Қоршаған ортамен танысу, әлеумет Тақырыбы: "Жаңа жыл төрімізде"

Ұйымдастырылған оқу қызметінің                       

технологиялық картасы

Күні: 26.12.16ж

Тәрбиеші:

Білім саласы: Әлеуметтік. Қатынас. Қоршаған орта.

Тақырыбы: Жаңа жыл төрімізде.

Мақсаты: Жаңа жылды тойлау дәстүрімен таныстыру. Шырша ойыншықтарымен шыршаны безендіре білу дағдыларын қалыптастыру. Дәстүрлі мерекелерді атап өтуге баулу.

Көрнекіліктер: мереке суреті; Ақшақар мен Аязатаның суреті, үлестірмелі материалдар.

Сөздік жұмыс: мереке.

Іс-әрекет кезеңдері	Тәрбиешінің қызметі	Балалардың іс-әрекеті
Мотивациялық қозғаушы	1.     Ғажайып сәт. Педагог балаларға қорапшаны көрсетіп, сәлемдеме келгендігін хабарлайды.	Қуаныштарын көрсетеді.
Ұйымдастырушылық ізденіс	1. Білімді өзектендіру. – Балалар, мынау Аязатаның сәлемдемесі сияқты. Өйткені Жаңа жыл мерекесі жақындап келе жатыр. (Қорапшаны ашады). Ішінде жаңа жылдық ойыншықтар мен шырша бар екен. Біз осы ойыншықтармен шыршаны безендіреміз. Мерекеге ата аналар да қатысады, ертегі кейіпкерлері де келеді. Балалардың біреуі қоян, біреуі тиін, тағы да басқа кейіпкерлерге айналады. Шыршаны айнала шаттық шеңберін құрып, өнерлерін көрсетеді, ал Ақшақар мен Аязатабізге сыйлықтарын береді. Жаңа жыл – әлемдегі қуанышқа толы ең ғажайып мерекелердің бірі. Бәріміз келе жатқан Жаңа жылдан жарқын ертегі, жаңа бақыт күтеміз. Адамдар бір біріне жақсы тілектер тілейді. Жаңа жылдық шыршаны безендіру. Сөздік жұмыс. Мереке – салтанатты той, мейрам. Жаңа жылдық өлең оқу. Тамаша, тамаша Шыршамыз тұр жараса. Басында әсем жұлдызы Көз тартады қараса. Үлестірмелі материалмен жұмыс орындатылады. Жеке жұмыс жүргізеді. «Жаңа жылдық тілек» ойыны. Бірнеше бала мерекелік тілектер айтады.	Балалар, суреттерді қарастырып, сұрақтарға жауап береді. Балалар шыршаны безендіруге көмектеседі. Өлең жолдарын қайталайды. Тапсырманы орындайды.
Рефлексивті-коррекциялау	Сұрақ-жауап әдісі арқылы оқу іс-әрекетінде алған білімдерін бекітеді.	Сұрақтарға жауап береді. Бір бірінің жауаптарын тыңдайды.

Күтілетін нәтиже:

Ұғынады: жаңа жылдық тілек айтуға арналған тапсырмаларды.

Түсінеді: Жаңа жылды тойлау дәстүрі туралы мәліметтерді.

Қолданады: шырша ойыншықтарымен шыршаны безендіре білу дағдыларын.