Наурыз мейрамы. Балабақшаға арналған кіріктірілген оқу іс-әрекетінің жоспары.

«Ақтоғай» орта мектебі жанындағы «Балдәурен» шағын орталығы

Кіріктірілген оқу іс-әрекетінің жоспары

Тәрбиеші:Алдиярова И.С.

Топ: тілді толық енгізу ортаңғы топ

Кіріктірілген бөлімі: математика, логика, қоршаған орта.

Тақырыбы: Наурыз.

Мақсаты: наурыз мейрамы туралы түсінік беру, ұлттық ойындар арқылы балалармен математикалық тапсырмаларды орындап, өткен тақырыпты бекіту және көктем гүлдерінің түрлерімен таныстыру, шығармашылық жұмыстарға баулу.

Көрнекіліктер: слайдттар, суреттер.

Әдіс - тәсілдері: түсіндіру, сұрақ-жауап, ойын, зерттеу

Меңгерілетін сөздер: мереке, Қыдыр Ата, бәйшешек, бақ-бақ, қызғалдақ, гүлдін сабағы, жапырағы, күлтешелері, тұз, су, гүл ашылады, ертегілер.

Іс-әрекет кезеңдері	Тәрбиешінің әрекеті	Балалардың әрекеті
Ертеңгілік шеңбер	Балаларды «Көктем келді» атты шаттық шеңберге тұрғызады. - Бәріміз шеңбер болып тұрып, бір-бірімізге жымиып, күліп жақсы көңіл - күй сыйлайық. Қонаққа қыстан оянған жануар келеді. - Өте жақсы, қане, барлығымыз орнымызға отырайық, балалар, бүгін ауа-райы қандай болып тұр? - Қазір жылдың қандай мезгілі? - Көктем мезгілінде қандай өзгерістер болады? - Көктем мезгілінде қанша ай бар, сол санды тақтадан көрсетіңдерші немесе жазып беріңдерші? - Өте жақсы, ал, енді біз жаңа сендермен үш санын көрсеттік, енді, санамақ айтып, топта қанша ұл, қанша қыз бар екенін санап, жазайық. - Бүгін топта кімдер артық, ұлдар ма, қыздар ма? Артық, кем, тең таңбалары арқылы көрсетейікші. - Бір аптада неше күн бар екен? - Апта күндерін атадық, енді осы күндерде не істейтініміз туралы айтып берейікші, қане орнымыздан тұрайық.	Балалар: Балалар –ау балалар! Шақырадыдалалар. Көктемкелдігүлалып Құстаркелдіжыралып. Балалар амандасады. Ауа-райын бүгінгі күнге сәйкес жапсырады. «Бүгін күн ......» -Қазір жылдың ...... -Қар еріді, күн жылына бастады. Көктем айларын атап үш санын жазады, көрсетеді. Көктем айларының аттарын жеке- жеке атайды. Балалар орындарынан тұрып: Кел санайық санамақ, Саусақтарды даралап, Біреу, екеу, үшеу, төртеу, Бүгін топта қыздар, ұлдар нешеу? Қанша ұл және қыз екенін айтып, санды тақтада аз, көп, тең белгілерін  белгілейді.  - Бір аптада........ Балалар апта күндерін атайды, тақтадан көрсетеді. Орындарынан тұрып, барлығы бірге қимылмен көрсетеді: Апта күндерін түстерге байланысты атайды.
Кіріктірілген оқу іс-әрекеті	- Балалар, сендер білесіңдер ме наурыз айында қандай мейрам болатынын? - Наурыз мейрамын біздің халқымыз қалай тойлатады? Қандай ұлттық ойындарды білесіңдер? - Балалар, Наурыз мейрамына барып, қатысқыларын келе ме? - Олай болса барлықтарымыз орнымыздан тұрып, Наурыз мейрамға ән айтып барайық. - Балалар, енді пойызға отырайық. Қане кімнің бойы ұзын Паравозы ол пойыздың Қатар-қатар тұрайық Бізде пойызды құрайық. (Аттың дүбірі естіледі.) - Қыдыр Ата! Қыдыр Ата келе жатқан болар. Ұлыстың Ұлы күні Қыдыр Ата ел жұртын аралайды деуші еді.  (Қыдыр Ата келеді.) - Қасиетіңнен айналайын, Қыдыр Ата, Амансыз ба? Қобыздың дауысы шығып тұрады. Қыдыр Ата: - Армысың жамағат! (қолын жайып) Орта толып ырысқа, Бейбіт өмір орнасын, Ұлыс күні ұл мен қыз, Білімнің мінсін жорғасын! Бір-біріңе сүйеу бол! Жер беті тола тіршілік, Адамзат соған ие бол! - Айтқаныңыз келсін, Қыдыр Ата. Елімізде, білім ордамызда жақсылық болса, Сіздің шапағатыңыз деп білерміз! - Балалар, біздің топта да білім алға бассың. Бүгін біз мейрамда түрлі ұлттық ойындар ойнап, жарысайық. Қыдыр Атамызға өз білімдерімізді көрсетейік. Балалар, ойын ойнап, жарысамыз ба? Қыдыр Ата - Балалар, мен сендерге жұмбақ жасырамын, жауабын тауып көріңдерші. Жұмбақ Құлпырса, қадірлейді, аялайды. Құраса сыпырғышқа жарамайды. – Бұл не? -Жарайсыңдар балалар, сендер менің жұмбағымның жауабын шештіңдер, мен сендерге осы көктем гүлдерін сыйлаймын. Қыдыр ата өзімен бірге көктем гүлдерін алып келеді. Қыдыр Ата: - Ал енді бейнетаспадан осы әсем гүлдерді тамашалайық. -Балалар, бұл бәйшешек гүлі. Бәйшешек – сәндік өсімдіктер. Балалар бұл бәйшешек гүлі өзі кішкентай болса да суыққа төзімді қар ерісімен шығатын түсі ақ және көгілдір гүл екен. - Бәйшешектің түсі қандай? - Жапырағы қандай түсті? - Кәне бәріміз айтайықшы Қыдыр Ата: - Балалар мынау бақ-бақ гүлі. Бақбақ – көп жылдық, жол жиегінде, тау бөктерлерінде өседі. Бақбақтың тамыры мен сабағы дәрілік мақсатқа қолданылады. - Бақ-бақтың түсі қандай? - Жапырағы қандай түсті? - Қане бәріміз айтайықшы Қыдыр Ата: - Қызғалдақ – көп жылдық өсімдік. Қазақстанның далалық аймақтарында жиі кездеседі. Қызғалдақ – ғашықтық, махаббат белгісі екен. - Қызғалдақтың түсі қандай? - Қызғалдақтың жапырағы қандай түсті? - Балалар бұл қызғалдақ гүлі. Қане бірге айтайықшы Қызғалдақ. - Қолдарыңда қандай гүлдер бар? - Олай болса, қолдарыңдағы гүлдерге қарай, топқа бөлініңдер, біз сендермен Наурыз мерекесінде ойналатын ұлттық ойындардан жарыс өткіземіз. 1 тапсырма. Ойын «Гүлдері құрастыр» Тәрбиеші көрсетеді Балалар мынау гүлдің сабағы, қайталап айтайықшы. Гүлдер сабағынан өсіп шығады екен. Алдымен қағаздың ортасынан, төменнен жоғарыға қарай гүлдің сабағын қоямыз. Гүлдің сабағы ұзын жіңішке болады. Содан кейін сабағынан жапырақ өсіп шығады. Енді жапырағын қоямыз. Жапырақтың пішіні сопақша, үш бұрышты болады. Сабағының жоғарғы жағынан гүл өсіп шығады. Міне біздің гүліміз дайын болды. 2 тапсырма «Бәйге» 3 тапсырма «Арқан тартыс» Сергіту сәті: «Наурыз көктем» әні. Б.Бейсенова. 4 тапсырма: «Көкпар» ойыны (салыстыру, есеп құрастыру және затты санап, санын табу тапсырмалары) Практикалық іс-әрекет Топтық жұмыс жалғасы шеберханаларда өтеді. Қорытынды: Ұпайларды санап, топтарды мадақтайды.	- Иә, Наурыз мейрамы болады. - Ән айтады, би билейді, неше түрлі ойындар ойнайды. (Ұлттық ойын түрлерін атайды.) - Иә, барғымыз келеді. Балалар паравоз сияқты бір-бірлерінің арттарына тұрып, ән айтып шеңберде жүреді. Орындарына отырады. - Амансыз ба, Қыдыр Ата! - Иә, жарысамыз. - Гүлдер Балалар өздеріне ұнаған гүлді алады. Балалар сұрақтарға жауап береді. – Бәйшешек. -Бақ-Бақ Қызғалдақты таңдағандар -«Қызғалдақтар» тобы, бәйшешек гүлін таңдағандар - «Бәйшешек» тобы, бақ-бақ гүлін таңдағандар -«Бақ-бақ» тобы деп аталады. Балалар өздерінің топтары қалай аталады сол бойынша гүлдерді қағазға құрастырып, жапсырады. Олардың сабақтарын, жапырақтарын және гүлідерін көрсетіп, санайды. Топ балаларына қағаздан жасалынған гүлдер беріледі, қағаздың артында есеп бар. Есепті шығарады. Балаларға логикалық жұмбақтар қойылады, қай топ тез шешеді сол ұпай алады. Балалар әнді айтады және билейді. Топтар 1-ден-9 ға дейінгі тақтада ілінген сандарды таңдап, санның артында берілген тапсырмаларды орындайды. 1. «Бәйшешек» тобы педагогтан бәйшешек гүлі туралы мәлімет ала отырып, гүлді қиып, күлтелерін орап, суға салып ашылғанын бақылайды. 2. «Бақ-бақ» тобы педагогтан гүл туралы мәлімет алады және сол гүлді ПВА желіммен бейнесін салып, тұз сеуіп, гуашьпен бояйды. 3. «Қызғалдақ» тобы педагогтан гүл жайлы мәлімет алады. Ұзын жіңішке шарлардан гүлдің бейнесін жасап үйренеді. Әр топ ортаға жиналып жасаған жұмыстарын айтып береді және ұпайын алады.
Рефлексивті-түзетушілік	-Балалар, қонаққа кім келді? -Бүгін сендерге не ұнады? Неліктен? Наурыз тойының шашуы шашылады.	Балалар, сұрақтарға жауап береді.

Күтілетін нәтиже:

Білуі тиіс: логикалық және математикалық тапсырмаларды орындауды біледі;
Түсініктерді игеру: Наурыз мерекесі, ұлттық ойындар туралы түсінеді;
Білім, білік,  дағдыларды меңгеру: сұрақтарға жауап беріп, өз ойын айтуға дағдыландыру;