"Нәрсә ул бәхет?" Сыйныф сәгатенә презентация

• 1 слайд

  Сыйныф сәгате: “Нәрсә ул бәхет?” Әзерләде: рус теле һәм әдәбияты укытучысы Исмагилова Энҗе Рәшит кызы Яшел Үзән районы Газиз Айдарский исемендәге Күгеш төп гомуми белем бирү мәктәбе

• 2 слайд

  Нәрсә ул бәхет?

• 3 слайд

  Аңлатма: Бәхет – тулы канәгатьләнү халәте һәм хисе. Мораль сыйфатлар ( шәфкатьлелек, ярдәмчеллек) Тормыштагы уңайлыклар ( саулык, уңыш, материаль байлык)

• 4 слайд

  Нәрсә ул бәхет? Бәхет нәрсә ул?- дисезме, Ул бит гаҗәп төшенчә. Җаваплар булыр күп төрле- Һәркем аңлый үзенчә…

• 5 слайд

  Халык әйтсә - хак әйтә Бәхет пыяла кебек, сакламасаң - уала. Акыллы кеше бәхетне көтеп ятмый. Үз-үзенә ышанган кеше бәхетле була. Бәхет җирдән чыкмас, тирдән чыгар. Ызгышкан җирдән бәхет качар. Бәхете ташып торса да, усал кеше – бәхетсез.

• 6 слайд

  Нәрсә ул бәхет? Нәрсә ул бәхет? дигән сорауга 6 укучы– гаиләң имин булу; 3се- яшисе килеп яшәү; 2- һәр яңа көнгә сөенү; 4әү- дусларың булу; 3се- ГИАны,ЕГЭны әйбәт бирү; 1 укучы- тәмәке тартмау, аракы эчмәү, наркотик кулланмау, 2се- әйбәт билге алу, 1се- машинаң булу дигән фикерне сайлаган. Бәхетне акчага сатып алып буламы? дигән сорауга 8 укучы да юк дип җавап бирде. Кешенең бәхете үз кулында булуы белән килешәсезме? дигән сорауга 7- әйе; 1- җавап бирә алмыйм дип җавап бирде.

• 7 слайд

  Депутат, шагыйрь Разил Вәлиевның “Нәрсә соң ул бәхет?” дигән сорауга җавабы белән танышып үтик әле: – Бәхет ул һәрвакыт алда була. Гомумән, бәхетле мизгел генә булырга мөмкин. Сагынып сөйләрлек гамәлләрең, дусларың булсын. Бәхет, оҗмах шикелле, һәрвакыт алда. Ул шундый хыялый, серле бер көчтер инде. Бәхет ул матди хәлдә була алмый, аны тотып карап булмый. Күңел түрендәге хис, рух, шатлык, канәгатьләнү халәте ул. Сау булыйк! Бәхетле булыйк.

• 8 слайд

  Исеңдә тот! Бәхетнең вакыт сынавын узган үз формуласы бар – ул уңайлы йорт, дус гаилә һәм яраткан эш.

• 9 слайд

  Хыялларыңның тормышка ашуы бер мизгеллек бәхет Иң кадерле кешеләреңне ярату тынычлык

• 10 слайд

  Бәхет рецепты Бер касә сабырлык алыгыз. Аңа йөрәк тулы ярату кушыгыз. Ике чеметем юмартлык өстәгез. Юмор хисен салырга онытмагыз. Шәфкатьлелек сибегез. Мөмкин кадәр күбрәк ышаныч өстәгез һәм барысын бергә әйбәтләп болгатыгыз. Аннары сезгә бирелгән гомернең берәр кисәгенә аны сылагыз да юлыгызда очраган һәркемгә аны тәкъдим итегез!!!

• 11 слайд

  Игелекле эшләр Сәламәт булу Хыялларыңның тормышка ашуы Бер мизгеллек бәхет Иң кадерле кешеләреңне ярату тынычлык

• 12 слайд

  Ситуация Ике малай хоккейдан кайталар. Үзара бәхәсләшеп тә алалар, төрткәләшә дә башлыйлар . Шулвакыт яннарына чит ил машинасы килеп туктады. Тәрәзәсен тиз генә төшерде дә, машинадан да чыкмыйча, Равил абыйларның кайда торганлыгын сорады. Малайлар өйрәтеп җибәрделәр. - Эх,бар да соң бәхетле кешеләр,- диде Илдар. - Әйе...- дип килеште дусты белән Рамил. Сөйләшә-сөйләшә чит ил машинасы туктаган җиргә килеп тә җиттеләр. Һәм шып туктап калдылар: машинадан коляскада баягы абый төшеп килә иде... Малайлар фикере белән килешәсезме? Чынлап та бәхет байлыктамы?

• 13 слайд

  Ситуация Алсу белән Алинә кичәдән кайтып киләләр. Көлешәләр , шаярышып бер-берсен этеп тә җибәрәләр. Шул ук вакытта кочаклашып та алалар. Артларыннан Лилия килә. Сиздермәскә тырышса да, аның борчулы икәне күренә. Ул кызлар янына килә алмый, аларны бик нык үпкәләтте шул ул. Ни өчен икән? Бәхет төшенчәсе монда ничек сурәтләнгән?

• 14 слайд

  БӘХЕТ УЛ... Бәхет нәрсә ул?- дисезме? Төгәл әйтмәс берәү дә. Бәхет ул - бу җиһанда КЕШЕ булып яшәүдә!

• 15 слайд

  Игътибарыгыз өчен рәхмәт!