздың өнерін тамашалуға рұқсат етіңіздер.
(5 жұп өнерлерін көрсетеді!
Тоқтар: Әділ
қазыларға сөз кезегін береміз.
ВЕДУЩИИ
Тоқтар: Талай
ренжітсек те, еркелігімізді көтеріп, туған анамыздай маңдайымыздан сипай білген
ұстаздарымызға айтар алғысымыз шексіз. Олардың еңбегі ұлан-асыр мұхитпен
тең. Сабақтарды әрдайым қызықты өткізіп, ойын ойнататындарыңыз әлі де
есімізде. Сол себепті бүгін біз сіздерді ойнатамыз.
Ойын шарты : Қағазға алдын ала ерекше қылығы бар 3 ұстаздың және 3 оқушының
есімі жазылады. Артынша бұл қағаздар таратылады. Ұстаздар қағазда есімі
жазылған оқушыны, ал оқушылар ұстазына пародия салады. Барынша сыпайы жақсы
мінездерін салуға тырысу керек.
Тоқтар:
Ең
күшті нәрсе не? – десе,
-
Әйелдің әмірі! – дер едім.
Әйелдердің
барлығын
Жердегі
Тәңірі! – дер едім.
Өз
басым әйелді осылай деп бағалаймын. Өйткені, адамзатты жарататын - әйел, ұлтын
көбейтетін - әйел, ұрпақты ұластыратын - әйел, еркекті Ер ететін - әйел. Бір
сөзбен айтқанда, дүниенің тірегі -әйел. Махаббаттың асыл нұры - әйел. Өмір
деген алтын сарай есігінің күміс кілті - әйел махаббаты.
Ананың
қадірін онан сайын сезіне түсіну үшін бір әдемі жыр жолдарын тыңдап алайық:
ВЕДУЩИИ
Оқушы
төмендегі өлеңді оқиды (Сахна артында төмендегі бейнебаян қойылады):
1-оқушы: Анасыздар, әр үйге
панасыздар,
Бала десе от болып жанасыздар.
Сәтті басса ұрпағың,- мерей тасып,
Қыз күлкісін сусын қып қанасыздар.
2-оқушы: Анасыздар —
Ақ Еділ, Жайықсыздар -
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе, лайықсыздар.
3-оқушы: Өр десек те сіздерді —
лайықсыздар.
Төр
десек те сіздерді — лайықсыздар.
Ер десек те сіздерді — лайықсыздар.
Зор десек те сіздерді — лайықсыздар.
4-оқушы: Анасыздар, кең
байтақ даласыздар.
Жаны жайсаң жеңімпаз данасыздар.
Көлеңке жоқ көңiлінде, қылауы жоқ,
Үлбіреген жауқазын баласыздар.
5-оқушы: Сіздер — Күнсіз, аспанда
жарқыраған,
Сіздер — өзен, тау суы сарқыраған,
Сіздер — ана, сіздер — жар, сіздер — қыздар,
Сіздер — жаңбыр, ақ нөсер сарқыраған.
6-оқушы: Біз сіздерсіз тіршілік ете
алмаймыз.
Дегенге де сіздерсіз жете алмаймыз.
Айнала ұшып сіздерді көбелек боп,
Өртеніп қастарыңнан кете алмаймыз
Тоқтар: Адамның
әдептілігімен жан дүниенің сұлулығы, ең алдымен балаға ананың ақ сүтінен, ана
жүрегінің жылуынан дарыған. Бойымыздағы ең жақсы қасиеттер бізге алдымен
анадан тарайды. Біз анадан өмірімізге керектінің барлығын да үйренеміз. Соның
дәлелі ретінде аналарымыз бізге тағам жасауды үйретпекші. Ал олардың сүйікті
балалары қолғабыс етеді. Яғни, үшінші кезеңіміз – "Аспаздыққа" да
кезек жетті.
ВЕДУЩИИ
Ердәулет: Тіршілікке нәр берген ана сүті
қандай құдіретті. Әлемдегі жақсылық көзі, адамдық қасиет, ақ тілек
мейірбандықтың бәрі ана деген сөзбен астасып жатыр. Ендеше жас
журналистеріміздің сұрақтарына жауап беріп көріңіздер. (Шанышқының басына қызыл
алмаларды шаншып микрофон ретінде пайдаланды). Оқушылар кезек-кезек
мұғалімдерге сұрақ қояды:
1.
Мектептегі ең сүйікті оқушыңыз кім?
2.
8 наурыз мерекесіне қандай сыйлық алғыңыз келеді?
3.
Жарыңыздың осы мерекеде сыйлаған ең алғашқы сыйлығы есіңізде ме?
4.
Мектебіміздің ең-ең бұзық оқушысы кім деп ойлайсыз?
5.
Өлең айтып бере аласыз ба?
6.
Әріптестеріңізді құттықтап 4 жол өлең шығара аласыз ба?
7.
Осы мерекеде сізді кім ең бірінші құттықтады?
8.
8 наурыз мерекесі қайдан шықты?
9.
Бұл мереке біздің елімізде қай жылдан бастап атап өтіліп келе жатқанын білесіз
бе?
10.
Осы мерекеде анаңызға қандай сыйлық жасадыңыз?
Тоқтар:
Ал
халайық, ықыласпен демейік,
Арулардың
аспаздық өнерін көрейік.
Дәмі
менен көрінісіне қарап біз
Әділдікпен
бағаларын білейік.
ВЕДУЩИИ
Тоқтар:
Жас
ару жас ғұмырдың талғамысың,
Қуантқан
әрбір үйдің арманысың.
Дәл
бүгін қанат қомдап сыналарда
Сан
сұрақтан сүрінбей, самғап ұшқын, -дей отырып, ситуациялық сұрақтарымызға кезек
берейік, ортаға қатысушы аналарымызды құрметпен шақырамыз.
1-сұрақ: Сіздің қызыңыз бір
жігітті қатты жақсы көреді. Оны тіпті өзіңізге де мойындады. Бірақ, ол жігіт
өте бұзық, отбасы өте нашар тұрады. Сіз қандай әрекет жасайтын едіңіз?
2-сұрақ: Бүгін сіздің қызыңыздың ең жақын
құрбысының туған күні. Қызыңыз сыйлық үшін ақша сұрады. Ал сізде ақша да, басқа
бір бағалы сыйлық та жоқ. Мұны қызыңыз түсінер емес, үйді басына көтеріп, жылап
отыр. Қарыз сұрадыңыз. Ешкімнен табылмады. Сіз қандай әрекетке барасыз?
3-сұрақ: Қызыңыз дәл қазір өтпелі
кезеңде. Ол тым дөрекі болып барады. Сізді ана, жарыңызды әке деп қарамайды.
Ылғи да дауыс көтеріп сөйлейді, айтқандарыңызды тыңдамайды. Күннен күнге
бұзылып бара жатқандығын байқадыңыз. Темекі де шегетін секілді. Ашық сөйлесіп
көріп едіңіз. Нәтиже жоқ. Не істейсіз?
4-сұрақ: Сіздің қызыңыз сыныптасының
ақшасын ұрлап алыпты. Мұнымен қоймай ол қызбен төбелесуге дейін барыпты. Сізді
ата-аналар жиналысына шақыртып масқара етті. Қызыңызды тәрбиелеу үшін қандай
әрекеттер қолданасыз?
5-сұрақ: Сіздің қызыңыз сабаққа
барғысы келмейді. Ұрыстыңыз, ұрдыңыз, мұғалім көмегіне жүгіндіңіз. Бірақ, ол
бәрібір де таңертең тұрмайды. Сабаққа деген еш қызығушылығы жоқ. Қандай
әрекеттер жасайсыз?
Аналар
сұрақтарды ашып жауап береді. Ұтқыр ойдың иесі жоғары балға ие болады.
Тоқтар:
Адам
бар ма ана сүтін татпаған,
Алуан
– алуан ауыр сынды атанған.
Адалдықты,
ар-намысты сақтаған,
Мен
анамның сонысына мақтанам!
ВЕДУЩИИ
АНАМА әнімен 10 «А» сынып қыздары
Тоқтар: Әділ-қазыларымыздан бүгінгі сайыс
қортындысын жариялауды сұраймыз. Қорытынды жарияланып, жеңімпаздарға бағалы
сыйлықтар тапсырылады.
ВЕДУЩИИ
Тоқтар: Аяулы аналар! Сіздер өмірді
нұрландырып, шаңыраққа шаттық нұрын себесіздер. Сіздердің қолдауларыңыз
әркімнің жүрегіне сенімділік ұялатып, шуақ сыйлайды. Осы айрықша қасиеттеріңіз
мәңгілік салтанат құрып, елге ырыс-құт дарысын! Амандықта
жүздескенше! 8 наурыз мейрамы құтты болсын!
Құлақтан кіріп, бойды алар,
Әсем ән мен тәтті күй.
Көңілге түрлі ой салар,
Әнді сүйсең, менше сүй, – деп, Абай атамыз айтқандай ... оқушымыздың
орындауындағы «Анаға сәлем» әнін қабыл алыңыздар
1-жүргізуші:
Үкілі кәмшат, бүрмелі көйлек.
Тұрғандай өзі, қимылсыз билеп,
Иықтан шашып, төгіліп жерге,
Күмісті шашбау, жарасып белге деп ақын ағаларымыз жырлағандай келесі
кезекті мың бұралған бишілерге береміз.
1-жүргізуші:
Десек те уақытпен жарыспайды,
Қиялға қиялменен қарыштайды.
Шәкірттер шын жүректен тебіреніп,
Өнерін аналарға бағыштайды,-дей отырып, сыныптастарымыздың орындауында
попурри ұсынамыз.
3
ер бала шығып біреуі ұстаздарға, екіншісі аналарға, үшіншісі барша оқушы қызға
арнап жазған шағын шығармаларын оқиды.
1-жүргізуші:
Бишілер бар бізде қыздар мен ұлдар тобы,
Мерекеге өнерімен келген бүгін.
Таң қалдырып, қанекей би билеші,
Қол соғып, демеу берсе көрермендер! - деп кезекті ... сыныптың байсалды
да байыпты бишілеріне береміз.
2-жүргізуші:
Мерекеге арналады бүгін билер.
Көтерілсін, қанекей, көңіл-күйлер.
Алдарыңызда қазіргі үнді биі,
Таң қалдырып қанекей би билеңдер, – демекші, ендігі кезекте «Үнді биі», қабыл
алыңыздар!
1-жүргізуші: «Отбасы-шағын мемлекет» деген
сөз бар. Ынтымағы келіскен, түтіні түзу ұшқан әрбір шаңырақ мемлекеттің құт
берекесі. Әйел-ана отбасы жылуын сақтаушы, қоғамның ертеңі болашақ балаларды
тәрбиелеуші.
2-жүргізуші:
Әлемнің жарығын,
Сыйладың сен маған.
Даланың әр гүлін,
Жинадың сен маған.
Оставьте свой комментарий
Авторизуйтесь, чтобы задавать вопросы.