“ Әниемә булышам” темасына II сыйныфта сөйләм телен үстерү дәресе. Җөмлә төзү күнегүләре.

  “ Әниемә булышам” темасына II сыйныфта сөйләм телен үстерү дәресе.

               Җөмлә төзү күнегүләре.

                                                                         Фәйзуллина Равия Әгъзам кызы,

                                                                    Казан шәһәре, 170 нче мәктәп укытучысы

Максат: Сүзләрне мәгънәләре буенча бәйләп, җөмлә төзү күнекмәсен формалаштыру; фигыльнең берлек һәм күплек саннарын кулланып, җөмләләр төзү; хатасыз һәм пөхтә язу  күнекмәләре  өстендә  эшне дәвам итү;

укучыларда хезмәткә мәхәббәт  тәрбияләү.

Планлаштырылган нәтиҗә:

·                   шәхескә кагылышлы – укучыда телнең байлыкларын үзләштерү күнекмәсе формалаштыру;;

·                   предмет – татар телендә дөрес җөмлә төзү күнекмәсен булдыру;

·                   метапредмет – бердәм эшчәнлектә уртак кызыксынулар табып, уртак фикергә килү.

Җиһазлау: дәреслек,рәсем, тикшерү өчен җөмләләр.

                                       Дәрес барышы:

I. Дәресне оештыру.

II. Психологик уңай халәт тудыру.

III. Актуальләштерү.

   - Җөмләләрне укыгыз.

   -  Кайсы җөмлә ошый?

   - Ни өчен?

Укучылар укый кызыклы китап.

Укучылар кызыклы китап укый.

(Икенче җөмлә , чөнки җөмлә дөрес.)

- Җөмләнең дөреслеген кайдан белдегез? (Фикернең ачык әйтелүеннән,сүзләр бәйләнешеннән.)

- Ә сүзләрне бәйләү өчен, нәрсә эшләргә кирәк?(Бер – берсенә бәйләнсен өчен, аларны үзгәртергә кирәк.)

- Язылышлары үзгәрмәгән ич, ничек үзгәртергә?(Урыннарын алыштырырга.)

Җөмләдә сүзнең урыны аның тәртибе була.

- Димәк, нишләтергә кирәк? (Җөмләдәге сүзләрнең  тәртибен үзгәртергә кирәк.)

- Бу күзәтүләрдән чыгып, бүгенге дәрескә уку мәсьәләсе куегыз.

Уку мәсьәләсе.Җөмләдә сүзләрнең урнашу тәртибен  өйрәнербез.

IV. Уку мәсьәләсен өлешләп чишү этабы.

1 нче бирем.

- Тактадагы нәтиҗәне укыгыз.Истә калдырыгыз.

1нче нәтиҗә. Җөмләдә сүзләрнең билгеле бер тәртибе була.

2нче бирем. Парлап эшләү.

- Рәсемдә нәрсә сурәтләнгән?

Парларда киңәшеп,рәсем буенча сөйләгез.

Моның өчен нәрсәгә игътибар итәргә кирәк?

 2 нче нәтиҗә. Рәсем  буенча сөйләр өчен төп вакыйгага игътибар итәргә кирәк.

3нче бирем. Җөмләләрне эчтәлеге ягыннан текст итеп төзе.

Ул әнисенә булыша . Кер чиста була. Алсу зур үсте.  Алсу кер уа. Алсу куана.

Дәфтәрдә эш.

V.Ял итү.

VI. Рефликсив бәяләү этабы.

-         Нәрсә белдек?

-         Ничек белдек?

VII. Өй эше.1.Фигыль турында өйрәнгәннәрегезне  гаиләгездә сөйләгез.

                      2. Сез әниегезгә ничек булышасыз? (2 җөмлә төзеп яз)

                      3. Хикәя яз, рәсем яса.

Краткое описание документа:

Дәрес барышы:

I. Дәресне оештыру.

II. Психологик уңай халәт тудыру.

III. Актуальләштерү.

- Җөмләләрне укыгыз.

-Кайсы җөмлә ошый?

- Ни өчен?

Укучылар укый кызыклы китап.

Укучылар кызыклы китап укый.

(Икенче җөмлә, чөнки җөмлә дөрес.)

- Җөмләнең дөреслеген кайдан белдегез? (Фикернең ачык әйтелүеннән,сүзләр бәйләнешеннән.)