"Орман-тоғай өсімдіктері мен жануарлары."

• 1 слайд

  Сабақтың мақсаты: Орман мен тоғайдың ұқсастықтары мен айырмашылықтары, ормандағы тіршілік жағдайлары, өсімдіктер мен жануарлар әлемінің алуан түрлері.
  Тәрбиелік мақсаты : Орман- еліміздің байлығын қорғау және
  экологиялық тәрбие беру.
  
  
  Сабақтың тақырыбы: Орман-тоғай өсімдіктері мен жануарлары. Орманның пайдасы және оны қорғау
  

• 2 слайд

  Жамансары, ақсары (лат. Buteo buteo) — сұңқартәрізділер отрядының қаршыға тұқымдасына жататын жыртқыш құс. Солтүстік Қазақстанда, Алтай мен Тянь-Шань тауларының орманды алқаптарын мекендейді. Мекиені қанатының ұзындығы 42-45 см, салмағы 1 кг-нан асады. Қоразы оған қарағанда кішілеу келеді. Қанатының ұзындығы 33-38 см, салмағы 1 кг-ға жетпейді. Дене түсі қара-қоңыр, ұшы қаралау қанаттарының астында ақшыл шұбар дақ болады. Басқа өзіне тектес жыртқыштардан айырмашылығы — құйрығы қысқа, сұр не қоңыр түсті көлденең жолақты келеді. Ұясын ағаш басына салады. Мекиені мен қоразы 3-5 теңбіл түсті жұмыртқаны 1 айдай кезектесіп басып, балапандарын 40 күнде ұядан ұшырады. Ақсары — жыл құсы. Тамыз — қазан айларында жылы жаққа ұшып кетеді. Оңтүстік Азия, Африкада қыстайды. Наурыз — мамыр айларында қайта оралады. Ұсақ кеміргіштермен, құстармен, кесірткелермен, бақалармен т.б. жәндіктермен қоректенеді.
  

• 3 слайд

  Қырғауыл (лат. Phasianus) - тауықтәрізділер отряды, қырғауылдар тұқымдасына жататын құс.
  Биологиялық сипаты
  •Салмағы 1700 г-дай.
  •Құйрығы ұзын, қоразының тілерсегінде өткір мүйіз өсіндісі бар. Мекиені қоразынан үлкен.
  •Қоразының арқасы сарғыш, бауыры сары қызыл, мекиенінің арқасы қоңыр сары, бауыры қызыл қоңыр.
  Көбеюі
  Қырғауыл - отырықшы құс. Ұясын ну қамыстың, қалың бұтаның арасына жерге салады. Сәуір-мамыр айларында 7-18 жұмыртқа салып, 21-27 күнде балапан басып шығарады. Балапандары жұмыртқадан жетіліп шығады, мамығы кепкен соң жемін өзі аулайды.
  Қоректенуі
  Қырғауыл өсімдіктің жеміс-жидегімен, жуашық, түйнегімен қоректенеді. Аяғы мықты, топырақты қазып, арасындағы жәндіктерді, олардың дернәсілдерін жейді.
  Таралу аймағы
  Қырғауыл Еуропа, Азия құрлықтарында, Қытай, Жапонияда тараған. Қазақстанда Жетісу аймағында, Сырдария аңғары, Қызылқұм құмды алабында, Талас Алатауында кездесетін бір түрі бар.
  Кәсіптік маңызы
  Сақа және жасы 1 жылдан асқан жас қырғауылдарға аңшылық жүргізіледі.
  Кәсіптік маңызы бар, әуестік үшін де ауланады.
  

• 4 слайд

  Кәдімгі мысықторғай
  
  Кәдімгі мысықторғай (лат. Oriolus oriolus) – торғайтәрізділер отрядына жататын сайрағыш құс. Қазақстанда Алтайдан Батыс Тянь-Шаньға дейін және Сырдария, Жайық өзендері алқаптарындағы ормандарда кездеседі. Қоразының түсі айқын сары болып, тек қанаттары сарғыштау дақ араласқан қара келеді. Көбею кезінде мекиендерінің арқасы, басы мен мойны жасыл сары реңді болады. Дене тұрқы 25 см-дей, салмағы 50 – 80 г-дай. Оның ән салғандағы үні алыстан естіледі. Бір нәрседен сезіктенгенде мысықтың мияулағанындай дыбыс шығарады. Жыл құсы. Сәуір – мамыр айында келіп, ұясын қайың, тал, алма ағаштарының бұтақтарына аспалы тор сияқты іліп қояды. Оған 3 – 5 шұбар жұмыртқа салып, мекиені 13 – 15 күнде балапан басып шығарады. 20 күннен кейін балапандары ұядан ұшады. Мысықторғайлар орман мен бақ ағаштарына зиян келтіретін жәндіктер мен олардың дернәсілдерін жеп пайда да келтіреді. Қыркүйектің басында қыстау үшін жылы жаққа ұшып кетеді
  
  

• 5 слайд

  Мойыл
  Мойыл (лат. Padus) – раушангүлдер тұқымдасына жататын ағаштар және бұталар.
  Ботаникалық сипаты
  Биіктігі 10 мге жуық.
  Қабығы қоңыр, жапырақтары кезектесіп орналасқан. Сағақтары ұзын, эллипс тәрізді, шеттері өткір ара тісті. Оның жоғарғы жағындағы жапырақтарының шеттерінде бездері бар.
  Гүлдері майда, ақ түсті, шоғырланып төмен салбырап тұрады. Гүл тостағаншасының қалақшалары да, гүл жапырақшалары да бес-бестен.
  Жемісі - қара сүйекше. Мамыр-маусым айларында гүлдейді.
  Жемісі тамыз-қыркүйек айларында піседі.
  Сүрегі
  Мойылдан бояуыш зат және дәрілік препараттар алынады. Балды және әсемдік өсімдіктер. Сүрегі мықты, ағаш өңдеу шауашылығында қолданылады. Жемісімен құстар қоректенеді. Мәдени түрде де өсіріледі.
  

• 6 слайд

  Айдаршөп (Corуdalіs) – көкнәр тұқымдасына жататын екі немесе көп жылдық шөптесін өсімдіктер, кейде бұта (мысалы, ірі гүлді айдаршөп).
  Жетісу өңірінде және Қазақстанның басқа аймақтарында 19 түрі өседі (оның ішінде көп кездесетіні — Ледебур, Галлер айдаршөбі). Тамыры ірі, шар тәрізді немесе ұзынша түйнек түрінде болады. Оның әр жерінен жанама тамырлар тарайды. Сабағының топырақ астындағы бөлігі ұзын, сыртын түк басқан. Жапырақтары үш салалы, бүтін жиекті немесе қауырсынды, екі рет тілімделген. Жемісі — қынап тәрізді немесе кеңейген, көп тұқымды қауашақ. Бұлар, не¬гізінен, бал беретін және сәндік өсімдіктер. Айдаршөптің тамыр түйнегінде алкалоид болады, одан дәрі алынады. Айдаршөптің ішінде ең сирек кездесетін реликті түрі — Семенов түрі. Оның биіктігі 35-75 см. Бұтақтанған цилиндр тәрізді тамыры бар. Қауырсын тәрізді тілімденген ірі жапырақтары сабаққа кезек орналасады. Жылдан-жылға таралу ареалы азайып бара жатқандықтан қорғауға алып, Қазақстанның “Қызыл кітабына” енгізілген. Айдаршөп - гүлі сары, күлгін қызыл, сия көкнемесе көгілдір түсті,сабағы бұтақты немесешөптесін көпжылдық өсімдік.
  

• 7 слайд

  «Егер табиғатқа тіл бітсе...»
  Шығармашылық жұмыс.
  

• 8 слайд

  Синквейн әдісі. Бес жолды өлең құрастыру
  Зат есім. Не? Нелер? –
  Етістік. Не істеді? Қайтті? –
  Сын есім. Қандай? –
  Сөйлем -
  Синоним -
  

• 9 слайд

  «Ой қозғау»
  ОРМАН
  

• 10 слайд

  Р А Х М Е Т
  

Краткое описание документа:

Сабақтың мақсаты:   Орман мен тоғайдың ұқсастықтары мен айырмашылықтары, ормандағы тіршілік жағдайлары, өсімдіктер мен жануарлар әлемінің алуан түрлері. 

Тәрбиелік  мақсаты : Орман- еліміздің байлығын  қорғау және экологиялық тәрбие беру.

Қазақстанның табиғаты алуан түрлі. Ағаштардың алуан түрі кездеседі. Табиғат адамға баға жетпес байлық, сондықтан табиғат - Ананы қорғап, аялауымыз қажет.- Бүгінгі тәрбие сағатымыз «Мен - табиғаттың бір бөлшегімін» деп аталады.

Күн сәулесі: Сәлем, достар!

Көзімді таңмен ашамын,

Әлемге нұрын шашамын.

Мен алтын күннің сәулесімін.

Сендер маған қуаныштысыңдар ма?