Не білдік? Не үйрендік?

Оразгалиева М.М. қазақ тілі мұғалімі .

КМҚК №7 «Қуаныш» балабақшасы.

Сабақтың тақырыбы: «Не үйрендік?, не білдік?»

Сабақтың мақсаты : Балалардың сөздік қорын  молайту, мемлекеттік   тіл жөніндегі  білімін жетілдіру, казақ тіліне тән дыбыстарды анық айтуға, сөйлемде сөздерді дұрыс қолдана білуге үйрету және түсіндіру, сұрақ-жауап  арқылы сөздік жұмысын өткізу. Халық педагогикасын насихаттау. Қазақ тіліне деген құрмет пен қызығушылық сезімін қалыптастыру.

Қолданылатын көрнекілік құралдар: Жұмсақ ойыншық түйе, суреттер, ойыншықтыр, жеміс пен көкөністердің муляждары, қоржындар, асықтар,  карточкалар.

Сабақтың барысы:

1.     Ұйымдастыру кезеңі.

2.     Психологиялық жаттығулар.

3.     Негізгі бөлім.

4.     Сұрақ-жауап, ойындар.

5.     Қорытындылау.

Ұйымдастыру бөлімі:

Шаттық шеңбер: Қуанамын мен де,

                                 Қуанасын сен де.

                                 Қуанайық достарым,

                                 Жарқыраған  күнге!

Негізгі бөлім:   Балалар  бүгінгі сабағымыздың тақырыбы: «Не үйрендік?, не білдік?» .  Тақтаға қарасақ, тақтада бір сөз жасырынған, бүгін сабақтың барысында осы сөзді табуымыз керек.

Жұмбақ: Кезікті бір жануар,

                Үстінде екі тауы бар.

                                         /Түйе/.

-         Бүгін бізге қонаққа қандай жануар келді?                                                                                

-         Балалар жауабын айтады. /Түйе /    

-         Дұрыс айтасыңдар үй жануары түйе.

-         Ал түйенің үстіндегі не?

-         Қоржын.

-         Дұрыс.

-         Қожының ішінде асықтар бар екен, әр асықта сандар белгіленген осы сандар бойынша тапсырманы орындаймыз.

Ал, түйенің алдында шөп жатыр, әр шөптін жапырағында сандар бойынша тапсырмалар бар.

Тақтаға бір бала шақырылады, ол қоржынан бір асықты алып ондағы белгілеген санды айтады, және асық қандай түске боялғаның айту керек.

1.     Тапсырма: /Сұрақтар/:

-         Біз қай республикада тұрамыз?

-         Республикамыздың бас қаласы қай қала?

-         Қазақстан Республикасының рәміздерін атап беріндер.

Осы сұрақтар бойынша қандай сан түсті, тақтадағы бір әріп ашылады.Ол әріп «Б».

Тақтаға екінші бала шығып,  қоржынан асық алып ондағы санды және асықты атайды.

2.     Тапсырма: /Сұрақтар математика тақырыбы бойынша./  

-         1-ден 10-ға  дейін түра және кері санау керек.

-         Ойын «Көршісін тап»

-         Қандай пішін екенін атап шығу арқылы адамның бөлшегін құру керек.

/пішіндерді  атай отырып , бөлшектеп құру./

Сергіту сәті:  Ал санайық, санайық!

                         Санын біліп алайық.

                          Он қолымда бес саусақ, /санайды/

                          Бір, екі, үш, төрт, бес.

                          Сол қолымда бес саусақ, /санайды/

                          Бір, екі, үш, төрт, бес.

                          Қосып едім екеуі болып шықты он саусақ. /санайды/

                          Бір,екі,үш, төрт,бес,алты,жеті,сегіз,тоғыз, он.

              Екінші әріп ашылады. Ол әріп «А»

              Тақтаға үшінші бала шығып, қоржынан асық алып ондағы санды  және асықтың түсін атайды.

3.     Тапсырма: /Отбасы тақырыбы бойынша/

-         Отбасында кімдер бар?

-         «Мынау кім?» -деген сұраққа жауап береді.

-          Мынау Ата, Әже, Ана, Әке, Әпке, Аға, Ұл бала, қыз бала.

-         Ойын «Кім жоқ?» -деген сұраққа балалардан жауап алынады.

-         Отбасы туралы қандай тақпақ білесіңдер?

«Бес саусақ»тақпағын балалар айтып береді.

Бас бармақ –Ата.

Балаң үйрек- Әже.

Ортан терек – Әке.

Шылдыр шүмек – Ана

Кішкене бөбек –Мен.

Бір үйде біз нешеу?, Бір үйде біз бесеу.

Үшінші әріп ашылады. Ол әріп «Л»

Тақтаға төртінші бала шығып, қоржынан асық алып ондағы санды және асықтың түсін атайды.

4.     Тапсырма: /Үй жануарлары туралы тақырып

Жануарлардың суреті бар кубикті лақтыра отырып ,

Мынау қандай жануар?-деп сұрақ қойылады.

Түйе дұрыс түйенің төлін ата –Бота /үстелдің үстінде төлдерінің суреті жатады тауып енесінің қасына қояды, солай әрі қарай жалғаса береді/

Ойын  «Дауысынан таны» /Бұл қандай жануар/

Төртінші  әріп ашылады «А».

Тақтаға бесінші  бала шығып, қоржынан асық алып ондағы санды және асықтың түсін атайды.

5.     Тапсырма: /Сөздік ойыны –Созвучные слова/.

Город-қала,                                                                 Пять-бес,

Мальчик –бала.                                                          Вечер-кеш

Верблюд-түйе,                                                           Масло-май,

Вишня –шие.                                                              Месяц-ай.

Фрукты-жеміс,                                                           лиса-түлкі,

Победа-Жеңіс.                                                            Смех-күлкі.

Коза-ешкі,                                                                   вода-су,

Старый-ескі.                                                               Хитрый-қу.

Сергіту сәті: «Балық»

Балық болып жүземіз,

Шыңығамыз суға біз.

Таңертең тұрамыз,

Бетімді жуамыз.

Тісімді тазалаймын,

Шәшімді тараймын

Киімді киемін,

Балабақшаға барамын. /қимыл-қозғалыс арқылы орындайды/.

           Бесінші әріп ашылады «Б».

Тақтаға алтыншы  бала шығып, қоржынан асық алып ондағы санды және асықтың түсін атайды.

6.     Тапсырма: «Қай сөз артық»

-         Сиыр,қой, кесе, ешкі, түйе, ат.

-         Ақ, қара, көк, сиыр, сары, қызыл.

-         Бас, аяқ, құлақ, ойыншық, көз.

-         Бір, бес, алты, бас, жеті, сегіз.

-         Әже, Әке, Ана, бала, Әтеш.

-         Алмұрт, тәрбиеші, күтуші, дәрігер,мейірбике.

-         Қасық, шаңышқы, пішақ, асық, тәрелке.

Алтыншы әріп ашылады «А».

Тақтаға жетінші  бала шығып, қоржынан асық алып ондағы санды және асықтың түсін атайды.

7.     Тапсырма: «Ғажайып қоржын»/қоржынның ішіндегіні  атайды, сипап, сезу арқылы.

Қоржынның ішінде 5 көкөніс, 5 жеміс бар.

Сергіту сәті: «Тербеледі ағаштар»

                       Тербеледі ағаштар,

                        Жел соғады алдымнан.

                        Кіп-кішкентай ағаштар,

                        Үп-үлкен боп өседі.

Жетінші әріп ашылады «Қ».

Тақтаға сегізінші  бала шығып, қоржынан асық алып ондағы санды және асықтың түсін атайды.

8.     Тапсырма: «Ғажайып қоржын» /қоржыннын ішіндегі жабайы аңдарды ата/.

Қоржыннын ішіндегі заттарды бір-бірлеп алып, атауларын екі тілде атайды.

Мысалы: Арыстан-лев, жолбарыс-тигр, қоян-заяц, түлкі-лиса, қасқыр-волк.

Сегізінші әріп ашылады «Ш».

Тақтаға сегізінші  бала шығып, қоржынан асық алып ондағы санды және асықтың түсін атайды.

9.     Тапсырма: «Киіз үйдің бөлшектерін ата»

/Кереге,шаңырақ,уық,/

   «Киіз үйді құрайық»

     Дөңгеленіп тұрайық,

      Керегені құрайық.

      Уық болып иіліп,

      Шаңыраққа керіліп,

      Киіз үйді құрайық.

Балалар барлық сұрақтарға дұрыс жауап бердіңдер. Қандай сөз шықты.

«Балабақша»

Қорытынды жасай келе менің сендерге дайындағам сыйлығым бар./балаларға табыс ету/.