Оқытуда дыбыс-бейне
құралдарын қолдану – шетел тілдерін
оқып-үйренуде
балалардың танымдық қызығушылықтарын
арттыру құралы
ретінде
Шет
тілі – көптеген жылдар бойы оқытылып ұстаздың әдістемелік ерекшеліктерін және
оқыту шеберлігін қажет ететін оқу жоспарының міндетті пәні.
Оқу
сәтті өту үшін қабылдау процессінде көптеген әсерлі қабылдау түрлері болу
керек. Дыбыс-бейне құралдарын қолдана отырып оқыту жағдайында маңыздылығы мен
тиімділігі жағынан бірінші орында қабылдаудың біріктірілген көру-есту түрі,
одан кейін көру, сосын барып есту түрі болып келеді. Сонымен әр түрлі
саралағыштарға қиын қоздырғыштар кешенінің бір уақытта әсер етуі ерекше күшке,
ерекше сезімдікке ие. Сондықтан дыбыс-бейне құралдары көмегімен ақпарат
қабылдайтын оқушы ағзасы сезімдік бейнеден логикалық ойлауға жеңіл ауысатын
сезімдік негізді құрайтын айрықша сапалы ақпараттың әлеуетті ағынының ықпалында
болады.
Оқытудың
дыбыс-бейне құралы (ОДБҚ) – есту және көру ақпараттарын ұсынуға арналған
экранды және дыбысты құралын қоса алатын оқыту процессінде кеңінен қолданысқа
енген оқытудың ерекше техникалық құралдар тобы.
Дыбыс-бейне
құралдарын тиімді пайдалану мүмкіндік береді:
1)
көрнекіліктердің маңызды дидактикалық қағидаларын толық жүзеге асыруға;
2) әр
оқушының жеке типологиялық қабілеттерін есепке ала отырып оқытуды жүзеге асыруға;
3) бағдарламалау
мен бақылау үшін жақсы жағдай жасауға;
4) өзіндік
тыңдау дағдыларын жедел қалыптастыру мен ұйымдастыруды қамтамасыз етуге;
5)
оқушылардың аналитикалық және имитациялық ерекшеліктерін максималды қолдануға;
6) барлық
оқушылармен бір уақытта көптеген белсенді жаттығу түрлерін орындауға, соның
ішінде сөйлеуге.
Шет
тілін оқыту тәжірибесіне дыбыс-бейне құралдыран енгізу тілді меңгеру сапасын
тек көтеріп қана қоймай шет тілін меңгерудегі мақсаттарына жетуге, яғни
балаларды шет тілінде қатынас жасауға жәрдемдеседі.
К.М.Даулбаева,
№ 23 сәбилер
бақшасының
ағылшын тілі мұғалімі
Павлодар
қ.
Оставьте свой комментарий
Авторизуйтесь, чтобы задавать вопросы.